मुंबई : भारतातील आघाडीच्या गुंतवणूक सेवा कंपन्यांपैकी एक जिओजित फायनान्शियल सर्व्हिसेसने ग्राहकांसाठी व्हॉट्सअॅप चॅनल सुरू केले आहे, ज्यामुळे ग्राहकांना थेट डीलर्सशी चॅटद्वारे समभागांतील व्यवहार, म्युच्युअल फंडामध्ये गुंतवणूक करता येणार आहे. त्याशिवाय फंड ट्रान्सफर जिओजित विविध आवश्यक रिपोर्ट मिळविणे शक्य होणार आहे.
जिओजित टेक्नॉलॉजीजकडून विकसित हे व्हॉट्सअॅप चॅनल हे कंपनीच्या ग्राहकांना विविध प्रकारचे व्यवहार आणि गुंतवणुकीची संपन्न अनुभूती देते, शिवाय सध्याच्या कोरोना काळात घरातील सुरक्षित आणि आरामदायी वातावरणात इच्छित सौद्यांच्या सहज पूर्ततेची सुविधाही प्रदान करते.
व्हॉट्सअ‍ॅपवरील चॅटिंग इतके ट्रेडिंग करणे सोपे बनविताना, जिओजितने याचीही खातरजमा केली आहे की व्हॉट्सअॅप चॅनलवरील सर्व संप्रेषणे लॉग-इन द्वारे होतील जेणेकरून या चॅनेलद्वारे होणाऱ्या व्यापाराला कायदेशीर मान्यता असेल. जिओजितच्या व्हॉट्सअॅप चॅनेलला ग्राहकांची सत्यता, ट्रेसिबिलिटी आणि सेल्फ सर्व्हिस यासारख्या सुरक्षिततेची खात्री देणाऱ्या वैशिष्ट्यांचा अतिरिक्त फायदा आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, शेअरचॅट आणि ‘टेलिग्राम’वरही उपलब्ध
* उद्देश : संवादाचा दुवा प्रदान करणे
तंत्रज्ञानाच्या हस्तक्षेपासह आमच्या या क्षेत्रातील सखोल ज्ञान-अनुभवाला एकत्रित करून व्हॉट्सअॅप चॅनेलची प्रस्तुती हा ग्राहकांसाठी सोयी-सुविधा वाढविण्याच्या आमच्या ध्येयानुरूप वाटचालीतील महत्त्वाचा टप्पा आहे, असे मत जिओजितचे मुख्य डिजिटल अधिकारी जोन्स जॉर्ज यांनी व्यक्त केले. कोरोनाच्या काळात प्रत्येक जण घरूनच काम करीत असताना, ग्राहकांना कोणतेही अतिरिक्त प्रयत्न करावे न लागता विनासायास तरी कायदेशीरदृष्ट्या अनुरूप ग्राहक-विक्रेता या दरम्यान संवादाचा दुवा प्रदान करणे आमचा उद्देश आहे. या अभिनव व्हॉट्सअॅप चॅनेलमुळे व्यापार आणि आर्थिक व्यवहाराचा मागोवा घेण्यासाठी ग्राहकांना कोणतेही अतिरिक्त अँप्लिकेशन डाउनलोड करण्याची आवश्यकता नाही,असे त्यांनी सांगितले.
* असे करा व्हॉट्सअॅप चॅनेलमध्ये प्रवेश
ग्राहक त्यांच्या नोंदणीकृत मोबाइल नंबरवरून +91 99955 00044 वर व्हॉट्सअॅप संदेश पाठवून व्हॉट्सअॅप चॅनेलमध्ये प्रवेश करू शकतात. यशस्वी प्रमाणीकरणानंतर, ते व्हॉट्सअ‍ॅपवर डीलरशी चॅट, सेल्फ-सर्व्हिस आणि स्टेटमेंट अँड रिपोर्ट्स अशा तीन सानुकूलित सेवांचा लाभ मिळवू शकतील. चॅट विथ डीलरद्वारे, पडताळणी प्रक्रियेनंतर ग्राहक त्याच्या / तिच्या शाखेशी संबंधित डीलरशी इक्विटी आणि डेरिव्हेटिव्ह्जमध्ये व्यापार करण्यासाठी संवाद साधू शकतात. ग्राहक आणि डीलरमधील सर्व संप्रेषणे सर्व्हरमध्ये सेव्ह केल्या जातात, ज्यामुळे जिओजित व्हॉट्सअ‍ॅपवरुन व्यापार पुष्टीकरण संकलित करतात. दुसरीकडे, स्टेटमेन्ट्स आणि रिपोर्ट्स सुविधा ग्राहकांना जिओजितकडून लेजर, फंड ट्रान्सफरचे तपशील आणि संशोधनात्मक डेटा पाहण्याची परवानगी देते. याव्यतिरिक्त, ग्राहकांना या व्हॉट्सअॅप चॅनेलमध्ये नोंदणीकृत नसलेल्या आणखी काही मोबाईल क्रमांकाचा भर घालण्याचा पर्यायही खुला आहे.
