सांगली : राष्ट्रीय महामार्गावर वाघवाडी फाटा येथे इंदिरा पॅलेसजवळ अज्ञात वाहनाच्या धडकेत दुचाकीवरील दोघेजण जागीच ठार झाले. काल बुधवार रात्री साडेअकरा वाजता हा अपघात झाला. रफिक इब्राहीम मुल्ला व सुरज संभाजी जाधव( दोघे रा. विठ्ठलवाडी ता. वाळवा ) अशी मृतांची नावे आहेत.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
याबाबत फिरोज अब्दुल मुल्ला यांनी पोलिसांत फिर्याद दिली आहे. मुल्ला व जाधव दोघे मोटारसायकल ( एमएच १० ए यु ७३१८ ) वरून रात्री साडेअकराच्या सुमारास जात असताना त्यांच्या दुचाकीला अज्ञात वाहनाने जोरदार धडक दिली. त्यात दोघे गंभीर जखमी केले. या धडकेत या दोघांच्या डोक्याला, छातीला गंभीर मार लागल्याने अतिरक्तस्राव होवून दोघेही मृत झाले. उत्तरीय तपासणीसाठी उपजिल्हा रुग्णालयात हलवण्यात आले. यात अज्ञात वाहन चालकाविरोधात इस्लामपूर पोलीस ठाण्यात गुन्हा दाखल झाला आहे.
