मुंबई : अभिनेत्री कतरिना कैफ आणि अभिनेता विकी कौशल यांच्या लग्नाची सध्या बॉलिवूडमध्ये चर्चा सुरू आहे. डिसेंबरमध्ये दोघंही जोधपूरच्या आलिशान किल्ल्यात सात फेरे घेणार असल्याचं वृत्त आहे. मीडिया रिपोर्टमध्ये असेही म्हटले आहे की, हॉटेल्स 7-12 डिसेंबरसाठी आरक्षित आहे आणि अनेक कार्यक्रम हाताळण्यासाठी त्यांनी अनेक कंपन्यांना टीम तयार करण्यास सांगितले आहे.
कतरिना आणि विकी लवकरच त्यांच्या लग्नाची औपचारिक घोषणा करणार आहेत. या जोडप्याच्या लग्नाची तारीखच नाही, तर प्रत्येक तपशील जाणून घेण्यासाठी चाहते उत्सुक आहेत. अभिनेत्री कतरिना कैफनेही तिच्या लग्नाची तयारी सुरू केली आहे. अभिनेत्री तिच्या खास मित्राच्या घरी लग्नाचे आउटफिट ट्रायल आणि सिलेक्शन करत असल्याचे वृत्त आहे. तर, दुसरीकडे या जोडप्याच्या टीमने लग्नाची तयारी सुरू केली आहे. गेल्या आठवड्यात 10 जणांची टीम राजस्थानला पाहणी करण्यासाठी गेली होती.
डिसेंबरमध्ये दोघंही जोधपूरच्या आलिशान किल्ल्यात सात फेरे घेणार असल्याचं वृत्त आहे. त्यांच्या लग्नाच्या अधिकृत घोषणेची चाहते आतुरतेने वाट पाहत आहेत. हे जोडपे लवकरच लग्नाचे वृत्त जगासमोर ठेवणार असल्याची शक्यता वर्तवली जात आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
इंडिया टुडेच्या वृत्तानुसार, कतरिना आणि विकी लवकरच त्यांच्या लग्नाची औपचारिक घोषणा करणार आहेत. कतरिना आणि विकी जोधपूरमधील सिक्स सेन्सेस बरवारा फोर्टमध्ये आपला ‘बेस्ट डे’ सेलिब्रेट करणार असल्याचे सांगण्यात येत येत आहे. इथेच ते लग्न करणार आणि इथूनच कतरिनाची पाठवणी होणार आहे. लग्नसमारंभासाठी आगाऊ वाहनेही बुक करण्यात आल्याचे वृत्त आहे. त्यांनी त्यांच्या पाहुण्यांसाठी सर्व प्रकारच्या सुविधांची व्यवस्था केली आहे.
दरम्यान, सलमान खान आणि कॅटरिना कैफ यांच्यातील संबंध सर्वांनाच माहित असून, कॅटरीना कॅफला बॉलीवूड क्षेत्रात भरारी घेण्याकरिता सलमान खानने मदत केली आहे.अशावेळी कॅटरीनाचा एक्स बॉयफ्रेंड सलमान खान कॅटरिनाच्या लग्नाला हजेरी लावणार की नाही, असा प्रश्न चाहत्यांच्या मनात उपस्थित राहत आहे.
या लग्नाला उपस्थित राहणाऱ्यांच्या यादीत सिद्धार्थ मल्होत्रा, मिनी माथुर, करण जौहर, कियारा आडवाणी, रोहित शेट्टी वरुण धवन आणि नताशा दलाल उपस्थित राहणार असल्याची माहिती समोर येत आहे. झी न्यूजने दिलेल्या वृत्तानुसार सलमान खान कॅटरिना कैफ आणि विक्की कौशल यांच्या लग्नाला उपस्थित राहणार नसल्याचे कळते आहे. या लग्नाची पहिली निमंत्रण पत्रिका सलमान खानला दिली होती, असे सांगितले जात आहे.
