मुंबई : दिवंगत अभिनेते ऋषी कपूर यांच्या वाढदिवसानिमित्ताने ‘शर्माजी नमकीन’ या त्यांच्या आगामी चित्रपटाचे 2 पोस्टर रिलीज करण्यात आले आहेत. हे पोस्टर्स शेअर करताना मेकर्सने लिहिले, हिंदी चित्रपटसृष्टीतील सर्वात नामांकित अभिनेते ऋषी कपूर यांचा एक विशेष चित्रपट शर्माजी नमकीनचे पोस्टर सादर करताना आम्हाला अभिमान वाटतो, ज्यांचे अनोखे काम आणि एक अद्भुत कारकीर्द नेहमीच आमच्याकडून जपली जाईल.
एक्सेल एंटरटेनमेंट प्रस्तुत आणि मॅकगफिन पिक्चर्स निर्मित, चित्रपटाचे दिग्दर्शन नवोदित दिग्दर्शक हितेश भाटिया यांनी केले आहे. या चित्रपटाची निर्मिती रितेश सिधवानी, फरहान अख्तर, हनी त्रेहान, अभिषेक चौबे आणि कासिम जगमगिया यांनी सहनिर्मित केली आहे.
दिवंगत अभिनेते ऋषी कपूर यांची जयंती होती. गेल्या वर्षी 30 एप्रिल रोजी ऋषी कपूर यांनी जगाचा निरोप घेतला. आज ते या जगात नसले तरी त्यांच्या चित्रपटांच्या माध्यमातून ते आजही जिवंत आहेत. दिवंगत अभिनेते ऋषी कपूर यांच्या जयंतीदिनाच्या निमित्ताने वडिलांच्या आठवणीत त्यांची मुलगी रिद्धिमा कपूर यांनी एक इमोशनल पोस्ट शेअर केली आहे.
या पोस्टमध्ये तिने वडील ऋषी कपूर यांच्यासोबतचा लहानपणीचा फोटो शेअर केला आहे. ऋषी कपूर यांचा शेवटचा चित्रपट ठरलेल्या ‘शर्माजी नमकीन’चं फर्स्ट लूक आऊट झालंय.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
बॉलिवूडचे दिग्गज अभिनेते ऋषी कपूर यांच्या जयंती दिनी त्यांचा शेवटचा चित्रपट ठरलेल्या ‘शर्माजी नमकीन’चं पोस्टर रिलीज करण्यात आलंय. यात दिवंगत अभिनेते ऋषी कपूर यांचा या चित्रपटातील फर्स्ट लूक आउट करण्यात आलाय. अभिनेते ऋषी कपूर यांचं निधन झालं होतं, त्यावेळी त्यांनी या चित्रपटातील बऱ्याच भागाचं शूट केलं होतं. ऋषी कपूर यांच्या या चित्रपटासाठी फॅन्स देखील गेल्या अनेक दिवसांपासून प्रतिक्षा करत होते. परंतू करोना परिस्थितीमुळे या चित्रपटाच्या रिलीजला उशिर झाला होता. हा चित्रपट गेल्याच वर्षी याच तारखेला रिलीज करण्यात येणार होता.
‘शर्मा जी नमकीन’ या चित्रपटाच्या पोस्टरमध्ये सर्दीचा माहौल दाखवण्यात आलाय. चित्रपटाच्या पहिल्या पोस्टरमध्ये ऋषी कपूर यांनी जर्सी परिधान करत गळ्यात मफलर गुंडाळून अगदी मस्तीमध्ये चलताना दिसून येत आहेत. त्यांच्या हातात एक सूटकेस दिसून येतेय. तर दुसऱ्या पोस्टरमध्ये त्याच लोकेशन आणि लूकमध्ये अभिनेते परेश रावल सुद्धा दिसून येत आहेत. खरं तर अभिनेते ऋषी कपूर यांच्या निधनानंतर उरलेल्या भागाचं शूट अभिनेते परेश रावल यांनी पूर्ण केलंय. अभिनेता फरहान अख्तर आणि अभिनेत्री आलिया भट्ट यांनी त्यांच्या सोशल मीडियाच्या माध्यमातून ‘शर्माजी नमकीन’ चित्रपटाचं पोस्टर रिलीज केलंय. त्यानंतर ऋषी कपूर यांची मुलगी रिद्धिमाने सुद्धा त्यांच्या शेवटच्या चित्रपटाचं पोस्टर केलंय.
