मुंबई : तुम्ही नो पार्किंग झोन, नो स्मोकिंग झोन अशा झोनबाबत ऐकलं असेल. परंतू कधी नो किसिंग झोनबद्दल ऐकलं आहे का? मुंबईच्या बोरिवली भागात काही स्थानिक नागरिकांनी जॉगर्स पार्क परिसरात या झोनची घोषणा केली आहे.
नागरिकांनी रस्त्यावर पिवळ्या रंगामध्ये ‘नो किसिंग झोन’ लिहून संबंधित परिसरात किसिंग करण्याला मज्जाव केलाय. दरम्यान, येथे तरूण-तरूणी येऊन अश्लील चाळे करतात. त्यामुळे नागरिकांनी हा निर्णय घेतला.
मुंबईतही ठिकठिकाणी असे झोन आपल्याला पाहायला मिळतील. हा झोन आहे नो किसिंग झोन. मुंबईतील बोरिवली पश्चिम येथे असलेल्या जॉगर्स पार्कजवळ हा झोन नागरिकांनीच घोषित केला आहे.
हा प्रयोग काहीअंशी यशस्वी झाला आहे. नागरिकांकडून असं लिहिल्याचा परिणाम देखील झाला आहे. याचा परिणाम म्हणून आता जॉगर्स पार्कजवळील ठिकाणी कमी जोडपी दिसत आहेत, असं येथील रहिवासी सांगत आहेत.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
वाचा काय झाले सविस्तर, बोरिवली पश्चिम येथे असलेल्या जॉगर्स पार्कजवळ तरुण जोडपी भर रस्त्यात अश्लील कृत्य चाळे करत आहेत. यामुळे या विभागात राहणारे नागरिक त्रस्त झाले. अश्या जोडप्यांना आळा घालण्यासाठी रस्त्यावरच ‘नो किसिंग झोन’ अस लिहिलं आहे. बोरिवलीच्या चिकुवाडीतील ‘सत्यम शिवम सुंदरम’ सोसायटी आहे. याच सोसायटीजवळ जोगर्स पार्क आहे.
या ठिकाणी नागरिक व्यायाम करायला तसेच फिरण्यासाठी जात असतात. कोविड काळात अनेक ठिकाणी जमावबंदीचा हुकूम असल्यामुळे या ठिकाणी तरुण जोडपी दुचाकी किंवा कारमध्ये येऊन अश्लील चाळे करत असतात. हे एक हाय प्रोफाईल क्षेत्र आहे आणि या हाय प्रोफाईल क्षेत्राच्या मध्यभागी एक गार्डन तयार करण्यात आलं आहे. या ठिकाणी जोडपी अश्लील कृत्य करताना नेहमीच दिसून येतात. अशा जोडप्यांना पायबंद घालण्यासाठी रहिवाश्यांनी नवा मार्ग स्वीकारला आणि सोसायटीच्या बाहेरच्या रस्त्यावर ‘NO KISSING ZONE’ असं लिहिलं आहे.
