वेळापूर : माळशिरस येेथील वेळापुरात गोळीबार झाला. हा गोळीबार आज सोमवारी सायंकाळी ५.४५ या सुमारास अकलूज सांगोला रोडवर डाॅ. नाईक हाॅस्पिटलसमोर झाला. हा गोळीबार पूर्ववैमनस्यातून झाला. सुदैवाने यात जीव वाचला आहे.
यात भाऊसाहेब मच्छिंद्र मगर (वय २८ रा. निमगाव ) यांनी फिर्याद दिली. फिर्यादीनुसार डाॅ. नाईक हाॅस्पिटलच्या गेटजवळ भाऊसाहेब रामचंद्र मगर आणि त्यांचा मेहुणा कृष्णराव सुभाष चव्हाण (वय २९ ) हे दोघेजण गप्पा मारत थांबले आसताना पूर्ववैमनस्यातून त्यांच्यावर विपूल नामदेव पोरे (रा. वेळापूर ) याने एक गोळी झाडली. मात्र सुदैवाने ते खाली वाकल्याने झाडलेली गोळी हुकली.
तुमच्या हक्काचे ‘सुराज्य डिजिटल’ फेसबुक पेज, ट्विटर, शेअरचॅट आणि ‘टेलिग्राम’वरही उपलब्ध
विपुल पोरे याने त्यांना जिवे ठार मारण्याचा प्रयत्न करुन पलायन केले. विपूल मोरेवर वेळापूर पोलिस स्टेशनला कलम ३०७, हत्यार अॅक्ट ३ व २५ प्रमाणे गुन्हा नोंद झाला आहे. अधिक तपास सपोनि दीपक जाधव हे करीत आहेत.
या घटनेची माहिती मिळताच अकलूज पोलिस उपअधिक्षक राजगुरु हे वेळापूर पोलिस स्टेशन येथे आरोपीला पकडण्यासाठी तळ ठोकून बसले आहेत. आरोपीला पकडण्यासाठी पथके रवाना झाली आहेत.
