Thursday, May 26, 2022
सुराज्य डिजिटल
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर
  • ब्लॉग
  • अर्थाअर्थ
  • शिवार
  • Techनिक
No Result
View All Result
Surajya Digital
No Result
View All Result

अहमदनगर जिल्हा रुग्णालयात भीषण आग, 10 रुग्णांचा मृत्यू, मृतांच्या कुटुंबियांना 5 लाखांची मदत

Surajya Digital by Surajya Digital
November 6, 2021
in Hot News, महाराष्ट्र
3
अहमदनगर जिल्हा रुग्णालयात भीषण आग, 10 रुग्णांचा मृत्यू, मृतांच्या कुटुंबियांना 5 लाखांची मदत
0
SHARES
8
VIEWS
Share on FacebookShare on Twitter

अहमदनगर : अहमदनगरमध्ये भीषण आग लागली. जिल्हा रुग्णालयाच्या आयसीयूमध्ये ही दुर्घटना घडली. यात 10 रुग्णांचा मृत्यू झाला आहे. आगीचे वृत्त समजताच घटनास्थळी तातडीने अग्निशमन दल दाखल झाले. काही रुग्णांना सुखरुप दुसऱ्या ठिकाणी हलवण्यात आले. आयसीयुमध्ये एकूण 20 रुग्ण होते. शॉर्टसर्किटमुळे ही आग लागली असावी, असा अंदाज व्यक्त करण्यात आला आहे.

अहमदनगर जिल्हा रुग्णालयाच्या ICU विभागात आज सकाळी आग लागली. या आगीत 10 जणांचा मृत्यू झाला. ही अत्यंत दुर्दैवी घटना असून आगीत जीव गमावलेल्या रुग्णांना श्रद्धांजली अर्पण करून त्यांच्या कुटुंबियांप्रती सहवेदना व्यक्त करतो, असं आरोग्यमंत्री राजेश टोपेंनी म्हटलं. तसेच मृतांच्या कुटुंबियांना तातडीने प्रत्येकी 5 लाख रुपयांची मदत जाहीर करण्यात आली असल्याची माहिती त्यांनी दिली.

या आगीत होरपळून आतापर्यंत 10 जणांचा मृत्यू झाल्याची माहिती जिल्हाधिकारी राजेंद्र भोसले यांनी दिली. कोरोनावर मात करण्यासाठी रुग्णालयात दाखल झालेल्या रुग्णांवर काळाने घाला घातला. आज शनिवारी सकाळी अचानक लागलेल्या आगीमध्ये अनेक रुग्ण होरपळले. त्यामुळे मृतांचा आकडा वाढण्याची भीती आहे. ऐन दिवळ सणांमध्ये घडलेल्या या भयावह घटनेमुळे संपूर्ण महाराष्ट्र हादरला आहे.

दरम्यान ही आग शॉर्ट सर्किटमुळे लागल्याची प्राथमिक माहिती आहे, असं जिल्हाधिकारी राजेंद्र भोसले यांनी सांगितलं. मात्र इमारत आणि वायरिंगही नवीन असताना इतक्यात शॉर्टसर्किट कसं झालं, इमारतीचं फायर ऑडिट झालं होतं की नाही, अग्नीरोधक यंत्रणा आहे की नाही, असे प्रश्न यानिमित्ताने उपस्थित केले जात आहेत.

तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध

ऐन दिवाळीत हे भीषण अग्नितांडव झाल्याने परिसरात हळहळ व्यक्त होत आहे. तब्बल दहा जणांचा मृत्यू झाल्याने, दहा कुटुंब अक्षरश: उद्ध्वस्त झाली आहेत. जिल्हाधिकारी राजेंद्र भोसले आणि पालकमंत्री हसन मुश्रीफ यांनी ही आग शॉर्ट सर्किटनं लागल्याचा अंदाज वर्तवला आहे. मात्र, अहमदनगर जिल्हा रुग्णालयाची इमारत दीड-दोन वर्ष जुनी आहे. त्यामुळे वायरिंग आणि इमारत नवीन असताना अशी घटना कशी घडू शकते? असा प्रश्न उपस्थित होतो.

