नवी दिल्ली : उत्तर प्रदेशचे माजी मुख्यमंत्री आणि समाजवादी पक्षाचे संस्थापक मुलायम सिंह यादव यांचे निधन झाले आहे. त्यांच्यावर गेल्या काही दिवसांपासून गुरुग्राममधील मेंदाता रुग्णालयात उपचार सुरु होते. वयाच्या 82 व्या वर्षात यादव यांनी अखेरचा श्वास घेतला. आज सकाळी 8.15 वाजण्याच्या सुमारास त्यांचे निधन झाले. Son of earth, former Chief Minister Mulayam Singh Yadav passed away Uttar Pradesh Samajwadi Party
ऑक्सिजनची पातळी कमी झाल्याने त्यांना आयसीयू वॉर्डमध्ये दाखल करण्यात आले होते. उपचार सुरू असतानाच त्यांची प्राणज्योत मालवली. मुलायमसिंग यादव यांचा जन्म 22 नोव्हेंबर 1939 रोजी इटावा येथील सैफई येथे झाला होता. ते उत्तर प्रदेशचे 3 वेळा मुख्यमंत्री होते. उत्तर प्रदेशच्या इटावा जिल्ह्यातील सैफई गावात मूर्ति देवी आणि सुघर सिंह यांच्या शेतकरी कुटुंबात त्यांचा जन्म झाला. मुलायम सिंह हे रतन सिंह यांच्यापेक्षा लहान आहेत आणि त्यांच्या पाच भावंडांपैकी अभयराम सिंह, शिवपाल सिंह यादव, राम गोपाल सिंह यादव आणि कमला देवी यांच्यापेक्षा ते मोठे आहेत. ते ‘धरतीपुत्र’ म्हणून प्रसिद्ध आहेत.
उत्तर प्रदेशचे माजी मुख्यमंत्री मुलायम सिंह यादव यांचे निधन झाले असून ते 82 वर्षांचे होते. मुलायमसिंग यादव यांना 2 ऑक्टोबर रोजी रक्तदाबाचा त्रास आणि श्वास घेण्यास त्रास होत असल्याने गुरुग्राममधील मेदांता रुग्णालयात दाखल करण्यात आले होते. त्यांची प्रकृती तेव्हापासून चिंताजनक होती. मृत्यूची पुष्टी करताना, सपा अध्यक्ष अखिलेश यादव म्हणाले, “माझे आदरणीय पिताजी आणि सर्वांचे लाडके नेते मुलायम सिंह यादव आपल्याला सोडून गेले आहेत.
मुलायम सिंह यादव यांची प्रकृती चिंताजनक असल्याने ते जीवनरक्षक औषधांवर होते. गुरुग्रामच्या मेदांता हॉस्पिटलच्या आयसीयूमध्ये तज्ञ डॉक्टरांच्या मोठ्या टीमद्वारे त्यांच्यावर उपचार केले जात होते. मुलायमसिंह यादव यांना महिनाभराहून अधिक काळ रुग्णालयात दाखल करूनही त्यांची प्रकृती गेल्या आठवडाभरात झपाट्याने खालावली होती. प्रकृती खालावली असल्याने त्यांचा मुलगा आणि सपाचे राष्ट्रीय अध्यक्ष अखिलेश यादव हे मेदांता रुग्णालयात उपस्थित होते.
त्यांचे समर्थक आणि हितचिंतक मुलायमसिंह यादव यांच्या प्रकृतीसाठी सतत प्रार्थना करत होते. त्यांच्या प्रकृतीत सुधारणा होत नसल्याचीही चिंताही होती. विशेष म्हणजे यापूर्वी सपाच्या दोन नगरसेवकांनी माजी मुख्यमंत्री अखिलेश यादव यांना किडनी दान करण्यासाठी पत्र लिहिले होते. गतवर्षीही मुलायम सिंह यादव यांची प्रकृती खालावली होती. त्यावेळी त्यांना उपचारानंतर रुग्णालयातून सोडण्यात आले. यावेळी त्यांच्या प्रकृतीत कोणतीही सुधारणा झालेली नव्हती.
मेरे आदरणीय पिता जी और सबके नेता जी नहीं रहे – श्री अखिलेश यादव
— Samajwadi Party (@samajwadiparty) October 10, 2022
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)
□ धरतीपुत्राची थोडक्यात कारकीर्द
मुलायम सिंह यादव हे समाजवादी पक्षाचे नेते आणि पक्षाचे संस्थापक आहेत. 4 ऑक्टोबर 1992 रोजी त्यांनी समाजवादी पक्षाची स्थापना केली. त्यांच्या राजकीय कारकिर्दीत ते तीनदा उत्तर प्रदेशचे मुख्यमंत्रीही होते. गेल्या काही वर्षांत देशात जेव्हा जेव्हा तिसऱ्या आघाडीची चर्चा होते तेव्हा मुलायमसिंह यादव यांचे नाव प्राधान्याने घेतले जात होते. पेशाने शिक्षक असलेल्या मुलायमसिंह यादव यांच्यासाठी शिक्षण क्षेत्रानेही राजकीय दरवाजे उघडले.
1992 मध्ये त्यांनी समाजवादी पक्षाची स्थापना केली. 5 डिसेंबर 1989 ते 24 जानेवारी 1991, 5 डिसेंबर 1993 ते 3 जून 1996 आणि 29 ऑगस्ट 2003 ते 11 मे 2007 या कालावधीत ते उत्तर प्रदेशचे मुख्यमंत्री होते. याशिवाय ते केंद्र सरकारमध्ये संरक्षण मंत्रीही राहिले आहेत. मुलायम सिंह हे उत्तर प्रदेशातील यादव समाजाचे सर्वात मोठे नेते म्हणून ओळखले जातात.
मुलायम सिंह यांचा केंद्रीय राजकारणात प्रवेश 1996 मध्ये झाला, जेव्हा काँग्रेस पक्षाचा पराभव करून संयुक्त आघाडीने सरकार स्थापन केले. एचडी देवेगौडा यांच्या नेतृत्वाखालील या सरकारमध्ये त्यांना संरक्षणमंत्री करण्यात आले, पण हे सरकारही फार काळ टिकले नाही आणि तीन वर्षांत भारताला दोन पंतप्रधान दिल्यानंतर ते सत्तेतून बाहेर पडले.
भारतीय जनता पार्टीसोबतच्या त्यांच्या वैरावरून ते काँग्रेसच्या जवळ असतील असे वाटत होते, पण 1999 मध्ये काँग्रेसला पाठिंबा देण्याचे आश्वासन न देता सरकार स्थापन करण्यात अपयश आल्याने दोन्ही पक्षांमधील संबंध ताणले गेले. 2002 च्या उत्तर प्रदेश विधानसभेच्या निवडणुकीत समाजवादी पक्षाने 391 जागांवर आपले उमेदवार उभे केले, तर 1996 च्या निवडणुकीत केवळ 281 जागा लढवल्या होत्या.