Wednesday, February 8, 2023
Surajya Digital
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर
  • ब्लॉग
  • अर्थाअर्थ
  • शिवार
  • Techनिक
No Result
View All Result
Surajya Digital
No Result
View All Result

भीमा साखर कारखाना : निवडणुकीचा प्रचार पोहचला नको त्या पातळीवर

Bhima Sugar Factory: Election campaign should not have reached the level Rajan Patil Umesh Patil

Surajya Digital by Surajya Digital
November 13, 2022
in Hot News, राजकारण, सोलापूर
0
भीमा साखर कारखाना : निवडणुकीचा प्रचार पोहचला नको त्या पातळीवर
0
SHARES
164
VIEWS
Share on FacebookShare on Twitter

– पाटलांच्या पोरांना लग्नाअगोदर पोरं : राजन पाटील

– पाटील म्हणून घ्यायची लाज वाटते : उमेश पाटील

सोलापूर : मोहोळ – पंढरपूर तालुक्याच्या सीमेवर असलेल्या भीमा सहकारी साखर कारखान्याची. एका बाजूला आहे सत्ताधारी कोल्हापूरचा महाडिक गट; दुसऱ्या बाजूला आहे विरोधी अनगरचा राजन पाटील व पंढरपूरचा परिचारक गट. दोन्ही बाजूने प्रचारात उतरली आहे दोन्ही गटातील नेत्यांची पुढची पिढी. Bhima Sugar Factory: Election campaign should not have reached the level Rajan Patil Umesh Patil

 

या पुढच्या पिढीतील पोरांवरूनच पोरांच्या पालकांनी नको ती वक्तव्ये केल्यामुळे निवडणुकीचा प्रचार नको त्या पातळीवर पोहचला आहे. त्यातूनच राष्ट्रवादी काँग्रेसचे मोहोळचे माजी आ. राजन पाटील यांनी केलेल्या वादग्रस्त वक्तव्यावर राष्ट्रवादीचेच प्रवक्ते व मोहोळमधील माजी जि.प. सदस्य उमेश पाटील यांनी जोरदार टीका केल्यामुळे निवडणूक प्रचाराला व्यक्तिगत हेवेदाव्यांचा रंग आला आहे.

 

‘गेल्या आठ दिवसांपासून फक्त आमच्या कुटुंबीयांवर टीका केली जात आहे. दुसरी काही भानगडच नाही. प्रशांतमालक (परिचारक) तुम्ही आज आला आहात. निवडणूक भीमा कारखान्याची आहे की राजन पाटील यांच्या कुटुंबीयांची आहे, हे कळायला मार्गच नाही. आम्ही पाटील आहे. आमच्या पोरांना बाळं म्हणत आहेत. अरं आम्ही पाटील आहोत. त्यांना माहितीच नाही की, पाटलांच्या पोरांनाही लग्नाच्या आधी | एवढी बाळं असतात बेट्या…. तुझ्याएवढी….. आणि त्याचा आम्हाला स्वाभिमान आहे, ‘ हे विधान आहे तब्बल तीनवेळा आमदार म्हणून विधानसभेत गेलेले राजन पाटील यांचे. तेसुध्दा जाहीर सभेत केलेले. याच विधानावरून आता विरोधकांवर टीका करणारे माजी आ. राजन पाटील स्वतः टीकेचे धनी झाले आहेत.

 

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, डेलिहंट, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)

 

शुक्रवारी (ता. 11) भीमा कारखाना निवडणुकीच्या प्रचाराचा शेवटचा दिवस होता. एका जाहीर प्रचार सभेत भीमा कारखान्याचे अध्यक्ष खा. धनंजय महाडिक यांच्यावर तोंडसुख घेताना माजी आ. राजन पाटील यांनी हे विधान केले आहे. दरम्यान राजन पाटील यांच्या याच वक्तव्यावरून त्यांच्याविरोधात कारवाई करावी, अशी मागणी पुढे आली आहे. राजन पाटील यांच्यासारख्या जुन्या-जाणत्या नेत्यांकडून केलेल्या बेताल वक्तव्याचे राजकीय क्षेत्रात आश्चर्य व्यक्त केले जात आहे.

 

“स्वत:च्या पोरांची गुन्हेगारी पार्श्वभूमी अभिमानाने सांगताना ‘आमच्या पोरांना बाळं म्हणत आहेत… तुम्ही आमच्या पोरांना भीती घालताय ? अहो, वयाच्या सतराव्या वर्षी ३०२ ची कलमं भोगणारी आमची पोरं आहेत… तुम्ही आम्हाला काय भीती घालताय…?”

