अभिनेत्री सुश्मिता सेनबरोबर डेट; ललित मोदीचा खुलासा, लवकरच करणार लग्न

मुंबई : आयपीएलचे माजी आयुक्त ललित मोदीने अभिनेत्री सुष्मिता सेनसोबत लग्नाची घोषणा ट्विटरवर केली होती. पण त्यानंतर ललित मोदीने नवीन ट्विट करत खुलासा केला आहे. आम्ही एकमेकांना डेट करत आहोत. लवकरच एकेदिवशी लग्न करु, असे ललित मोदीने स्पष्ट केले आहे. Date with actress Sushmita Sen; Lalit Modi’s revelation, will get married soon

या फोटो मध्ये ललीत मोदी आणि सेन मालदीवमध्ये सुट्टी घालवताना दिसत आहेत. या फोटोंसोबत ललित मोदी यांनी कॅप्शन लिहीलं आहे त्यामध्ये त्यांनी सुष्मिता सेनला बेटर हाफ असे म्हटले आहे. यानंतर त्यांच्या विवाहाची चर्चा सोशल मिडीयावर रंगली होती. मात्र ललित मोदी यांनी या चर्चाना उत्तर देऊन चर्चेला पूर्णविराम देण्याचा प्रयत्न केलाय. अद्याप आम्ही लग्न केलेले नसून आम्ही एकमेकांना डेट करत असून लग्नाचा दिवस देखील लवकरच उजाडेल असे स्पष्टीकरण दिले आहे.

ललित मोदींवर बायोपिक येणार असल्याचे जाहीर झाल्यापासून त्यांच्या आयुष्यातील अनेक छोट्या-मोठ्या गोष्टी चाहत्यांसमोर येत आहेत. सुष्मिता सेनसोबत रिलेशनशिपमध्ये येण्याआधी ललित मोदी यांनी त्यांच्या आईच्या मैत्रिणीसोबत लग्न केलं होतं. ललित मोदी यांचे शिक्षण परदेशात झाले आहे. परदेशात असतानाच त्यांनी त्यांच्या आईच्या मैत्रीणीला म्हणजेच मीनल यांना प्रपोज केलं होतं. त्या ललित मोदींपेक्षा नऊ वर्षांनी मोठ्या होत्या.

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)

ललित मोदी आणि मीनल यांच्या प्रेमाला त्यांच्या कुटुंबाचा विरोध होता. त्यामुळेच त्यांनी कुटुंबाच्या विरोधात जाऊन लग्न करण्यात निर्णय घेतला. 17 ऑक्टोबर 1991 रोजी ते लग्नबंधनात अडकले. ललित मोदी आणि मीनल यांनी रुचिर नावाचा मुलगा आहे. तर रुचिर यांना आलिया नावाची एक मुलगी आहे. मीनल यांचे 2018 मध्ये निधन झाले आहे. त्यामुळे आता ललित मोदी सुष्मितासोबत लवकरच लग्नबंधनात अडकू शकतात.

Just back in london after a whirling global tour #maldives # sardinia with the families – not to mention my #betterhalf @sushmitasen47 – a new beginning a new life finally. Over the moon. 🥰😘😍😍🥰💕💞💖💘💓 pic.twitter.com/Vvks5afTfz

— Lalit Kumar Modi (@LalitKModi) July 14, 2022

उद्योगपती आणि आयपीएलमध्ये महत्वाची भूमिका बजावणारे ललित मोदी हे प्रसिद्ध अभिनेत्री सुश्मिता सेनशी विवाहबद्ध झाले आहेत, अशी चर्चा सुरू झाली होती. सध्या सोशल मीडियावर त्यांचे फोटो व्हायरल होण्यास सुरुवात झाली आहे. मात्र आणखीन यासंदर्भात यासंदर्भात अभिनेत्री सुश्मिता सेनकडून कोणतीही प्रतिक्रिया समोर आलेली नाही. गेल्या काही महिन्यांपूर्वी सुश्मिताचं तिच्या बॉयफ्रेंडशी ब्रेक अप झालं होतं. ललित मोदी यांनी त्यांच्या इंस्टाग्राम अकाउंटवरून सुष्मितासोबतचे रोमँटिक फोटो शेअर करून याची घोषणा केली आहे.

दरम्यान सोशल मीडिया वापरकर्ते आणि सुष्मिता सेनच्या चाहत्यांसाठी हा आश्चर्याचा धक्का ठरला आहे. ललित मोदींच्या पोस्टवर सोशल मीडिया वर प्रतिक्रिया दिल्या जात आहेत. दोघेही एकमेकांना डेट करत आहेत यावर बऱ्याच जणांचा यावर विश्वास बसत नाहीये, मात्र दुसरीकडे चाहते दोघांचेही अभिनंदन करत आहेत.

दरम्यान, ललित मोदी यांचा बायोपिक लवकरच प्रेक्षकांच्या भेटीला येणार आहे. हा सिनेमा क्रिडा पत्रकार बोरिया मजूनदार यांच्या ‘मॅवरिक कमिश्नर: द आयपीएल-ललित मोदी सागा’ या पुस्तकावर आधारित आहे. ललित मोदी यांच्या प्रेमाचा नवा अध्याय सुरू झाल्याने प्रेक्षकांना या सिनेमाची उत्सुकता आहे.