Saturday, January 28, 2023
Surajya Digital
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर
  • ब्लॉग
  • अर्थाअर्थ
  • शिवार
  • Techनिक
No Result
View All Result
Surajya Digital
No Result
View All Result

सोलापूरात कर्नाटक भवनसाठी 10 कोटी; बोम्मईंनी पुन्हा काढली महाराष्ट्राची खोड

10 milions per Karnataka Bhavan a Solapur

Surajya Digital by Surajya Digital
December 4, 2022
in Hot News, देश - विदेश, सोलापूर
0
सोलापूरात कर्नाटक भवनसाठी 10 कोटी; बोम्मईंनी पुन्हा काढली महाराष्ट्राची खोड
0
SHARES
137
VIEWS
Share on FacebookShare on Twitter

□ कन्नड भाविकांसाठी पंढरपूर, तुळजापुरात कन्नड भवनासाठी निधी

 

सोलापूर / बेळगाव : कर्नाटकचे मुख्यमंत्री बसवराज बोम्मई यांनी सोलापूर येथे कर्नाटक भवन बांधण्यासाठी 10 कोटी रुपये मंजूर केले आहेत. गोवा, केरळसह सोलापुरमध्ये कर्नाटक भवन उभारणार असे बोम्मईंनी सांगितले आहे. गेल्या काही दिवसांपासून महाराष्ट्र व कर्नाटक यांच्यात सीमावादावरुन संघर्ष उफाळून आला आहे. बोम्मई यांनी जत भागात पाणी सोडले होते आणि आता कर्नाटक भवन उभारण्याची घोषणा याने आणखी संघर्ष होण्याची शक्यता आहे. 10 milions per Karnataka Bhavan a Solapur; El ministre en cap Bommaini va tornar a fer la broma de Maharashtra

 

सोलापूर, गोव्यासह केरळमधील कासरगोडमध्ये कन्नड भवन निर्मितीसाठी प्रत्येक १० कोटी निधी देण्यात येईल. कर्नाटकातील भाविकांसाठी पंढरपूर, तुळजापूर, श्रीशैल, अय्यप्पा देवालय आदी ठिकाणी यात्री निवासी केंद्राची स्थापना केली जाईल, अशी घोषणा कर्नाटकचे मुख्यमंत्री बसवराज बोम्मई यांनी शनिवारी केली.

 

बेळगावातील रामदुर्ग (जि. बेळगाव) येथे ६७१.२८ कोटी रुपयांच्या विविध विकासकामांना चालना व कोनशिला बसविण्याचा कार्यक्रम झाला. त्यावेळी मुख्यमंत्री बोम्मई बोलत होते. सीमा भागाच्या जिल्ह्यांतील १८०० ग्रामपंचायतींच्या संपूर्ण विकासाचे काम सुरू आहे. त्यामध्ये महाराष्ट्र, तमिळनाडू, गोवा, केरळ, तेलंगणा राज्यांच्या सीमेवरील ग्रामपंचायतींचा समावेश आहे. शेजारी राज्यातील सीमावर्ती भागातील शाळांसाठीही अनुदानाची तरतूद करण्यात येईल, असेही बोम्मई यांनी स्पष्ट केले.

 

सर्वोच्च न्यायालयातील महाराष्ट्र आणि कर्नाटक सीमाप्रश्न दाव्याच्या सुनावणीच्या पार्श्वभूमीवर गेल्या काही दिवसापासून जोरदार हालचाली वाढल्या आहेत. महाराष्ट्र आणि कर्नाटकात तणावस्थिती उद्भवली आहे. या साऱ्या घडामोडीमुळे कर्नाटकाचे नेते चांगलेच बिथरले आहेत. मुख्यमंत्री बोम्मई यांनी महाराष्ट्र विरोधात बोलणे सुरू केले आहे. कन्नड भाषकांचा विकास व रक्षणाची जबाबदारी सरकारची आहे. कन्नड भाषक देशातील कोणत्याही भागात किंवा कोणत्याही राज्यात असले तरी त्यांचे रक्षण आणि त्यांच्या विकासासाठी प्रयत्नशील असल्याचे सांगत आहेत.

 

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, डेलिहंट, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)

 

 

》 कर्नाटकात जायचे तर जावा पण जाहिरातबाजी नको

 

सोलापूर : अक्कलकोट आणि दक्षिण सोलापुरातील २८ गावांनी कर्नाटक सरकारमध्ये जाण्याचा निर्णय घेतला. तसा ठरावही या गावांनी संमत केला आहे. यावर भाजपाचे नेते लक्ष्मणराव ढोबळे यांनी संताप व्यक्त केला.

