मुंबई, 28 मे (हिं.स.)। : स्वातंत्र्यवीर विनायक दामोदर सावरकर यांच्या जयंतीनिमित्त मंत्रालयात कौशल्य विकास, उद्योजकता मंत्री मंगल प्रभात लोढा यांनी प्रतिमेस पुष्पहार अर्पण करून अभिवादन केले.
यावेळी सामान्य प्रशासन विभागाचे अवर सचिव गोविंद पवार, कक्ष अधिकारी घनश्याम जाधव, सहाय्यक कक्ष अधिकारी राजेंद्र बच्छाव, विजय शिंदे आदिसह मंत्रालयातील अधिकारी व कर्मचाऱ्यांनीही स्वातंत्र्यवीर विनायक दामोदर सावरकर यांच्या प्रतिमेला पुष्प अर्पण करून अभिवादन केले.
