मुंबई : अभिनेता आर माधवनला कोरोनाची लागण झाली आहे. माधवनने आपल्या ट्वीटमध्ये 3 ईडियट्समधील पात्रांची नावे घेत याबाबत माहिती दिली आहे. फरहान नेहमी रँचोचे अनुकरण करत होता आणि व्हायरस आमच्या मागे होता. पण यावेळी व्हायरसने आम्हाला पकडले आहे. पण ऑल इस वेल आहे, आणि कोरोनाही लवकरच ऑल इज वेल होईल. ही एक जागा अशी आहे तिथे आम्हाला राजू (शर्मन) नको आहे. दरम्यान, अभिनेता आमिर खानलाही (रँचो) कोरोनाची लागण झाली आहे.
सामान्य व्यक्तीच नव्हे, तर चित्रपटसृष्टीतील कलाकारही कोरोना व्हायरसच्या तावडीत सापडताना दिसत आहेत. नुकतेच ‘मिस्टर पर्फेक्शनिस्ट’ आमिर खान कोरोना पॉझिटिव्ह असल्याचे बुधवारी (२४ मार्च) त्याच्या प्रवक्त्याने सांगितले होते. यानंतर आता आमिर खानचाच खास मित्र आणि सहकलाकार आर माधवनही कोरोना पॉझिटिव्ह आढळला आहे. माधवनने सोशल मीडियावर मजेशीर अंदाजात ही माहिती दिली आहे.
माधवनने ‘३ इडियट्स’ चित्रपटाचे एक पोस्टर शेअर केले आहे, ज्यामध्ये तो आमिर खानसोबत बसलेला दिसत आहे. त्याने हा फोटो शेअर करत लिहिले की, शेवटी व्हायरसने रँचोपाठोपाठ फरहानलाही पकडले आणि ही एक अशी जागा आहे, जिथे राजू येऊ नये असे त्यांना वाटत आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
माधवनने ट्वीटर करत लिहिले की, “फरहानने रँचोला फॉलो केले आणि व्हायरस नेहमी आमच्या मागे राहिला. परंतु यावेळी आम्हाला त्याने पकडले. ऑल इझ वेल आणि कोव्हिड लवकरच बरा होईल. ही एक अशी जागा आहे, जिथे राजू येऊ नये, असे आम्हाला वाटत आहे. तुम्हा सर्वांच्या प्रेमासाठी खूप खूप धन्यवाद. मी एकदम ठणठणीत आहे.”
https://twitter.com/ActorMadhavan/status/1374984964467384320?ref_src=twsrc%5Etfw%7Ctwcamp%5Etweetembed%7Ctwterm%5E1374984964467384320%7Ctwgr%5E%7Ctwcon%5Es1_c10&ref_url=http%3A%2F%2Fapi-news.dailyhunt.in%2F
विशेष म्हणजे ‘३ इडियट्स’ चित्रपटात माधवनने फरहानची भूमिका साकारली होती, तर आमिर रँचोच्या भूमिकेत होता. याव्यतिरिक्त शरमन जोशीने राजूची भूमिका साकारली होती. तसेच बोमन इराणी चित्रपटात वीरू सहस्त्रबुद्देच्या भूमिकेेता होते. हा चित्रपट चांगलाच सुपरहिट ठरला होता. या चित्रपटाचे दिग्दर्शन राजकुमार हिरानी यांनी केले होते.
आमिर खानने कोरोनाची लक्षणे दिसायला लागल्यानंतर कोरोना चाचणी केली होती. त्यानंतर त्याचा अहवाल पॉझिटिव्ह आला. आता तो घरामध्येच क्वारंटाईनमध्ये आहे. याव्यतिरिक्त नियमांचे पालन करत आहे. आमिरने त्याच्या संपर्कात आलेल्या व्यक्तींना स्वत: ची कोरोना चाचणी करून घ्यायला सांगितले होते.
