मुंबई, 5 मे (हिं.स.)।ओटीटीवरील ‘उल्लू ॲप’वर प्रसारित ‘हाऊस अरेस्ट’ शोमध्ये अश्लील कंटेट दाखवल्याप्रकरणी बॉलीवूड अभिनेता एजाज खान आणि शोच्या निर्मात्यांविरोधात तक्रार दाखल करण्यात आली आहे.यानंतर आता एका 30 वर्षीय महिलेनं एजाज खान विरोधात बलात्काराचा आरोप करत तक्रार दाखल केली आहे.
एजाज खानने सिनेमात काम देण्याच्या बहाण्याने बलात्कार केल्याचा आरोप ३० वर्षीय महिलेने केला आहे. अभिनेत्याने शारीरिक शोषण केल्याचं महिलेचं म्हणणं आहे. याप्रकरणी रविवारी (दि.४) चारकोप पोलीस स्थानकात गुन्हा दाखल करण्यात आला आहे. या प्रकरणाचा पोलीस अधिक तपास करत असून एजाज खानला चौकशीला सामोरं जावं लागण्याचीही शक्यता आहे.
त्यामुळे अभिनेत्याच्या अडचणी वाढल्या आहेत.या आरोपांवर अद्याप एजाजने कोणतीही प्रतिक्रिया दिली नाही. दरम्यान, हाऊस अरेस्ट शोमधली आक्षेपार्ह व्हिडिओ व्हायरल झाल्यानंतर हा शो बंद करण्याची मागणी होत आहे. या संपूर्ण प्रकारानंतर उल्लू ऍपकडून माफी मागण्यात आली आहे. तसंच हाउस अरेस्ट शोचे एपिसोडही डिलीट केले गेले आहेत.
