मुंबई : ज्येष्ठ अभिनेत्री सायरा बानू यांना खार येथील हिंदुजा रुग्णालयात दाखल करण्यात आले आहे. गेल्या तीन दिवसांपासून त्यांना रक्तदाबासंबंधी समस्या जाणवू लागल्या होत्या. सध्या त्यांना आयसीयूमध्ये ठेवण्यात आले असून त्यांच्यावर उपचार सुरु आहेत. अभिनेते दिलीप कुमार यांचे जुलै महिन्यात निधन झाले. तेव्हापासूनच सायरा बानू यांची प्रकृती खालावत गेल्याचे वृत्त समोर येत आहे.
दिलीप कुमार आणि सायरा बानो यांच्या वयात 22 वर्षांचे अंतर होते. परंतु, त्यांच्या प्रेमामुळे कधीही हे अंतर त्यांच्या नात्यात येऊ शकले नाही. सायरा नेहमीच दिलीपकुमार यांच्या पाठीशी उभ्या राहिल्या. त्यांनी नेहमीच सिद्ध केले. त्यांचे एकमेकांवरचे प्रेम खरे होते. सायराजींच्या आईने दिलीप कुमार यांना सायराशी लग्न करण्यास सांगितले होते. परंतु, वयाचे अंतर लक्षात घेता दिलीप कुमार या लग्नासाठी तयार नव्हते. पण, सायरांना दिलीप कुमारांशी लग्न करायचं इच्छा होती. दिलीपकुमार यांनी सायराला सांगितले की, तुला माझे पांढरे केस दिसत नाहीत का? पण सायराला काही फरक पडला नाही.
सायरा बानो यांना मुंबईच्या हिंदुजा रुग्णालयात दाखल करण्यात आले आहे. सुरुवातीच्या अहवालानुसार त्यांना तातडीने आयसीयूमध्ये दाखल करण्यात आले आहे. त्यांना नेमकं काय झालं हे अद्याप स्पष्ट करण्यात आलेले नाही.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
नुकतेच काही दिवसांपूर्वी त्यांचे पती अभिनेते दिलीप कुमार यांचे निधन झाले होते. दिलीप कुमारांच्या जाण्याने सायरा बानो एकाकी झाल्या होत्या. अशातच आता त्यांची तब्येत बिघडल्याने चाहते देखील काळजीत पडले आहेत.
दिलीप कुमार यांच्या मृत्यूने सायरा बानो पूर्णपणे खचल्या होत्या. अभिनेत्याच्या अंत्यदर्शनाची काही छायाचित्रे समोर आली होती, जी खूप भावनिक होती. या फोटोंमध्ये अभिनेत्री सायरा पती दिलीप कुमार यांच्या पार्थिवाला शेवटच बिलगून धायमोकलून रडताना दिसल्या होत्या. मात्र, आता त्यांना लवकरात लवकर बरं वाटावं म्हणून चाहते प्रार्थना करत आहेत.
वयाच्या 17 व्या वर्षी सायरा बानो यांनी बॉलिवूडमध्ये पदार्पण केले होते. त्यांनी 1961 मध्ये शम्मी कपूरसोबत ‘जंगली’ चित्रपटातून आपल्या अभिनय कारकिर्दीला सुरुवात केली. त्यांनी या चित्रपटात आपल्या अभिनयाची जादू अशा प्रकारे पसरवली की, त्यांची प्रतिमा रोमँटिक नायिकेची बनली. या चित्रपटासाठी सायराला सर्वोत्कृष्ट अभिनेत्रीच्या फिल्मफेअर पुरस्कारासाठीही नामांकन मिळाले होते.
