Sunday, January 29, 2023
Surajya Digital
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर
  • ब्लॉग
  • अर्थाअर्थ
  • शिवार
  • Techनिक
No Result
View All Result
Surajya Digital
No Result
View All Result

ब्रेकिंग- एकनाथ शिंदेंना मोठा धक्का, कायद्यात पक्षप्रमुखाने गटनेता निवडायचा असतो : नरहरी झिरवाळ

Breaking: Big blow to Eknath Shinde, party chief wants to elect group leader in law: Narhari Jirwal

Surajya Digital by Surajya Digital
June 23, 2022
in Hot News, महाराष्ट्र, राजकारण
0
ब्रेकिंग- एकनाथ शिंदेंना मोठा धक्का, कायद्यात पक्षप्रमुखाने गटनेता निवडायचा असतो : नरहरी झिरवाळ
0
SHARES
115
VIEWS
Share on FacebookShare on Twitter

मुंबई : शिवसेनेच्या गटनेतेपदी पक्षप्रमुखांनी निवडलेले अजय चौधरी हेच कायम राहतील, असे विधानसभा उपाध्यक्ष नरहरी झिरवाळ स्पष्ट केले आहे. याआधी एकनाथ शिंदे यांनी 34 आमदारांच्या सह्या असलेले पत्र झिरवाळ यांना पाठवले होते. यात त्यांनी स्वतःचा गटनेते म्हणून उल्लेख केला होता. मात्र या पत्रातील नितीन देशमुख या आमदाराच्या सहीवर आक्षेप घेण्यात आला आहे. त्याची तपासणी करु, असेही झिरवाळ यांनी सांगितले.  Breaking: Big blow to Eknath Shinde, party chief wants to elect group leader in law: Narhari Jirwal

 

 

“कायद्यात पक्षप्रमुखाने गटनेता निवडायचा असतो आणि गटनेत्याने प्रतोद निवडायचा असतो. याप्रमाणे शिवसेना पक्षप्रमुख उद्धव ठाकरे यांनी आधी एकनाथ शिंदे यांना गटनेतेपदी निवडलं होतं, त्यानंतर एकनाथ शिंदे यांच्याऐवजी अजय चौधरी यांना गटनेतेपदी नियुक्तीचं पत्र दिलं, ” अशी माहिती नरहरी झिरवळ यांनी दिली.

महाराष्ट्राचे राजकारण मोठा खेळ बनल्याचे दिसत आहे. एकनाथ शिंदे गटाने मॅजिक फिगर 37 वर पोहोचल्याचा दावा केला आहे. विधान सभा उपाध्यक्ष नरहरी झिरवळ यांची पत्रकार परिषद एकनाथ शिंदे यांच्या गटाच्या भूमिकेकडे राज्याचं लक्ष लागलं असताना आता विधानसभा उपाध्यक्ष नरहरी झिरवाळ यांनी पत्रकार परिषद घेत काही गोष्टी स्पष्ट केल्या आहेत.

नितीन देशमुख यांनी मी नेहमी इंग्रजीमध्ये सही करतो. परंतु बंडखोर आमदारांनी केलेल्या ठरावावरची सही मराठीमध्ये आहे. ती सही माझी नसल्याचे देशमुख यांनी सांगितल्याने त्याची सत्यता तपासली जाईल आणि माझी खात्री झाल्यानंतर त्याच्यावर विचार केला जाईल, असे झिरवळ यांनी सांगितले.

कायद्यानुसार गटनेता निवडीचा अधिकार हा पक्षप्रमुखाचा असतो आणि गटनेत्याने प्रतोदाची नेमणूक करायची असते. त्यामुळे मुख्यमंत्री तथा शिवसेनेचे पक्षप्रमुख उद्धव ठाकरे यांनी अजय चौधरी यांना गटनेता केल्याचे पत्र दिले असून ते स्वीकारले आहे, असे झिरवळ यांनी सांगितले. तसेच चौधरी यांनी सुनील प्रभू यांची प्रतोद म्हणून नेमणूक केल्याचेही झिरवळ यांनी सांगितले.

