पंढरपूर : कोरोनाच्या वाढत्या प्रादुर्भावामुळे शासनाने मार्चपासून लाॅकडाऊन सुरु केला आहे. पोलीस प्रशासन बंदोबस्तात व्यस्त असल्याचा फायदा घेत पंढरपूर शहरात पाच व तालुक्यात एक असे सहा ठिकाणी घरफोडी करणाऱ्या चोरट्यांना जेरबंद केले असल्याची माहिती उपविभागीय पोलीस अधिकारी डाॅ. सागर कवडे यांनी दिली.
सागर कृष्णात हराळे (रा. झाखले ता पन्हाळा जि कोल्हापुर), लखन कालिदास काळे (रा जुना कोर्टाच्या पाठीमागे) व इतर दोन आरोपींनी पंढरपूर शहर व तालुक्यात एकुण तीन ठिकाणी घरफोडी व दोन ठिकाणी घरफोडीचा प्रयत्न केला आहे. या आरोपीकडून १ लाख, २० हजार ९०० रुपयांचा मुद्देमाल जप्त केला आहे.
शहरातील लोणार गल्ली येथील संदेश नवञे यांच्या घरातील तीन तोळ्याचे सोन्यांचे गंठण चोरल्याप्रकरणी सौरभ उर्फ अक्षय कुमार नवञे यास अटक केली आहे. याचबरोबर तिरंगा नगर येथील ६५ वर्षीय रंजना संभाजी जाधव यांच्या गळ्यातील गंठण मोटारसायकलवरुन आलेल्या दोघांना हिसका मारुन पोबारा केला. याप्रकरणी शंकर उर्फ पप्पु सुळ, दुर्याधन उर्फ बबलु कांतीलाल चोरमले दोघे (रा. गोंदी ता. इंदापूर जि. पुणे) यांना अटक केली आहे.
ही कामगिरी पोलिस अधीक्षक मनोज पाटील, अपर पोलिस अधीक्षक अतुल झेंडे, उपविभागीय पोलीस अधिकारी डॉ. सागर कवडे यांच्या मार्गदर्शनाखाली पो. नि. अरुण पवार, गुन्हे शाखेचे सपोनि नवनाथ गायकवाड, पोहेका सुजित उबाळे, बिपिनचंद्र ढेरे, सुरज हेंबाडे, गणेश पवार, सतीश चंदनशिवे, मच्छिंद्र राजगे, इरफान शेख, अभिजित कांबळे, शोएब पठाण, प्रसाद औटी, संदिप पाटील, सुजित जाधव, सिध्दनाथ मोरे, संजय गुटाळ, समाधान माने आदींनी केली. पुढील तपास सपोनि नवनाथ गायकवाड, हवालदार सुजित उबाळे, सुरज हेंबाडे करीत आहेत.
