मुंबई : जानेवारी 2019 ते 2022 या कालावधीत मुदत संपलेल्या आणि जून ते सप्टेंबर 2022 या कालावधीत मुदत संपुष्टात येणाऱ्या तसेच नव्याने स्थापन झालेल्या ग्रामपंचायतींच्या सार्वत्रिक निवडणुकीचा कार्यक्रम राज्य निवडणूक आयोगाने आज (बुधवार, 29 जून) जाहीर केला आहे. त्यामुळे कोरोना महामारी आणि इतर अडचणी पार केल्यानंतर अखेर राज्यात निवडणूकांचे बिगुल वाजले आहे. Gram Panchayat Election Big News! The election trumpet sounded
शिवसेनेच्या बंडखोर आमदारांमुळे राज्यातील राजकीय वातावरण तापले असतानाच राज्य निवडणूक आयोगानं महाराष्ट्रातील 62 तालुक्यातील 271 ग्रामपंचायतीची निवडणूक जाहीर केली आहे. राज्य निवडणूक आयोगाने महाराष्ट्रातील 62 तालुक्यातील 271 ग्रामपंचायतीची निवडणूक जाहीर केली आहे. आयोगाने याबाबतचं परिपत्रक जारी केले आहे. त्यानुसार पाच जुलै रोजी आचारसंहिता लागू होणार आहे. चार ऑगस्ट रोजी मतदान प्रक्रिया पार पडेल तर पाच ऑगस्ट रोजी मतमोजणी होणार आहे.
पावसाचे प्रमाण कमी असलेल्या विविध 62 तालुक्यांतील 271 ग्रामपंचायतींच्या निवडणुका होणार आहेत. या सार्वत्रिक निवडणुकांसाठी 4 ऑगस्ट 2022 रोजी मतदान होईल तर 5 ऑगस्ट 2022 रोजी मतमोजणी होणार आहे.
आयोगानं याबाबतचं परिपत्रक जारी केले आहे. महाराष्ट्र ग्रामपंचायत अधिनियम (सन 1959 चा मुंबई अधिनियम क्रमांक 3) मधील कलम 10 अ पोटकलम (4) मधील अधिकारांचा वापर करत राज्य निवडणूक आयोगानं 271 ग्रामपंचायतीच्या निवडणूका जाहीर केल्या आहेत. पाच जुलै रोजी आचारसंहिता लागू होणार आहे. चार ऑगस्ट रोजी मतदान, तर पाच ऑगस्टला मतमोजणी होणार आहे. यामुळे पुढील महिना या ग्रामपंचायत हद्दीत रणधुमाळी गाजणार आहे. राज्यात 28,813 ग्रामपंयायती आहेत.
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…
https://www.facebook.com/109399567404448/posts/pfbid06Rw6Y8g4J7sRojTtDMznyx3e1mvFobSJAE1GExegquKdxRWKybi3jRuDA2FBy2c1l/
नाशिक – 40, धुळे – 52, जळगाव – 24, अहमदनगर – 15, पुणे – 19, सोलापूर – 25, सातारा – 10, सांगली – 1, औरंगाबाद 16, जालना – 28, बीड – 13, लातूर -9, उस्मानाबाद – 11, परभणी – 3 बुलढाणा – 5 या जिल्ह्यात ( कंसात आकडा) ग्रामपंचायचीच्या निवडणूका होणार आहेत. 62 तालुक्यातील 271 ग्रामपंचायतीमध्ये निवडणुकांचा धुराळा उडणार आहे.
निवडणुका असलेल्या ग्रामपंयचायतीमध्ये, निवडणूक क्रायक्रम जाहीर केल्यापासून निवडणूकीचा निकाल जाहीर होईपर्यंत आचारसंहिता लागू राहिल, असे जाहीर करण्यात आले आहे. या निवडणुकांसाठी नामनिर्देशनाची प्रक्रिया संगणक प्रणालीद्वारे राबवण्यात यावी, असेही निवडणूक आयोगानं जिल्हाधिकाऱ्यांना सांगितलेय. सकाळी साडेसात ते सायंकाळी साडेपाच वाजेपर्यंत मतदान होईल. या निवडणुकीदरम्यान कोरोना नियमांचं पालन करण्यात यावे, असेही सांगण्यात आले आहे.
सार्वत्रिक निवडणुकांचा कार्यक्रम जाहीर केला आहे. त्यानुसार संबंधित तहसीलदार 5 जुलै 2022 रोजी निवडणुकीची नोटीस प्रसिद्ध करतील. नामनिर्देशनपत्रे 12 ते 19 जुलै 2022 या कालावधीत दाखल करण्यात येतील. शासकीय सुट्टीमुळे 16 आणि 17 जुलै 2022 रोजी नामनिर्देशनपत्र दाखल करता येणार नाहीत. नामनिर्देशनपत्रांची छाननी 20 जुलै 2022 रोजी होईल. नामनिर्देशनपत्र मागे घेण्याची अंतिम मुदत 22 जुलै 2022 रोजी दुपारी 3 वाजेपर्यंत असेल. मतदान 4 ऑगस्ट 2022 रोजी सकाळी 7.30 ते सायंकाळी 5.30 या वेळेत होईल.
https://www.facebook.com/109399567404448/posts/pfbid0vZnFzNMiyNy7REMeJWLv1A5L6jd6TFDU7UmY6f13XNkfGEpbQwP67sbq7Ut3FY9fl/
