पुणे : पुण्यात प्रसिद्ध लोककलावंत आणि नृत्यांगना प्रियंका काळे यांची बहीण आणि नृत्यांगना विशाखा काळे यांनी अवघ्या २१ व्या वर्षी परिस्थितीला कंटाळून मंगळवारी दुपारी राहत्या घरी आत्महत्या केली आहे. परिस्थितीला कंटाळून आत्महत्या केल्याचा प्राथमिक अंदाज आहे.
प्रसिद्ध निर्माते मनोज माझिरे यांच्या महाराष्ट्राची गौरव गाथा, महाराष्ट्राची लोकधारा, अरुण गायकवाड यांच्या गर्जा महाराष्ट्र, आई जिजाऊंची मालिका, लावणी कार्यक्रम आदी कार्यक्रमात काम करत होत्या. राज्यात आत्तापर्यंत ६ कलाकारांनी आत्महत्त्या केली आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, शेअरचॅट आणि ‘टेलिग्राम’वरही उपलब्ध
पाच सहा महिने काम नसल्याने कलाकार आता तुटून गेले आहेत. ‘जगावं की मरावं’ हा प्रश्न त्यांना भेडसावत आहे. शासनाने कलाकारांच्या गंभीर परिस्थितीचा विचार करून लवकरात लवकर सकारात्मक निर्णय घ्यावा. अन्यथा रोज अशा आत्महत्या व्हायला सुरुवात होईल,असे कलाकारांनी आपले गाऱ्हाणे मांडली आहेत.
विशाखा काळे यांच्या घरी आई आणि वडील दोघेही अंध आहेत. त्यामुळे घरात त्या एकट्याच कमावत्या होत्या. परंतू, कोरोना महामारीने गेले सहा महिने कुठलेच काम नसल्याने आणि घरची परिस्थिती अत्यंत हलाखीची असल्याने काळे यांनी आपला जीवन प्रवास संपवला. वैकुंठ स्मशानभूमी येथे मोजक्या लोकांच्या उपस्थितीत त्यांना शेवटचा निरोप देण्यात आला.
