Tuesday, February 7, 2023
Surajya Digital
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर
  • ब्लॉग
  • अर्थाअर्थ
  • शिवार
  • Techनिक
No Result
View All Result
Surajya Digital
No Result
View All Result

ठाकरे सरकार धोक्यात; एकनाथ शिंदे गुजरातमध्ये? भाजप प्रवेशाची शक्यता

Thackeray government in danger; Minister Eknath Shinde in Gujarat? Ahmedabad Mahavikas Aghadi Shiv Sena likely to join bjp

Surajya Digital by Surajya Digital
June 21, 2022
in Hot News, महाराष्ट्र, राजकारण
0
ठाकरे सरकार धोक्यात; एकनाथ शिंदे गुजरातमध्ये? भाजप प्रवेशाची शक्यता
0
SHARES
187
VIEWS
Share on FacebookShare on Twitter

 

मुंबई : महाराष्ट्राच्या राजकारणाला हादरा देणारी बातमी समोर येत आहे. नॉट रिचेबल असणारे शिवसेना नेते एकनाथ शिंदे यांचा पत्ता लागला आहे. एकनाथ शिंदे हे गुजरातमध्ये असल्याची माहिती समोर आली आहे. एकनाथ शिंदे यांना फोनवर संपर्क केल्यानंतर गुजराती भाषेतील टोन ऐकू येत आहे. त्यामुळे ते गुजरातमध्ये असल्याची चर्चा सुरू आहे. Thackeray government in danger; Minister Eknath Shinde in Gujarat? Ahmedabad Mahavikas Aghadi Shiv Sena likely to join BJP

 

एकनाथ शिंदे यांच्यासोबत काही आमदारही असल्याची माहिती आहे. एकनाथ शिंदे आणि त्यांचे समर्थक आमदार फुटल्यास महाविकास आघाडीचं अस्तित्वच धोक्यात येऊ शकतं.

राज्यात सत्ताधारी असलेल्या महाविकास आघाडीतील शिवसेना पक्षात सध्या अंतर्गत बंडाळी माजल्याचे दिसत आहे. शिवसेनेचे महत्वाचे नेते एकनाथ शिंदे हे तीव्र नाराज असून ते थेट भाजपात जाण्याची शक्यता वर्तवली जात आहे. मंगळवारी (दि. 21 जून) रोजी उद्धव ठाकरे यांनी शिवसेनेच्या सर्व आमदारांची तातडीची बैठक बोलावली आहे.

मात्र, एकनाथ शिंदे हे 11 समर्थक आमदारांच्या गटासह महाराष्ट्राबाहेर गुजरात येथे असल्याचे बोलले जात आहे. एकनाथ शिंदे यांची नाराजी पाहता ते भाजपात गेल्यास शिवसेनेला पर्यायाने महाविकास आघाडीला मोठे खिंडार पडण्याची शक्यता आहे. त्यामुळे राज्यातील ठाकरे सरकार कोसळू देखील शकतं.

आज मुख्यमंत्र्यांच्या वर्षा निवासस्थानी दुपारी शिवसेनेच्या आमदारांची बैठक बोलावण्यात आली आहे. या बैठकीला एकनाथ शिंदे हजर राहणार का? याकडे लक्ष लागलं आहे. काल सोमवारी पार पडलेल्या विधान परिषद निवडणुकीत शिवसेनेने आपले दोन्ही उमेदवार विजयी करण्यात यश मिळवले. मात्र, या निवडणुकीत काँग्रेससोबत शिवसेनेचेही मते फुटली असल्याची चर्चा सुरू आहे. आता फुटलेल्या मतांवरून आता शिवसेनेतच फूट पडतेय का, अशी परिस्थिती निर्माण झाली आहे.

 

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…

 

 

एकनाथ शिंदे हे सुरतमधील एका हॉटेलमध्ये मुक्कामी असल्याचे काही वृत्तवाहिन्यांनी दिली आहे. एवढेच नाही तर गुजरात पोलिसांनी या हॉटेलबाहेर कडक पोलीस बंदोबस्त लावला आहे, अशीही दृश्य न्यूज चॅनेल्सवर दाखवली जात आहेत. दरम्यान भाजपच्या गुजरातमधील काही नेत्यांनी एकनाथ शिंदे यांची भेट घेतली असल्याची माहिती रिपोर्टरने दिली आहे. तसेच त्यानंतर हे भाजप नेते अहमदाबादच्या दिशेने रवाना झाल्याची वृत्त काही माध्यमांनी दिले आहे. एकनाथ शिंदे यांच्यासह शिवसेनेचे ११ आमदार हॉटेलमध्ये आहेत, असेही समजते आहे.

