ढाका : बांगलादेशमध्ये आज एक मोठी दुर्घटना घडली आहे. आज शुक्रवारी भीषण आग लागून घडलेल्या दुर्घटनेत ५० हून अधिक कामगार लोकांचा होरपळून मृत्यू झाल्याचे वृत्त आहे. आतापर्यंत हा आकडा ५२ वर पोहोचला आहे. हा आकडा वाढण्याची भीती व्यक्त केली जात आहे. या दुर्घटनेने कारखान्याबाहेर आक्रोश केला जात आहे.
A massive blaze in a Bangladesh factory has killed 40 people and injured at least 30 with some people jumping from the upper floors to escape the fire. Dozens still missing: AFP pic.twitter.com/EQvwYDxLld
— ANI (@ANI) July 9, 2021
कारखान्याबाहेर जमलेल्या नातेवाईकांनी व अन्य काही कामगारांचे म्हटले आहे की, आतमध्ये अडकलेल्यांची वाचण्याची शक्यता कमी दिसत आहे. कारखान्यात एक हजारहून अधिक कामगार येथे काम करत होते. मात्र, आगीनंतर बहुतेक जण परत आले. या भयानक दुर्घटनेत कमीत कमी ३० जण जखमी झाले आहेत. एएफपी वृत्तसंस्थेने याबाबत वृत्त दिले आहे. आगीपासून आपला जीव वाचवण्यासाठी अनेक कामगारांनी कारखान्याच्या इमारतीच्या वरच्या मजल्यावरून उड्या मारल्या आहेत. अद्यापही अनेकजण बेपत्ता आहेत. कारखान्यात सध्या किती लोक अडकलेले आहेत, हे अद्याप समजू शकले नाही.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
सायटोमगलो व्हायरसची भीती, सहाजणांना बाधा; लक्षणे आणि विषाणू कसा पसरतो ? https://t.co/kdrx2QBbdO
— Surajya Digital (@SurajyaDigital) July 9, 2021
शेकडो मजुरांचे नातेवाईक चिंतेत व त्रस्त असलेल्या प्रियजनांसाठी फॅक्टरीच्या बाहेर थांबले आहेत. आत अडकलेल्या लोकांना पळ काढणे अवघड होईल, अशी भीती सर्वांना आहे. या कारखान्यात नूडल्स, फळांचा रस आणि कँडी तयार केली जाते. बाहेर जाण्याचा दरवाजा बंद होता. त्यामुळे कामगारांना बाहेर पडणेही कठीण झाले.
अग्निशमन सेवेचे प्रवक्ते देबाशिष बर्धन यांच्या म्हणण्यानुसार, शिडीवरील एक्झिट दरवाजे बंद होते. यामुळे कामगार छतांकडे धावू शकले नाहीत. त्याच वेळी खालच्या मजल्यावर जोरदार आग लागली, त्यामुळे ते खालीही जाऊ शकले नाही.
अग्निशामक दलाचे प्रवक्ते देबाशीष बर्धन यांनी सांगतिले की, आगीवर नियंत्रण मिळवल्यानंतर आम्ही आतमध्ये शोध व बचावकार्य चालू ठेवू आणि एकूण जीवितहानी बद्दल नक्की सांगता येईल. तर, आगीमुळे कारखान्यात मोठ्याप्रमाणावर धूर पसरला आहे. यामुळे अनेकांना श्वास घेण्यासही त्रास झाल्याचे वृत्त आहे.
* दुबईमध्ये जहाजाच्या स्फोटानंतर २५ किमी अंतरावरच्या इमारती हादरल्या
दुबईतील जेबेल अली बंदर हे जगातील सर्वात मोठे बंदर आहे. या बंदरावर बुधवारी (ता. ७) रात्री उशिरा एका मालवाहू जहाजाचा स्फोट झाला. यावेळी बंदरापासून २५ किमी अंतरावर असलेल्या इमारतींच्या भिंती व खिडक्यांना हादरे बसले. दरम्यान, या स्फोटानंतर दोन तासांनी आग आटोक्यात आणली गेली.