 

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…

□ नितीन देशमुख यांचा खुलासा

 

शिवसेना आमदारांना फसवून महाराष्ट्रातून गुजरातमध्ये कसे नेले गेले त्याचा घटनाक्रम नितीन देशमुख यांनी माध्यमांना सांगितला. ते म्हणाले, राज्यमंत्री शंभूराज देसाई, अब्दुल सत्तार, संदीपान भुमरे यांच्याशी चर्चा करून गाडीत बसलो. मात्र, गाडी 100 किलोमीटरवर असलेल्या गुजरातच्या दिशेने निघाली होती, हे माझ्या नंतर लक्षात आले. दरम्यानच्या काळात प्रवासादरम्यान धाराशीवचे आमदार कैलास पाटील पळाल्याचे समजले. माझ्या बाजूला नंतर इतर आमदार येऊन बसले होते. त्यामुळे मला पळायला मिळाले नाही. गाडी हॉटेलमध्ये पोहोचली. तिथे मोठा पोलीस बंदोबस्त होता. भाजपची मंडळी तिथे होती. एकनाथ शिंदे यांचे नाव दिसत असले तरी या मागे भाजपचे षड्यंत्र आहे, असेही देशमुख म्हणाले.

 

गुजरातच्या शंभर ते दीडशे पोलिसांचा माझ्यावर पहारा होता. पोलिसांनी मला बळजबरीने रुग्णालयात नेले, तेथे मला बळजबरी इंजेक्शन दिले. रुग्णालयामध्ये नेल्यावर 20-25 लोकांनी पकडून मला इंजेक्शन दिले. ते इंजेक्शन कशाचे होते, याची मला माहिती नाही. रुग्णालयातून मी पळून रात्री रस्त्यावर आलो. माझ्या मागावर दीडशे पोलीस होते. गुजरात पोलिसांना माझा घात करायचा होता, असा आरोप नितीन देशमुख यांनी केला.

 

 

□ … म्हणून आम्ही तो निर्णय घेतला; बंडखोर आमदारांनी स्पष्टच सांगितलं

 

आमची व्यथा, आपल्या आजूबाजूच्या बडव्यांनी ऐकून घेण्याची कधी तसदी घेतली नाही, आपल्यापर्यंत ती पोहोचवली जात नव्हती. यावेळी एकनाथ शिंदे यांचा दरवाजा उघडा होता. मतदार संघात असलेली वाईट परिस्थिती, मतदार संघातील निधी, अधिकारी वर्ग, काँग्रेस-राष्ट्रवादीकडून होत असलेला अपमान आमची सर्व गाऱ्हाणी फक्त शिंदे साहेबच ऐकत होते आणि सकारात्मक मार्ग काढत होते. त्यामुळे शिंदे साहेबांना आम्ही हा निर्णय घ्यायला लावला.

 

Tags: #Breaking #Bigblow #EknathShinde #party #chief #wants #electgroup #leader #law #NarhariJirwal#ब्रेकिंग #एकनाथशिंदे #मोठाधक्का #कायदा #पक्षप्रमुख #गटनेता #निवडायचा #झिरवाळ
Previous Post

अडचणीत असतानाही सोलापूर आणि शेतकऱ्यांसाठी ठाकरे सरकारचा मोठा निर्णय

Next Post

निष्ठावंतांची घुसमट, एकनाथ शिंदेच्या भोवती असलेले वलय सेनेला खुपत होते की काय?

Surajya Digital

Surajya Digital

Next Post
निष्ठावंतांची घुसमट, एकनाथ शिंदेच्या भोवती असलेले वलय सेनेला खुपत होते की काय?

निष्ठावंतांची घुसमट, एकनाथ शिंदेच्या भोवती असलेले वलय सेनेला खुपत होते की काय?

वार्ता संग्रह

June 2022
M T W T F S S
 12345
6789101112
13141516171819
20212223242526
27282930  
« May   Jul »

ट्विटर पेज

Currently Playing

About Us

SurajyaDigital
सुराज्य डिजिटल हा ब्रँड जगाच्या काना-कोपऱ्यातील सर्वंकष माहितीचा अचूक खजिना आपल्यापर्यंत पोहोंचविण्याचे काम करतोय. टाईम मीडिया हाऊसचा हा ब्रँड अल्पावधीतच मराठी वाचकांचा अत्यंत विश्वासार्ह ब्रँड बनला आहे.जगभरातील घटनांचा वेगवान आढावा घेत त्यावर भाष्य करण्याबरोबरच वाचकांच्या आवडीचे विषय, करमणूक यासारखे दृक्श्राव्य व्यासपीठ उपलब्ध करून देण्यासाठी सुराज्य डिजिटल कटीबद्ध आहे. अधिक माहितीसाठी संपर्क करा timemediahouse@gmail.com timemarathi@gmail.com
  • Home
  • About Us
  • Contact Us
  • Disclaimer
  • Privacy Policy

© 2021 Surajya Digital All Rights Reserved Website Design & Developed By Digi Buffalo 9028927697

No Result
View All Result
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर

© 2021 Surajya Digital All Rights Reserved Website Design & Developed By Digi Buffalo 9028927697