सोलापूर पुणे राष्ट्रीय महामार्गांवर तीन गाड्यांचा भीषण अपघात; दोन घटनेत चौघांचा मृत्यू

सोलापूर : सोलापूर पुणे राष्ट्रीय महामार्गांवर तीन गाड्यांचा भीषण अपघात झाला. अशा दोन घटनेत चौघांचा मृत्यू झाल्याची दुर्दैवी माहिती आहे. Three car accident on Solapur Pune national highways; Four died in two incidents in the government hospital

पाकणीहून सोलापूरच्या दिशेने दोन कार आणि एका दुचाकी येत होत्या. त्यावेळी कारचे टायर फुटल्याने कारवरचा ताबा सुटून समोरून दुचाकीवर येणाऱ्या शिवयोगी हांडे व भैरम्मा शिवयोगी हांडे (वय-४५,रा. कुमारस्वामी नगर, शेळगी) यांना धडक दिली. त्याचवेळी पाठीमागून येणाऱ्या दुसऱ्या कारची धडक बसली. यात कार पलटी होऊन दुभाजकात जाऊन अडकली.

या अपघातात भैरम्मा हांडे यांचा व कारमधील विहान मयूर कांगडे (वय-१४,रा.मुंबई) यांचा मृत्यू झाला. बबलू कांगडे, मारूती बागडे,मयूर कांगडे, रतन कांगडे हे जखमी झाले आहेत. जखमींना उपचारासाठी खासगी हॉस्पिटलमध्ये दाखल करण्यात आले आहे.

घटनेची माहिती मिळताच तालुका पोलिस ठाण्याचे पोलिस निरीक्षक नामदेव शिंदे, हवालदार लोंखडे, कॉस्टेबल रमीज शेख यांनी घटनास्थळी भेट दिली.

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, डेलिहंट, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)

● तळेहिप्परगा येथे डंपरच्या धडकेने दुचाकी वरील २ महिला ठार १ जखमी

सोलापूर  : दुसऱ्या घटनेत तळे हिप्परगा येथे दुचाकीवरून ट्रिपल सीट जाताना अज्ञात डंपरने पाठीमागून धडक दिल्याने दुचाकीवरील आसिफ अमीन शेख हे गंभीर जखमी झाले, तर शरीफा आसिफ शेख (वय-३५,रा.तळे हिप्परगा), सलीमा बशीर चौधरी (वय-५०,रा.पुणे) या दोन महिलांचा मृत्यू झाला आहे. या दोन्ही घटनांची नोंद सिव्हिल पोलिस चौकीत झाली आहे.

शुक्रवारी झालेल्या आपल्या मुलीच्या लग्न सोहळा झाल्यानंतर आज मुलाकडील कडील जेवण आटोपून दुचाकीवरून ट्रिपलसीट घराकडे जात असताना पाठीमागून डंपर धडकल्याने मुलीची आई आणि आईची आत्या असे दोघेजण जागीच ठार तर वडील जखमी झाले. हा अपघात सोलापूर ते तुळजापूर रोडवरील तळेहिप्परगा येथे आज शनिवारी सायंकाळच्या सुमारास घडला.

  शरीफा असिफ शेख (वय ३५ रा. तळेहिप्परगा सोलापूर ) त्यांची आत्या सलीमा बशीर चौधरी (वय ५० रा. गणेशहिंगणी जि. पुणे) असे मयत झालेल्या महिलांची नावे आहेत. तर मयत शरीफा शेख यांचे पती आसिफ शेख (वय ४० रा . तळे हिप्परगा ) हे जखमी झाले.

 या अपघाता संबंधी मिळालेली माहिती अशी आसिफ शेख यांच्या मुलीचा विवाह शुक्रवारी झाला होता . आज शनिवारी शहरातील मोदी (हुडको ) परिसरात मुलाकडचे जेवण आटोपून तिघे दुचाकीवरून तळेहिप्परगा येथे आपल्या घराकडे निघाले होते. सायंकाळी सहा वाजेच्या सुमारास तळेहिप्परगा येतील फूट रस्त्याजवळ पाठीमागून खडी वाहतूक करणारा एमएच१३-डीक्यू- ५०५८ या क्रमांकाचा डंपर धडकल्याने दोघेजणी चाकाखाली सापडून जागीच मयत झाल्या. तर आसिफ शेख हे जखमी झाले . या अपघाताची नोंद जोडभावी पेठ पोलिसात झाली पुढील तपास फौजदार ताकभाते करीत आहेत .