माहिती मिळताच अहमदनगरचे पालकमंत्री हसन मुश्रीफ तात्काळ घटनास्थळी रवाना झाले. हसन मुश्रीफ कोल्हापुरात होते. “मला आमदार, जिल्हाधिकाऱ्यांचे फोन आले. त्यांनी रुग्णालयाला आग लागल्याची माहिती दिली. मी आता तात्काळ जाऊन माहिती घेईन. नेमकं काय घडलं हे तिथे गेल्यावर कळेल. या घटनेत जे कोणी दोषी आढळतील त्यांच्यावर कारवाई करुच, पण दुर्दैवाने ज्यांचा मृत्यू झाला आहे, त्यांना सरकारकडून मदतही दिली जाईल. शॉर्ट सर्किटने आग लागल्याची प्राथमिक माहिती मिळाली आहे, असं हसन मुश्रीफ म्हणाले.

अग्निशामन दलानं युद्धपातळीवर कार्य करत तात्काळ आगीवर नियंत्रण मिळवलं. ही आग इतकी भीषण होती की संपूर्ण रुग्णालयात धुराचे लोट पसरले होते. या भीषण आगीचे फोटोज आणि व्हिडीओ समोर आले असून ते पाहून मन सुन्न होतं. कोरोनापासून वाचण्यासाठी रुग्णालयात दाखल झालेल्या रुग्णांचा आगीनं होरपळून दुर्दैवी मृत्यू झाल्यानं परिसरात हळहळ व्यक्त केली जात आहे.

“जिल्हा रुग्णालयातील आयसीयू विभागात 17 कोरोनाबाधित रुग्ण उपचार घेत होते. यापैकी 10 जणांचा होरपळून मृत्यू झालाय. प्राथमिक अंदाजानुसार, ही आग शॉर्ट सर्किटमुळे लागल्याचं समजतेय. याबाबतची चौकशी सध्या सुरु आहे”

– राजेंद्र भोसले, जिल्हाधिकारी

Tags: #Massivefire #Ahmednagar #districthospital #patients #die #assistance #deceased#अहमदनगर #जिल्हारुग्णालय #भीषणआग #मृत्यू #मदत
Previous Post

खाद्यतेल होणार स्वस्त; मोदी सरकारचा मोठा निर्णय

Next Post

अरबी समुद्रात कमी दाबाचं क्षेत्र आणखी तीव्र, पुण्यासह 10 जिल्ह्यांना अलर्ट

Surajya Digital

Surajya Digital

Next Post
अरबी समुद्रात कमी दाबाचं क्षेत्र आणखी तीव्र, पुण्यासह 10 जिल्ह्यांना अलर्ट

अरबी समुद्रात कमी दाबाचं क्षेत्र आणखी तीव्र, पुण्यासह 10 जिल्ह्यांना अलर्ट

Comments 3

  1. gralion torile says:
    3 months ago

    I like this web site very much so much great info .

  2. dynamic qr codes says:
    3 months ago

    I’m really enjoying the theme/design of your web site. Do you ever run into any internet browser compatibility issues? A few of my blog readers have complained about my website not working correctly in Explorer but looks great in Firefox. Do you have any recommendations to help fix this problem?

  3. Europa-Road Kft. says:
    3 months ago

    A lot of thanks for every one of your labor on this blog. Kate enjoys carrying out investigation and it’s easy to understand why. Almost all learn all of the dynamic method you present simple tips and hints on this web site and in addition cause contribution from some other people about this concept plus our own child is really being taught a whole lot. Take pleasure in the remaining portion of the new year. You are carrying out a fabulous job.

वार्ता संग्रह

November 2021
M T W T F S S
1234567
891011121314
15161718192021
22232425262728
2930  
« Oct   Dec »

ट्विटर पेज

Currently Playing

About Us

SurajyaDigital
सुराज्य डिजिटल हा ब्रँड जगाच्या काना-कोपऱ्यातील सर्वंकष माहितीचा अचूक खजिना आपल्यापर्यंत पोहोंचविण्याचे काम करतोय. टाईम मीडिया हाऊसचा हा ब्रँड अल्पावधीतच मराठी वाचकांचा अत्यंत विश्वासार्ह ब्रँड बनला आहे.जगभरातील घटनांचा वेगवान आढावा घेत त्यावर भाष्य करण्याबरोबरच वाचकांच्या आवडीचे विषय, करमणूक यासारखे दृक्श्राव्य व्यासपीठ उपलब्ध करून देण्यासाठी सुराज्य डिजिटल कटीबद्ध आहे. अधिक माहितीसाठी संपर्क करा timemediahouse@gmail.com timemarathi@gmail.com
  • Home
  • About Us
  • Contact Us
  • Disclaimer
  • Privacy Policy

© 2021 Surajya Digital All Rights Reserved Website Design & Developed By Digi Buffalo 9028927697

No Result
View All Result
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर

© 2021 Surajya Digital All Rights Reserved Website Design & Developed By Digi Buffalo 9028927697