राजन पाटील
(राष्ट्रवादीचे माजी आमदार )

 

 

आमच्या नेत्याची दोन पोरं प्रचारात आहेत. त्यांनी भाषणात सांगितलं की, आमच्या पोरांना लग्नाच्या अगोदरच पोरं झालेली आहेत. एवढंच नाहीं तर आम्हाला त्याचा स्वाभिमान आहे, असंही ते म्हणाले. लग्नाच्या अगोदर स्वतःच्या पोरांना आधीच पोरं झाली आहेत, असे सांगणारे हे पाटील. आम्हीसुध्दा पाटील आहोत. पण अशा पाटलांमुळे आम्हाला आता पाटील म्हणवून घ्यायलाही लाज वाटते’, असे सांगून हा एक प्रकारे महिलांचा सुध्दा अपमान आहे. असा असंस्कृत, विकृत मनोवृत्तीचा माणूस तुम्हाला भीमा कारखान्याचा नेता म्हणून चालणार आहे का? असा सवाल माजी आ. राजन पाटील यांचे विरोधक राष्ट्रवादी काँग्रेसचे प्रवक्ते उमेश पाटील यांनी उपस्थित केला आहे.

भीमा कारखाना निवडणुकीच्या प्रचार सभेतच उमेश पाटील यांनी हा प्रश्न उपस्थित केला आहे. यावेळी पुढे बोलताना, त्यांनी पुढं आणखी सांगितलं की लग्नाच्या आधी जी पोरं झाली आहेत, ती तुमच्या वयाची आहेत, असे सांगितले. म्हणजे बापच पोरांच्या नावाने बिल फाडत होता की काय माहीत? वयाच्या २४ ते २५ व्या वर्षी लग्नं झाली. त्या अगोदरच त्यांच्या पोरांना पोरं झाली आणि ती पोरं आता तुमच्या वयाची झाली आहेत. म्हणजे ते स्वतःची बिलं पोरांच्या नावाने फाडत आहेत. काय नेते…? असा सवालही उमेश पाटील यांनी उपस्थित केला.

 

 

“मोहोळ तालुक्यातील जनतेच्या सहनशीलतेची मलाच कीव येऊ लागली आहे. असला नेता मोहोळ तालुक्याने तीनवेळा निवडून दिला. असला नेता मोहोळ तालुक्याच्या बोकांडी बसला. असला विकृत मनोवृत्तीचा माणूस, घाणेरडा माणूस मोहोळचा असेल तर आम्हाला तालुक्याचा म्हणून घेताना लाज वाटेल. पाटील म्हणून सांगायला लाज वाटेल, असा नेता भीमा कारखान्यात तुम्हाला चालेल का?”

– उमेश पाटील

(राष्ट्रवादी काँग्रेसचे प्रवक्ते)

Tags: #Bhima #Sugar #Factory #Election #campaign #reached #level #RajanPatil #UmeshPatil#भीमा #साखर #कारखाना #निवडणुकी #प्रचार #पोहचला #नकोत्यापातळीवर #राजनपाटील #उमेशपाटील
Previous Post

श्रीशैल पीठाच्या कार्यक्रमास पंतप्रधान मोदींसह उपमुख्यमंत्री फडणवीस येणार

Next Post

सोलापुरात सुताच्या कारखान्यांना भीषण आग; लाखोंचे नुकसान

Surajya Digital

Surajya Digital

Next Post
सोलापुरात सुताच्या कारखान्यांना भीषण आग; लाखोंचे नुकसान

सोलापुरात सुताच्या कारखान्यांना भीषण आग; लाखोंचे नुकसान

वार्ता संग्रह

November 2022
M T W T F S S
 123456
78910111213
14151617181920
21222324252627
282930  
« Oct   Dec »

ट्विटर पेज

Currently Playing

About Us

SurajyaDigital
सुराज्य डिजिटल हा ब्रँड जगाच्या काना-कोपऱ्यातील सर्वंकष माहितीचा अचूक खजिना आपल्यापर्यंत पोहोंचविण्याचे काम करतोय. टाईम मीडिया हाऊसचा हा ब्रँड अल्पावधीतच मराठी वाचकांचा अत्यंत विश्वासार्ह ब्रँड बनला आहे.जगभरातील घटनांचा वेगवान आढावा घेत त्यावर भाष्य करण्याबरोबरच वाचकांच्या आवडीचे विषय, करमणूक यासारखे दृक्श्राव्य व्यासपीठ उपलब्ध करून देण्यासाठी सुराज्य डिजिटल कटीबद्ध आहे. अधिक माहितीसाठी संपर्क करा timemediahouse@gmail.com timemarathi@gmail.com
  • Home
  • About Us
  • Contact Us
  • Disclaimer
  • Privacy Policy

© 2021 Surajya Digital All Rights Reserved Website Design & Developed By Digi Buffalo 9028927697

No Result
View All Result
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर

© 2021 Surajya Digital All Rights Reserved Website Design & Developed By Digi Buffalo 9028927697