● चेअरमन – सचिवाच्या कोट्यवधींच्या घोटाळ्याची चौकशीची मागणी
सोलापूर : बाळे येथील श्री क्षेत्र खंडोबा मंदीर बाळे येथील ट्रस्टीमधला वाद विकोपाला गेला आहे. चेअरमन विनय ढेपे आणि सचिव सागर पुजारी हे बेकायदा कारभार तब्बल दोन कोटीचा घोटाळा केला असल्याची तक्रार जिल्हाधिकाऱ्यांकडे केली आहे. Bale Khandoba temple dispute in District Collector’s Court Patil Dhepe Solapur तसेच त्यांच्या कारभाराची चौकशी करुन योग्य कारवाई करावी अन्यथा या विरोधात आंदोलन करण्याचा इशारा ही बाळे मंदिरातील पुजारी आणि मानकऱ्यांनी केली आहे.
श्री क्षेत्र बाळे खंडोबा मंदिरात गेल्या चार वर्षापासून विनय ढेपे आणि सागर पुजारी काम पाहत आहेत. त्यांची मोठी दहशत मंदिरातील कर्मचाऱ्यांवर आहे. यातून मंदिराचा बेकायदा ताबा घेऊन मनमानी कारभार करत आहेत. कोट्यावधी रूपयाचा घोटाळा केला असल्याचा आरोप केला आहे.
वास्तविक पाहता सन २०१८ पासून धर्मदाय आयुक्त यांच्याकडे चेअरमन व विश्वस्त मंडळ स्थापन करणेबाबतचा चेंज रिपोर्ट सादर केलेला नाही. त्यामुळे ते अद्याप ही अधिकृतपणे चेअरमन अथवा सचिव नाहीत तसेच दादागिरी आणि दमदाटी करुन मंदीर समितीचा कब्जा घेतला आहे. तसेच न्यायालयाचा आदेश असताना ही रोख रक्कम तीन दिवसात बँक खात्यात जमा करणे अपेक्षित असताना ही मंडळी मंदीराचा पैसा परस्पर खर्ची घालत आहेत. त्यामुळे श्री खंडोबा देवस्थान बाळेचे अधिकृत चेअरमन सिद्राम पुजारी आणि बाळकृष्ण पुजारी यांनी संबधितांना वकिलामार्फत जाहिर नोटीस दिलेली आहे.
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, डेलिहंट, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)
तसेच ट्रस्टच्या नावाने जिल्हा मध्यवर्ती बँकेत असलेल्या खात्यातील रक्कम परस्पर कोणाला ही अदा करु नये अशी लेखी सूचना केली असताना ही या बँक खात्यातून रक्कम काढली जात असल्याची तक्रार करण्यात आलेली आहे.
या प्रकरणाची सखोल चौकशी करुन संबधितावर तातडीने कारवाई करावी अशी मागणी किशोर पाटील, सुनिल पाटील, दिलीप पाटील, सागर पाटील, बाळकृष्ण मोकाशी, सुभाष डांगे, मारुती तोडकर, मदन क्षीरसागर, नागनाथ क्षीरसागर, सुरेश तोडकरी, बाबाराज शेख, सुनील भोसले, ओंकार कुलकर्णी, अक्षय हैनाळ, वैभव गुरव, अशोक पुजारी यांनी केली आहे.
□ मी अधिकृत चेअरमन : ढेपे
मी देवस्थानचा अधिकृत चेअरमन आहे. धार्मधायकडे सर्व रिपोर्ट सादर आहेत. मंदिराच्या विकासाठी अन्नछत्राची उभारणी केली जाणार आहे. त्यासाठी २ कोटी ५१ लाखांची जागा ५१ लाखांमध्ये खरेदी केली आहे. विरोधाला विरोध म्हणून विरोधक आगामी निवडणूका डोळ्यासमोर ठेऊन राजकारण करत मंदिर आणि पदाधिकाऱ्यांना बदनाम करण्याचे कट कारस्थान करत आहेत.
आजपर्यंत मंदिर प्रशासन आणि मानकरी यांच्यात कोणता वाद नव्हता. मात्र गेली चार ते पाच वर्ष झाले व्यवस्थापनाचे व्यवहार वर्तणूक बेजबादर उध्दट आणि व्यवहार संशयास्पद झाल्याने मतभेद निर्माण झाले आहेत. मानकरी स्वार्थी नाहीत तर सेवेकरी आहेत. पुजारी आणि मोकाशी अडमावचे मंदिराचे अधिकृत पुजारी आहेत. त्यामुळे सिध्दा पुजारी अधिकृत चेअरमन आहेत. ढेपे यांचे पूर्वज येवती तालुक्यातील माढे येथील असल्याने त्यांचा बाळे देवस्थानवर पुजारीपणाचा हक्क नाही.
– किशोर पाटील (मुख्य मानकरी देवस्थान )