यशवंतराव चव्हाणपासून अनेक मान्यवरांनी या मराठी भूमीची सेवा केली आहे. या मातृभूमीला लाथाडून आम्ही जातो असे म्हणताय जावा, पण त्याची जाहिरात बाजी करू नका, आईवर हात उगारू नका असे त्यांनी म्हटले आहे.

 

आम्हाला स्वातंत्र्याच्या ७५ वर्षानंतरही रस्ते, पाणी, वीज, एसटी सेवा नियमित मिळत नाही. स्वातंत्र्य मिळाल्यानंतरही आम्हाला नीटनिटके रस्ते देखील मिळालेले नाहीत. सातत्याने आम्हाला डावलले जात आहे, असे म्हणत गावकऱ्यांन कर्नाटक सरकारमध्ये जाण्याचा निर्णय घेतला. यापैकी काही गावात कर्नाटकचे झेंडेही फडकले.

 

दरम्यान राज्याचे माजी मंत्री भारतीय जनता पार्टीचे नेते लक्ष्मणराव ढोबळे हे गुरुवारी (ता. 1 डिसेंबर) जिल्हा परिषदेमध्ये आले असता पत्रकारांनी त्यांना या विषयावर प्रतिक्रिया विचारली. त्यांनी सीमावर्तीय भागातील नागरिकांच्या भूमिकेवर चांगलाच संताप व्यक्त केला. अलमट्टीच पाणी सातत्याने महाराष्ट्राला त्रास देत आहे. आम्ही सहन करतोय, सख्खे भाऊ पक्के वैरी असल्याचे भासवताहेत.

कधी नांदेड बॉर्डर, कधी अक्कलकोट बॉर्डर तर कधी जत बॉर्डर उठून उभे राहते. ‘आमचं पाणी द्या नाहीतर आम्ही महाराष्ट्र सोडून जाऊ’ मात्र एवढा महाराष्ट्र लेचापेचा नाही. तुम्हाला कर्नाटकात जायचे तर जावा पण जाहिरात बाजी करू नका, असे ढोबळे संतापून म्हणाले.

Tags: #10milions #per #Karnataka #Bhavan #Solapur #El #ministre #cap #Bommaini #tornar #broma #Maharashtra#सोलापूर #कर्नाटक #भवन #10कोटी #मुख्यमंत्री #बोम्मई #पुन्हाकाढली #महाराष्ट्र #खोड
Previous Post

पंढरपूर कॉरिडोरबाबत वारकरी संप्रदायात उभी फूट

Next Post

आता बनावट औषधांना आळा बसणार ! बारकोड, क्यूआरकोड अनिवार्य

Surajya Digital

Surajya Digital

Next Post
आता बनावट औषधांना आळा बसणार ! बारकोड, क्यूआरकोड अनिवार्य

आता बनावट औषधांना आळा बसणार ! बारकोड, क्यूआरकोड अनिवार्य

वार्ता संग्रह

December 2022
M T W T F S S
 1234
567891011
12131415161718
19202122232425
262728293031  
« Nov   Jan »

ट्विटर पेज

Currently Playing

About Us

SurajyaDigital
सुराज्य डिजिटल हा ब्रँड जगाच्या काना-कोपऱ्यातील सर्वंकष माहितीचा अचूक खजिना आपल्यापर्यंत पोहोंचविण्याचे काम करतोय. टाईम मीडिया हाऊसचा हा ब्रँड अल्पावधीतच मराठी वाचकांचा अत्यंत विश्वासार्ह ब्रँड बनला आहे.जगभरातील घटनांचा वेगवान आढावा घेत त्यावर भाष्य करण्याबरोबरच वाचकांच्या आवडीचे विषय, करमणूक यासारखे दृक्श्राव्य व्यासपीठ उपलब्ध करून देण्यासाठी सुराज्य डिजिटल कटीबद्ध आहे. अधिक माहितीसाठी संपर्क करा timemediahouse@gmail.com timemarathi@gmail.com
  • Home
  • About Us
  • Contact Us
  • Disclaimer
  • Privacy Policy

© 2021 Surajya Digital All Rights Reserved Website Design & Developed By Digi Buffalo 9028927697

No Result
View All Result
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर

© 2021 Surajya Digital All Rights Reserved Website Design & Developed By Digi Buffalo 9028927697