युक्रेन दुसऱ्या भारतीय विद्यार्थ्याचा मृत्यू , वडील अडकले युक्रेनमध्येच

● भारतीय दुतावासाने केली नवी सूचना जारी

नवी दिल्ली : युक्रेनमध्ये आणखी एका भारतीय विद्यार्थ्याचा मृत्यू झाल्याची माहिती समोर आली आहे. हा विद्यार्थी पंजाबचा होता. चंदन जिंदाल (वय-22) असे या विद्यार्थ्याचे नाव आहे. युक्रेन संकट सुरु असताना चंदनची प्रकृती बिघडली. त्याच्यावर रुग्णालयात उपचार सुरू असताना आज ( 2 मार्च) त्याचा मृत्यू झाला. तर चंदनचे वडिल युक्रेनमध्ये अडकले आहेत. मंगळवारी कर्नाटकातील नवीनचा युक्रेनमध्ये मृत्यू झाला होता.

रशियाने युक्रेनमधील अनेक शहरांवर बाँबवर्षाव सुरू केला आहे. त्यातच युक्रेनमधील दुसऱ्या क्रमांकाचे मोठे शहर असलेल्या खारकीव्ह शहरात रशियाने केलेल्या मिसाईल हल्ल्यात कर्नाटकातील नवीन शेखराप्पा या विद्यार्थ्याचा मृत्यू झाला. त्यामुळे देशभरात हळहळ व्यक्त केली जात आहे. तर युध्दग्रस्त युक्रेनमध्ये अडकलेल्या विद्यार्थ्यांना तातडीने मायदेशी आणण्याबाबत सरकारवर दबाव वाढत आहे. त्यावर सरकारने तातडीने पाऊले उचलून युक्रेनमध्ये अडकलेल्या विद्यार्थ्यांना परत आणण्यासाठी ऑपरेशन गंगा सुरू केले आहे. Ukraine: Another Indian student dies, father trapped in Ukraine

URGENT ADVISORY TO INDIAN STUDENTS IN KHARKIV.@MEAIndia @PIB_India @DDNational @DDNewslive pic.twitter.com/2dykst5LDB

— India in Ukraine (@IndiainUkraine) March 2, 2022

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…

दरम्यान युध्दग्रस्त युक्रेनमधून आणखी एक धक्कादायक बातमी समोर आली आहे.

हिंदुस्तान टाईम्सने दिलेल्या वृत्तानुसार चंदन जिंदाल नावाच्या 22 वर्षीय विद्यार्थ्याचा मृत्यू झाला आहे. मात्र चंदन जिंदाल या विद्यार्थ्याचा इस्केमिक स्ट्रोकमुळे मृत्यू झाला आहे. त्याला विनितसिया येथील रुग्णालयात दाखल करण्यात आले होते. मात्र उपचारादरम्यान चंदन जिंदाल या भारतीय विद्यार्थ्याचा मृत्यू झाला आहे. तर चंदनचा मृतदेह भारतात आणण्याची विनंती चंदनच्या वडिलांना सरकारला केली आहे.

रशिया युक्रेन युध्दाची तीव्रता वाढत असल्याने भारतीय दुतावासाने नवी सूचना जारी करत भारतीय नागरीकांनी तातडीने खारकीव्ह सोडण्याची सूचना दिली आहे. तर सर्व नागरीकांनी खारकीव्ह शहर सोडून पेसोचिन, बेझल्युडोव्हका आणि बाबे वसाहतींमध्ये पोहचावे, असे सरकारने सांगितले आहे.