मुंबई : सुपरस्टार राम चरणने वाढदिवसाआधीच चाहत्यांना ॲडव्हान्स गिफ्ट दिलं. ‘आरआरआर’ (RRR) चित्रपटातील सुपरस्टार राम चरणचा लूक समोर आला. चित्रपटात राम चरण भगवान रामाची भूमिका साकारत आहे. पोस्ट शेअर करताना त्याने लिहिले की, ‘शौर्य, आदर आणि अखंडता… एक माणूस ज्याच्याकडे हे सर्व आहे. अल्लुरी सीतारामाराजू ही व्यक्तिरेखा साकारणे हे माझे भाग्य आहे.’ हा चित्रपट 13 ऑक्टोबरला प्रदर्शित होणार आहे.
बहुचर्चित आणि बहुप्रतिक्षेत अशा आरआरआरचा फर्स्ट लूक आता प्रसिध्द झाला आहे. त्याला सोशल मीडियातून मोठ्या प्रमाणावर प्रसिध्दी मिळाली आहे. रामचरण एका अनोख्या अंदाजात यावेळी प्रेक्षकांना पाहायला मिळणार आहे. गेल्या अनेक दिवसांपासून राजामौली यांच्या या चित्रपटाची चर्चा मनोरंजन विश्वात सुरु आहे. मुळचा हा चित्रपट तेलगु भाषेत तयार होणार असून तो इतर आणखी दहा भाषांमध्येही प्रदर्शित होणार आहे. हा एक मेगा बजेट प्रोजेक्ट आहे. त्याचे बजेट 350 ते 400 कोटी रुपये आहे. चित्रपटाच्या ट्रेंडबाबत बरीचशी चर्चा सध्या होत आहे. हा चित्रपट 13 ऑक्टोबर रोजी देशभरात प्रदर्शित होणार आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
सध्या कोरोनामुळे मनोरंजन विश्वापुढे एक वेगळी समस्या उभी राहिली असताना दुसरीकडे अनेक बिग बजेट दाक्षिणात्य चित्रपट प्रदर्शित होणार आहे. त्याकडे प्रेक्षकांचे लक्ष लागले आहे. आरआरआर बद्दल प्रेक्षकांना कमालीची उत्सुकता आहे. त्याविषयी खूप काही बोलले आणि लिहिलं गेले आहे. त्यामुळे आता हा चित्रपट कधी प्रदर्शित होतो याकडे सर्वांचे लक्ष लागले आहे.
Bravery, honour and integrity.
A man who defined it all!
It's my privilege to take on the role of #AlluriSitaRamaraju 🔥#RRR #RRRMovie @ssrajamouli @tarak9999 @ajaydevgn @aliaa08 @oliviamorris891 @RRRMovie @DVVMovies pic.twitter.com/QLxv2HnACB— Ram Charan (@AlwaysRamCharan) March 26, 2021
सध्या रामचरणच्या आगळ्या वेगळ्या लुकला सर्वांची पसंती मिळताना दिसत आहे. आरआरआर ही एक पिरिअड मुव्ही आहे. ज्यात ब्रिटिश हुकूमतचा कालखंड दाखविण्यात आला आहे. या चित्रपटामध्ये दोन स्वतंत्रता सेनानी दाखविण्यात आले आहेत. त्यातील एकाचे नाव हे अल्लुरी सीता रामराजु तर दुस-याचे कोमाराम भीम असे आहे. आगामी कालखंडात ज्या बिग बजेट मुव्ही प्रदर्शित होणार आहेत त्यात आरआरआर चे नाव सर्वात पुढे आहे. केजीएफच्या दुस-या भागाची प्रेक्षक जेवढी वाट पाहत आहेत त्याबरोबरच आरआर चित्रपटाची उत्सुकता चाहत्यांना लागली आहे. या चित्रपटामध्ये रामचरण आणि ज्युनिअर एनटीआर यांच्या मुख्य भूमिका आहेत. तसेच अजय देवगण आणि आलिया भट्ट ही देखील या चित्रपटात दिसणार आहे.
* रामचरणचा उद्या वाढदिवस
उद्या २७ मार्चला रामचरणचा वाढदिवस आहे. त्याच्या पूर्वसंध्येला त्याच्या या चित्रपटाचा फर्स्ट लुक प्रदर्शित करण्यात आला आहे. बाहुबलीचे दिग्दर्शक एस एस राजामौली यांनी या चित्रपटाचे दिग्दर्शन केले आहे. त्याच्या या चित्रपटासाठी चाहत्यांनी शुभेच्छा तर दिल्या आहेत. याशिवाय त्याला वाढदिवसाच्या एक दिवस अगोदर शुभेच्छाही दिल्या आहेत. शुक्रवारी रामचरणनं आपण ज्या पात्राची भूमिका करणार आहोत त्या अल्लुरी सीता रामराजूची एक झलक सोशल मीडियावर व्हायरल केली आहे. त्याला चाहत्यांचा मोठा प्रतिसाद मिळाला आहे.
