ढाका : बांग्लादेशात पुन्हा एका हिंदू मंदिरांवर हल्ला झाला आहे. बांग्लादेशची राजधानी ढाका येथील ISKCON च्या राधाकांत मंदिरात जमावाने हल्ला केला आहे. यावेळी मंदिरात तोडफोड करण्यात आली. तसेच मंदिरातील काही किमती वस्तू चोरण्यात आल्या. या हल्ल्यात काही जण जखमी झाल्याचे वृत्तही आहे. जवळपास 200 लोकांनी हा हल्ला केला. बांग्लादेशात गेल्या 9 वर्षात 3600 पेक्षा जास्त हल्ले झाले आहेत.
या मंदिरातील काही कर्मचारी जखमी झाले आहेत. त्यामुळे बांगलादेशमधील हिंदू अल्पसंख्याकांच्या रक्षणाची बांगलादेश सरकारने दिलेली आश्वासनं पुन्हा एकदा फोल ठरली आहेत. मंदिरावर हल्ला केला मात्र हल्लेखोर एवढ्यावरतीच न थांबता त्यांनी राधाकांता मंदिरामध्ये लूट केली आणि तेथील मंदिर कर्मचाऱ्यांना मारहाण देखील केली आहे. Attack on ISKCON temple in Bangladesh
बांगलादेशमधील इस्कॉन मंदिराची जमावाकडून तोडफोड आणि लूटमार करण्यात आली असून त्यात अनेक जण जखमी झाले असल्याचे धक्कादायक वृत्त आहे.
ज्या देशाच्या निर्मितीसाठी भारताने रक्त सांडले आहे त्या बांगलादेशात हिंदूंविरुद्ध अशा सुनियोजित पद्धतीने हल्ले करणे वेदनादायक आहे. जाहीर निषेध. pic.twitter.com/Wv65EKuPdN
— Atul Bhatkhalkar (@BhatkhalkarA) March 18, 2022
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…
बांग्लादेशात पुन्हा एकदा मंदिराची तोडफोड करण्यात आली आहे. ढाक्यातील लाल मोहन साहा रस्त्यावर असलेल्या इस्कॉनच्या राधाकांता मंदिरात जवळपास 200 जणांचा जमाव घुसला होता. या जमावाने मंदिरात तुफान तोडफोड करत लुटालूटही केली. या हल्ल्यात किमान 3 जण जखमी झाले आहेत. सुमंत्रा चंद्रा श्रावण, निहार हलदार, राजीव भद्रा अशी जखमींची नावे आहेत. हाजी शफीउल्ला हा हल्लेखोरांचा म्होरक्या असल्याचं कळालं आहे. यापूर्वी ढाक्यातल्याच टीपू सुलतान रस्त्यावरील आणि चितगाँगच्या कोतवाली भागातील मंदिरात अशाच प्रकारची तोडफोड करण्यात आली होती.
दरम्यान, या हल्लेखोरांच्या हल्ल्यात अनेक हिंदू (Hindu) जखमी झाल्याची माहिती मिळत आहे. बांग्लादेशात हिंदू मंदिरांवर हल्ल्याच्या घटना याआधी देखील अनेक वेळा घडल्या आहेत. मागील वर्षी नवरात्र उत्सवाच्या काळामध्ये देखील काही दुर्गा पूजा मंडपांवरती जमावाने हल्ले केले होते. तसंच अनेक मंदिरांवरही हल्ले झाले होते या हल्ल्यांमध्ये 2 हिंदूंसह 7 जणांचा मृत्यूही झाला होता.
