सोलापूर : सोलापूर विद्यापीठास राजमाता अहिल्यादेवी होळकर यांचे नाव देण्यासाठी शिवसेनेने आक्रमक आंदोलने केली आहेत, आता या विद्यापीठात राजमाता अहिल्यादेवी होळकर यांचा पूर्णाकृती पुतळा उभारण्यात यावा, या मागणीचे निवेदन सोलापूर जिल्हा शिवसेनेच्या वतीने राज्याचे उच्चशिक्षण मंत्री उदय सामंत यांना आज देण्यात आले.
यावेळी शिवसेना जिल्हाप्रमुख पुरुषोत्तम बरडे, शहरप्रमुख गुरुशांत धुत्तरगांवकर, उपजिल्हाप्रमुख अमर पाटील, नगरसेवक अमोल शिंदे, राज पांढरे, योगेश क्षीरसागर, सौरभ भोसले, महेश खुर्द, विशाल चंदेले, समीर लोंढे, गजानन केंगनाळकर, आमीर मुजावर आदी उपस्थित होते.
तुमच्या हक्काचे ‘सुराज्य डिजिटल’ फेसबुक पेज, ट्विटर, शेअरचॅट आणि ‘टेलिग्राम’वरही उपलब्ध
पुण्यश्लोक अहिल्यादेवी होळकर यांनी धर्म प्रसाराच्या कार्याबरोबरच शिक्षणासाठी महत्त्वाचे योगदान दिले असून स्त्री योध्दा म्हणून सर्व समाजाला त्या प्रेरणास्थानी आहेत. विद्यापीठाच्या आवारात अहिल्यादेवींचा पूर्णाकृती पुतळा उभारला जावा ही सर्व स्तरातून मागणी आहे. तरी त्वरीत मान्यता देऊन तरतूद करण्यात यावी, अशी मागणी सामंत यांच्याकडे करण्यात आली आहे.
* धनगरी घोंगडी पांघरूण सत्कार
शिवसेनेच्यावतीने उदय सामंत यांना मानाचा पिवळा फेटा बांधून आणि धनगरी घोंगडी खांद्यावर पांघरुण सत्कार करण्यात आला. राष्ट्रवादीचे कार्याध्यक्ष संतोष पवार, युवराज माने, शाम गांगर्डे व मिलिंद गोरे उपस्थित होते.