विधान परिषद निवडणुकीनंतर शिवसेनेतील अंतर्गत धुसफूस बाहेर येत आहे. शिवसेना पक्षप्रमुख आणि मुख्यमंत्री उद्धव ठाकरे यांचे निकटवर्तीय समजले जाणारे शिवसेना नेते एकनाथ शिंदे हे नाराज असल्याचे वृत्त होते. त्यातच आता त्यांचे समर्थक समजले जाणारे 13 आमदार नॉट रिचेबल असल्याची माहिती समोर आली होती. मध्यरात्री शिवसेना पक्षप्रमुख आणि मुख्यमंत्री उद्धव ठाकरे यांनी पक्षाच्या आमदारांची बैठक बोलावली होती. या बैठकीत 13 आमदार अनुपस्थित होते. त्यानंतर शिवसेनेच्या गोटातील चिंता आणखी वाढली आहे.

 

गेले काही वर्ष नाराज असलेले शिवसेनेचे नेते एकनाथ शिंदे आणि त्याच्या गटाचे आमदार यांनी टोकाचं पाऊल उचललं आहे अशी माहिती समोर येत आहे. एकनाथ शिंदे यांचा नाराज गट काल सायंकाळपासूनच नॉट रिचेबल असल्याची माहिती आहे. फोन नॉटरिचेबल लागत आहे. शिवसेनेतली धुसफूस लक्षात येताच राष्ट्रवादी काँग्रेसचे प्रदेशाध्यक्ष जयंत पाटील यांनी देखील ‘वर्षा’ या निवासस्थानी जाऊन मुख्यमंत्री उद्धव ठाकरेंशी चर्चा केली.

 

Tags: #Thackeray #government #danger #Minister #Eknath Shinde #Gujarat #Ahmedabad #MahavikasAghadi #ShivSena #join #BJP#ठाकरे #सरकार #धोक्यात #मंत्री #एकनाथशिंदे #गुजरात #अहमदाबाद #भाजप #प्रवेश #शिवसेना #शक्यता #महाविकास #आघाडी
Previous Post

Vidhanparishad भाजपचे 5 ही उमेदवार विजयी तर शिवसेनेची 3 मते फुटली

Next Post

एकनाथ शिंदे यांच्यासोबत संपर्क झाला, महाराष्ट्रात मध्यप्रदेश सारखा पॅटर्न चालणार नाही : संजय राऊत

Surajya Digital

Surajya Digital

Next Post
एकनाथ शिंदे यांच्यासोबत संपर्क झाला, महाराष्ट्रात मध्यप्रदेश सारखा पॅटर्न चालणार नाही : संजय राऊत

एकनाथ शिंदे यांच्यासोबत संपर्क झाला, महाराष्ट्रात मध्यप्रदेश सारखा पॅटर्न चालणार नाही : संजय राऊत

वार्ता संग्रह

June 2022
M T W T F S S
 12345
6789101112
13141516171819
20212223242526
27282930  
« May   Jul »

ट्विटर पेज

Currently Playing

About Us

SurajyaDigital
सुराज्य डिजिटल हा ब्रँड जगाच्या काना-कोपऱ्यातील सर्वंकष माहितीचा अचूक खजिना आपल्यापर्यंत पोहोंचविण्याचे काम करतोय. टाईम मीडिया हाऊसचा हा ब्रँड अल्पावधीतच मराठी वाचकांचा अत्यंत विश्वासार्ह ब्रँड बनला आहे.जगभरातील घटनांचा वेगवान आढावा घेत त्यावर भाष्य करण्याबरोबरच वाचकांच्या आवडीचे विषय, करमणूक यासारखे दृक्श्राव्य व्यासपीठ उपलब्ध करून देण्यासाठी सुराज्य डिजिटल कटीबद्ध आहे. अधिक माहितीसाठी संपर्क करा timemediahouse@gmail.com timemarathi@gmail.com
  • Home
  • About Us
  • Contact Us
  • Disclaimer
  • Privacy Policy

© 2021 Surajya Digital All Rights Reserved Website Design & Developed By Digi Buffalo 9028927697

No Result
View All Result
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर

© 2021 Surajya Digital All Rights Reserved Website Design & Developed By Digi Buffalo 9028927697