Saturday, January 28, 2023
Surajya Digital
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर
  • ब्लॉग
  • अर्थाअर्थ
  • शिवार
  • Techनिक
No Result
View All Result
Surajya Digital
No Result
View All Result

श्री सिध्देश्वर यात्रेत वासराची भाकणूक, आज शोभेचे दारूकाम, लेझर शो

Veal prediction in Shri Siddheshwar Yatra, Aaj Sobeshe Darukam, Laser Show Solapur

Surajya Digital by Surajya Digital
January 16, 2023
in Hot News, सोलापूर
0
श्री सिध्देश्वर यात्रेत वासराची भाकणूक, आज शोभेचे दारूकाम, लेझर शो
0
SHARES
25
VIEWS
Share on FacebookShare on Twitter

□ यंदाही पाऊसमान चांगला पण नैसर्गिक संकटाचे संकेत

 

सोलापूर : ग्रामदैवत श्री सिध्देश्वर यात्रेच्या तिसऱ्या दिवशी रविवारी रात्री होमविधी पार पडल्यानंतर भगिनी समाजजवळ मानकरी देशमुख यांच्या घरातून आणलेल्या वासराची रात्री १२ वाजून ४८ मिनिटांनी भाकणूक झाली.  Veal prediction in Shri Siddheshwar Yatra, Aaj Sobeshe Darukam, Laser Show Solapur यावेळी वासराने मलमूत्र विसर्जन केले. त्यावरून यंदाही पाऊस चांगला होणार असल्याचे भाकीत नंदीध्वजाचे मानकरी राजशेखर हिरेहब्बू यांनी व्यक्त केले.

 

वासरासमोर गूळ, गाजर, ऊस, तांदूळ, गहू यासह अन्य विविध वस्तू ठेवण्यात आल्या होत्या. मात्र यापैकी कोणत्याही वस्तूला वासराने स्पर्श केला नाही. त्यामुळे शेतमालाचे दर स्थिर राहणार आणि पूजेच्यावेळी वासरू बिथरले होते. त्यावरुन देशात नैसर्गिक संकट येऊ शकते, असा अंदाज यावेळी मानकऱ्यांनी व्यक्त केला.

भाकणूक ऐकण्यासाठी सिध्देश्वरभक्तांची उत्सुकता शिगेला पोहोचली होती. वासराने मलमूत्र विसर्जन करताच उपस्थितांनी श्री सिध्देश्वरांचा जयघोष केला. येणाऱ्या हंगामात चांगला पाऊस होणार असल्याने भक्तांनी आनंद व्यक्त केला. गेली दोन वर्षे खरीप आणि रब्बी हंगामात चांगला पाऊस झाल्याने पाण्याची टंचाई जाणवली नाही. यंदाही चांगला पाऊस होणार असल्याचे संकेत मिळाल्याने शेतकऱ्यांमधून समाधान व्यक्त करण्यात आले.

ग्रामदैवत शिवयोगी श्री सिध्दरामेश्वरांच्या यात्रेतील तिसऱ्या दिवशी काल रविवारी रात्री ११.३० वाजता मानाच्या सातही नंदीध्वजांच्या साक्षीने येथील होम मैदानावरील होमकुंडात होमविधीचा धार्मिक सोहळा मंगलमय वातावरणात व हजारो भाविकांच्या उपस्थितीत, अत्यंत भक्तिभावाने पार पडला. यावेळी सिध्देश्वर भक्तांनी ‘बोला बोला एकदा भक्तलिंग हर्रऽऽ बोला हर्रऽऽ, श्री सिध्देश्वर महाराज की जय हर्रऽऽ’ असा जयघोष करून आसमंत दुमदुमून टाकला. होमविधीसाठी आलेल्या भाविकांमुळे होम मैदान फुलून गेले होते.

 

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, डेलिहंट, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)

 

 

रविवारी सायंकाळी साडेपाच वाजता हिरेहब्बू यांच्या वाड्यात मानकरी हिरेहब्बू व देशमुख यांच्या हस्ते मानाच्या नंदीध्वजांची पूजा झाली. त्यानंतर होम मैदानावर होणाऱ्या होम विधीसाठी मानाच्या सातही नंदीध्वजांच्या सवाद्य मिरवणुकीला सुरुवात झाली. मिरवणूक मार्गावर भाविकांनी नंदीध्वज व पालखीच्या स्वागतासाठी रांगोळी व फुलांच्या पायघड्या अंथरल्या होत्या.

