अमरावती, 6 मे (हिं.स.)
महाराष्ट्रातील सातपुडा पर्वताला लागूनच असलेल्या मध्य प्रदेशाच्या शाहपुर वनपरिक्षेत्रातील जम्बुपाणीच्या जंगलात एका गर्भवती वाघिणीचे शव प्राप्त झाल्याने एकच खळबळ माजलेली आहे. मृत्यूचे कारण अद्याप समजले नसले तरी करंट लागून वाघिणीचा मृत्यू झाल्याची आशंका आहे. पोटातील तीन शावक सुध्दा बळी ठरले, हे दुर्देवच.
भारतात टायगर स्टेट म्हणून नामांकित असलेल्या मध्य प्रदेशातील मेळघाटच्या जंगला जवळच्या बुरहानपुर जिल्ह्यातील जम्बुपाणीच्या जंगलात एक गर्भवत्नी वाघिण मृत सापडली. वनमंडळ अधिकारी विद्या भुषणसिंग यांनी दिलेल्या माहितीप्रमाणे अंदाजे तीन दिवसांपूर्वी वाघिणीचा मृत्यू झाला असावा. माहिती मिळताच राष्ट्रीय बाघ सरंक्षण प्राधिकरणाचे (एनटीसीए) डॉ. प्रशांत देशमुख, मुख्यवनसरंरक्षक रमेश गनावा (खंडवा), तथा वनमंडळ अधिकारी विद्या भुषणसींग हे स्थानिक पदाधिकाऱ्यांसमोर शवदाह भस्मीकरण प्रक्रिया करण्यात आली.
प्रथम दृष्य शिकारची घटना वाटत नसली तरी गुन्हा कायम करून तपास सुरू करण्यात आला. बुरहानपुर जिल्ह्याला लागलेल्या महाराष्ट्रातील जंगला जवळ घटना घडल्याने मृत्यूमुखी पडलेली वाघिण स्थलांतरित असण्याची शक्यता नाकारता येत नाही. वन्यजीवांपासून सरंक्षणासाठी शेताच्या धुऱ्यावर जिवंत इलेक्ट्रीक कुंपन करण्याची परंपरा या भागात असल्याने त्या दिशेने देखील तपास होत आहे. वाघिणीचे सर्व अववये साबुत असल्याने हा संशय वाढलेला आहे. शाहपुरचे रेंजर संजय मालवीय आपल्या सहकाऱ्यांसोबत वाघिणीच्या मृत्यू विषयी वेगवेगळ्या एंगलने चौकशी करत आहेत. या भागात प्रतिबंधित सालई डिंक तस्कररावण सकार असतात, हे विशेष.
तीन वर्षापूर्व धारणीच्या मध्य प्रदेशच्या सीमेवरील खकनारच्या जंगलात बारातांडा जवळ एक वाघ आगीत खाक झालेला आढळ आला होता. त्याचे पंजा, दात मिशा, नखे व शेपटी गायब होते विशेष.
