Wednesday, May 31, 2023
Surajya Digital
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर
  • ब्लॉग
  • अर्थाअर्थ
  • शिवार
  • Techनिक
No Result
View All Result
Surajya Digital
No Result
View All Result

आमदारांनी व्हीप धुडकावला; शिवसेनेचे आणि शिंदे गटाचे विधानसभा अध्यक्षांना पत्र

MLAs blow the whip; Letter of Shiv Sena and Shinde group to the Assembly Speaker

Surajya Digital by Surajya Digital
July 3, 2022
in Hot News, महाराष्ट्र, राजकारण
0
आमदारांनी व्हीप धुडकावला; शिवसेनेचे आणि शिंदे गटाचे विधानसभा अध्यक्षांना पत्र
0
SHARES
114
VIEWS
Share on FacebookShare on Twitter

 

मुंबई : विधानसभा अध्यक्ष पदासाठी आज निवड झाली. यामध्ये भाजप आणि शिंदे गटाचे उमेदवार राहुल नार्वेकर यांची अध्यक्ष म्हणून निवड करण्यात आली आहे. परंतु यामध्ये शिवसेनेने जारी केलेला व्हीपचे 39 बंडखोर आमदारांनी पालन केले नाही. त्यामुळे शिवसेनेने त्या आमदारांना अपात्र ठरवण्यात यावं, अशी मागणी करणारे पत्र शिवसेनेने विधानसभा अध्यक्षांना पाठवले आहे.  MLAs blow the whip; Letter of Shiv Sena and Shinde group to the Assembly Speaker

राज्यपालांच्या आदेशानुसार आज रविवारी (३ जुलै) विधानसभेचे विशेष अधिवेशन झाले. शिवसेनेने व्हीप बजावला होता. तो व्हीप मोडल्यामुळे 39 सदस्यांविरोधात तक्रार दाखल करण्यात आली आहे, अशी माहिती शिवसेनेचे प्रतोद सुनील प्रभू यांनी दिली.

तर, शिंदे गटाकड़ूनही 16 आमदारांनी व्हीप मोडला असल्याची तक्रार दिली आहे. शिवसेनेच्या शिंदे गटाच्या बंडखोर आमदारांनी अखेर आज रविवारी विधानसभा अध्यक्षपदाच्या निवडणुकीत भाजपाच्या उमेदवाराला मतदान केले. याबद्दल शिवसेनेने तातडीने उपाध्यक्ष नरहरी झिरवळ यांच्याकडे तक्रार दाखल केली. शिवसेनेची तक्रार सभागृहाच्या पटलावर घेतली आहे. लोकशाही पद्धतीने निवडणूक झाली, पण विधानसभेच्या नियमानुसार पक्षाने जो व्हीप बजावला होता, त्याच्या विरोधात जाऊन 39 आमदारांनी मतदान केले आहे.

 

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…

 

शिवसेनेमधील उर्वरित 16 आमदार कोणाचा व्हीप मान्य करणार? याकडे लक्ष होते. विधानसभा अध्यक्ष निवडीच्या कामकाजाला सुरुवात होताच विधानसभा उपाध्यक्ष नरहरी झिरवळ यांच्याकडे शिवसेना पक्षप्रतोद सुनील प्रभू यांनी बंडखोर 39 आमदारांनी पक्षादेश झुगारल्याचे पत्र दिलं आहे. बाळासाहेब थोरात यांनी हे पत्र रेकॉर्डवर आणण्याची सूचना केली.

 

आम्ही सर्व आमदारांच्या नावानिशी तक्रार अध्यक्षांकडे केली आहे. सर्वोच्च न्यायालयात आम्ही आधीच 16 आमदारांविरोधात अपात्रतेची याचिका दाखल केली आहे. त्यावर आता सुनावणी होणार आहे, अशी माहिती सुनील प्रभू यांनी दिली. या 39 आमदारांनी व्हीप मोडून मतदान केले आहे. त्यामुळे आमचे उमेदवार राजन साळवी यांचा पराभव झाला आहे.

 

तांत्रिक दृष्ट्या जे योग्य आहे, त्यानुसार कारवाई केली पाहिजे, असे सुनील प्रभू म्हणाले. दुसरीकडे, एकनाथ शिंदे गटाकडून विधानसभा अध्यक्षांना पत्र लिहिले आहे. आमचा खरा गट असून, आम्ही बजावलेल्या व्हीपच्या विरोधात जाऊन शिवसेनेतील 16 आमदारांनी पक्षाविरोधात मतदान केले आहे, अशी तक्रार शिंदे गटाकडून प्रतोद म्हणून भरत गोगावले यांनी दिली आहे.

दरम्यान, आमदार अपात्रतेच्या कारवाईवरून सर्वोच्च न्यायालयमध्ये प्रकरण प्रलंबित आहे. 11 जुलैला या प्रकरणाची सुनावणी होणार आहे.

 

Tags: #MLAs #blow #whip #Letter #ShivSena #Shinde #group #Assembly #Speaker#बंडखोर #आमदार #व्हीप #धुडकावला #शिवसेना #विधानसभा #अध्यक्ष #पत्र #शिंदे #गट
Previous Post

नुपूर शर्मा पोस्ट समर्थनार्थ प्रकरणात झालेल्या हत्येत धक्कादायक खुलासा, आत्तापर्यंत सातजणांना अटक

Next Post

उस्मानाबादला धाराशिव म्हणण्यावरून मारहाण, पाचजण जखमी

Surajya Digital

Surajya Digital

Next Post
उस्मानाबादला धाराशिव म्हणण्यावरून मारहाण, पाचजण जखमी

उस्मानाबादला धाराशिव म्हणण्यावरून मारहाण, पाचजण जखमी

वार्ता संग्रह

July 2022
M T W T F S S
 123
45678910
11121314151617
18192021222324
25262728293031
« Jun   Aug »

ट्विटर पेज

Currently Playing

About Us

SurajyaDigital
सुराज्य डिजिटल हा ब्रँड जगाच्या काना-कोपऱ्यातील सर्वंकष माहितीचा अचूक खजिना आपल्यापर्यंत पोहोंचविण्याचे काम करतोय. टाईम मीडिया हाऊसचा हा ब्रँड अल्पावधीतच मराठी वाचकांचा अत्यंत विश्वासार्ह ब्रँड बनला आहे.जगभरातील घटनांचा वेगवान आढावा घेत त्यावर भाष्य करण्याबरोबरच वाचकांच्या आवडीचे विषय, करमणूक यासारखे दृक्श्राव्य व्यासपीठ उपलब्ध करून देण्यासाठी सुराज्य डिजिटल कटीबद्ध आहे. अधिक माहितीसाठी संपर्क करा timemediahouse@gmail.com timemarathi@gmail.com
  • Home
  • About Us
  • Contact Us
  • Disclaimer
  • Privacy Policy

© 2021 Surajya Digital All Rights Reserved Website Design & Developed By Digi Buffalo 9028927697

No Result
View All Result
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर

© 2021 Surajya Digital All Rights Reserved Website Design & Developed By Digi Buffalo 9028927697