 

श्री सिध्देश्वर देवस्थान पंच कमिटीच्यावतीने आज सोमवारी रात्री आठ वाजता होम मैदानावर ग्रामदैवत शिवयोगी श्री सिध्देश्वर यात्रेनिमित्त शोभेच्या दारूकामाची आतषबाजी आणि लेझर शो चे आयोजन केले आहे.

पन्नास बाय चाळीस फूट अशा भव्य पडद्यावर लेझर शो दाखवण्यात येणार असून, या लेझर शोमध्ये बालयोगी श्रीसिध्दरामेश्वरांचा जन्म, श्री मल्लव्यांनी श्री सिध्दरामेश्वरांच्या हातून हुरडा खातानाचा प्रसंग, श्रीशैल पर्वतावरील श्री मल्लिकार्जुन यांच्याकडून श्री सिध्दरामेश्वरांनी घेतलेली दीक्षा, श्री मल्लिकार्जुन व श्री सिध्दरामेश्वर यांच्या झालेला दैवी संवाद व श्री सिध्दरामेश्वरांनी सोन्नलगीमध्ये म्हणजे आजच्या सोलापूरमध्ये केलेले कार्य अशा अनेक गोष्टींवर लेझर शोमधून माहिती दिली जाणार आहे.

या कार्यक्रमास भाविकांनी उपस्थित राहावे, असे आवाहन श्री सिध्देश्वर देवस्थान पंच कमिटीचे अध्यक्ष धर्मराज काडादी यांनी केले आहे.

Tags: #Veal #prediction #ShriSiddheshwarYatra #Sobeshe #Darukam #LaserShow #Solapur#सोलापूर #श्रीसिध्देश्वर #यात्रा #वासराची #भाकणूक #शोभेचे #दारूकाम #लेझरशो
Previous Post

परिचारक – भालके समविचारी आघाडीने वाढवली आमदार अवताडेंची डोकेदुखी

Next Post

Murder Case चिप्पा मार्केट खून प्रकरण :  मृताची ओळख पटली, लहानपणीच्या मित्रानी केला मित्राचा घात

Surajya Digital

Surajya Digital

Next Post
Murder Case चिप्पा मार्केट खून प्रकरण :  मृताची ओळख पटली, लहानपणीच्या मित्रानी केला मित्राचा घात

Murder Case चिप्पा मार्केट खून प्रकरण :  मृताची ओळख पटली, लहानपणीच्या मित्रानी केला मित्राचा घात

वार्ता संग्रह

January 2023
M T W T F S S
 1
2345678
9101112131415
16171819202122
23242526272829
3031  
« Dec    

ट्विटर पेज

Currently Playing

About Us

SurajyaDigital
सुराज्य डिजिटल हा ब्रँड जगाच्या काना-कोपऱ्यातील सर्वंकष माहितीचा अचूक खजिना आपल्यापर्यंत पोहोंचविण्याचे काम करतोय. टाईम मीडिया हाऊसचा हा ब्रँड अल्पावधीतच मराठी वाचकांचा अत्यंत विश्वासार्ह ब्रँड बनला आहे.जगभरातील घटनांचा वेगवान आढावा घेत त्यावर भाष्य करण्याबरोबरच वाचकांच्या आवडीचे विषय, करमणूक यासारखे दृक्श्राव्य व्यासपीठ उपलब्ध करून देण्यासाठी सुराज्य डिजिटल कटीबद्ध आहे. अधिक माहितीसाठी संपर्क करा timemediahouse@gmail.com timemarathi@gmail.com
  • Home
  • About Us
  • Contact Us
  • Disclaimer
  • Privacy Policy

© 2021 Surajya Digital All Rights Reserved Website Design & Developed By Digi Buffalo 9028927697

No Result
View All Result
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर

© 2021 Surajya Digital All Rights Reserved Website Design & Developed By Digi Buffalo 9028927697