सोलापूर – महिला सरपंच यांनी आपल्या पदाचा राजीनामा द्यावा या करण्यासाठी त्यांच्या पतीला मारहाण करण्यात आली. ही घटना तिर्थ (ता.दक्षिण) सोलापूर येथे आज शनिवारी (ता. ५) दुपारच्या सुमारास घडली.
मलिक विठ्ठल वाघमारे (वय ३९ रा. तिर्थ) असे जखमीचे नाव आहे. त्यांना वळसंग येथे प्राथमिक उपचार करुन शासकीय रुग्णालयात दाखल करण्यात आले. मलिक वाघमारे यांच्या पत्नी गावच्या सरपंच आहेत. त्यांनी आपल्या पदाचा राजीनामा द्यावा यासाठी एकनाथ उर्फ हिरालाल गायकवाड आणि अन्य ५ जणांनी त्यांना लाथाबुक्क्याने मारहाण केली. अशी प्राथमिक नोंद तालुका पोलिसात झाली आहे.
● टाकळी सिकंदर येथे चोरट्यांकडून कोयत्याने मारहाण; एक जखमी
सोलापूर – बंद घराचा दरवाजा तोडताना पाहण्यास गेल्यानंतर चौघा चोरट्यांनी कोयत्याने मारहाण करून एकास जखमी केले. ही घटना टाकळी सिकंदर (ता. मोहोळ) येथे आज शनिवारी पहाटेच्या सुमारास घडली.
ज्ञानेश्वर उत्तम जानकर (वय ३६ रा. टाकळी सिकंदर) असे जखमीचे नाव आहे. त्यांना मोहोळ येथे प्राथमिक उपचार करुन सोलापुरातील शासकीय रुग्णालयात दाखल करण्यात आले. आज पहाटे दीड ते दोन वाजेच्या सुमारास जानकर यांच्या घराजवळील एका बंद घराचा दरवाजा तोडत असल्याचा आवाज आला. जानकर हे त्या ठिकाणी गेले असता अंधारात लपलेल्या चौघा चोरट्यांनी त्यांच्या डोक्यावर कोयत्याने हल्ला केला. अशी प्राथमिक नोंद तालुका पोलिसात झाली आहे. Husband of a woman sarpanch beaten for resigning
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…
● महुद येथे ड्रायव्हरला मारहाण करून चोरट्यांनी पिकअप पळविली
सोलापूर – मोटारीतून आलेल्या तिघा दरोडेखोरांनी पिकप चालकास मारहाण करून त्याची पिकअप आणि खिशातील पाकीट असा चोरून नेला. ही घटना महूद (ता.सांगोला) येथे काल शुक्रवारी पहाटेच्या सुमारास घडली.
यासंदर्भात बाळू अप्पा सायकर (वय ३६ रा.कर्जत जि.अहमदनगर) याने सांगोला पोलिसात फिर्याद दाखल केली. काल पहाटे ३ वाजेच्या सुमारास तो आपल्या वाहनातून महूदच्या पुढे १०कि.मी. अंतरावरून निघाला होता. त्यावेळी दुसर्‍या एका मोटारीतून आलेल्या तिघा दरोडेखोरांनी त्याच्या पिकअप मध्ये चढून त्याला काठीने मारहाण केली. आणि त्याला जंगलात नेले. त्यानंतर त्याचे वाहन घेऊन पोबारा केला अशी नोंद पोलिसात झाली आहे.
कुंभारी घरकुल येथे दुकानाचे शटर उचकटून चोरी
