सोलापूर : अननस घेऊन चाललेला पिक अप टोल नाक्याच्या कठड्याला थटल्याने झालेल्या अपघातात तीन जण जखमी झाल्याची घटना मेथवडे फाटा (ता. सांगोला) येथील टोल नाक्यावर बुधवारी (ता. 22) सकाळी साडेसहाच्या सुमारास घडली आहे. Solapur: Pickup shattered at Methwade toll plaza, three injured in accident
चालकाचा ताबा सुटल्याने भरधाव पिकअप टोल नाक्याच्या लोखंडी बारला धडकून झालेल्या भीषण अपघातात कर्नाटकातील चालकासह तिघे गंभीर जखमी झाले. धडक इतकी भीषण होती की, पंढरपूरला जाणाऱ्या पिकअपचे तोंड विरुद्ध सांगोल्याच्या दिशेने झाले. परिसरातील असणाऱ्या नागरिकांनी पलटी झालेली पिकप उचलून आतील ड्रायव्हर व इतर दोघांना बाहेर काढून त्यांना हॉस्पिटलला पाठवले.
यात पिकअपचा पुढील भागाचा चक्काचूर झाला. हा अपघात सकाळी ७ च्या सुमारास सांगोला पंढरपूर रोडवरील मेथवडे नवीन टोल नाक्यावर घडला. बनवाशी ता. शिरसी जि. कारवाल (कर्नाटक) येथील चालक अब्दुल लतिफ अ. जब्बार शेख, मंजूर अब्दुल रज्जाकसह अन्य एक असे तिघे मिळून मंगळवारी रात्री कर्नाटकमधून अननस घेऊन के ए-३१-९३१५ हा पिकअप सांगोलामार्गे भरधाव वेगाने पंढरपूरच्या दिशेने निघाला होता.
भरधाव पिकअपवरील चालकाचा ताबा सुटल्याने, पिकअप नवीन टोल नाक्याच्या लोखंडी बारला धडकून हा भीषण अपघात झाला. अपघातात पिकअपचे तोंड पुन्हा सांगोल्याचे दिशेने झाल्याने पुढच्या भागाचा अक्षरश: चक्काचूर झाला.
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…
दरम्यान, तर पिकअपमधील अननस टोल नाका परिसरात फेकली गेली. मेथवडे टोलनाक्यावर लोखंडी बारला धडक दिल्यानंतर पिकअप चक्काचूर झाल्याचे दिसत आहे. अपघात घडताच परिसरातील नागरिकांनी धाव घेऊन केबिनमध्ये अडकलेल्या जखमी चालकास तिघांना बाहेर काढून १०८ रुग्णवाहिकेतून उपचाराकरिता सांगोला रुग्णालयात पाठवून दिले.
□ एका कॉलेज तरुणाची निर्घृण हत्या
सोलापूर : मंगळवेढा तालुक्यातील अकोला रोडवरील वरकुटे वस्ती परिसरात एका कॉलेज तरुणाची निर्घृण हत्या केल्याची घटना घडली. सकाळी नऊ वाजण्याच्या सुमारास घडली. याविषयी खळबळ माजली आहे. पोलीस घटनास्थळावर दाखल झाले आहेत. या खुनाच्या बाबतीत अधिक माहिती घेतली जात आहे.
मंगळवेढा तालुक्यातील अकोला येथे घरनिकी-अकोला रोडवरील वरकुटे वस्ती येथे ऊसाच्या शेतात सचिन सिद्धेश्वर वरकुटे (वय २३, रा. अकोला ता. मंगळवेढा) या तरुणाची हत्या करण्यात आली आहे.