मोहोळ : पोखरापूर (ता. मोहोळ) येथे आकाश ढाब्यावर काम करणाऱ्या कामगाराचा डोक्यात दगड घालून खून केला ही घटना सोमवारी सकाळी घडली. Mohol At night there was a fight between the workers at the dhaba; Murder on suspicion Pokharapur police stone
मोहोळ पंढरपूर रोडवर पोखरापूर जवळ आकाश हॉटेल नावाचा ढाबा आहे. हॉटेलचे मालक धनाजी वामन गायकवाड हे दररोज रात्री १२ वाजता बंद करतात. बाहेर गावचे कामगार त्याच ठिकाणी हॉटेलच्या पाठीमागे असलेल्या रूममध्ये राहण्यास आहेत.
पहाटे ६ वाजण्याच्या सुमारास हॉटेलचे मालक गायकवाड यांना हॉटेलमधील वस्ताद बाल मुकुंद चौधरी यांनी फोन करून सांगितले की मालिक संदीपने संजू मुहपर बडा पत्थर डाला है और उसका दोस्त सत्येंद्र वर्मा के साथ वो भाग गया हैं, संजू के मुह से बहुत खून बह रहा है असे सांगितले आणि मालकांनी तातडीने आपल्या मित्राला सोबत घेऊन हॉटेल गाठट ले आणि जाऊन पाहिले असता धर्मेंद्र उर्फ संजीव यादव हा रक्ताच्या थारोळ्यात पडला होता त्याच्या तोंडातून नाकातून कानातून रक्त येत होते व त्याचे डोक्याच्या बाजूलाच रक्त लागलेला मोठा दगड पडला होता. त्यावेळी वस्ताद बाल मुकुंद चौधरी यास संदीपने संजय यादव को किंवा मारा असे विचारले असता त्यांनी सांगितले की संजू हा संदीपच्या वहिनीच्या बहिणीला चोरून फोन करत होता.
या कारणावरून त्यांचेच रात्री एक दीड वाजण्याच्या सुमारास वादावादी झाली होती त्यांचे भांडण लागले होते. त्यानंतर त्यांचे भांडण सोडवून सर्व जण झोपी गेले होते. सकाळी सहा वाजता त्यांना जाग आली तेव्हा पाहिले असता संदीप यादव हा मोठा दगड घेऊन संजय यादव याचे अंगावर दगड उचलून टाकत असताना त्याने पाहिले आणि लगेच त्याला धक्का दिला. त्यावेळी तो दगड खाली पडला त्याच वेळी सत्येंद्र वर्मा हा पण जागा झाला संदीप यादव आणि वर्मा सोबत घेऊन पळून गेला.
रात्री झालेल्या भांडणाच्या कारणावरून संदीप यादव याने धर्मेद्र उर्फ संजीव यादव यांच्या तोंडावर सकाळी ६ वाजता मोठा दगड मारून जीवे ठार मारले असे वस्ताद बाल मुकुंद चौधरी यांनी मालकांना हिंदीमध्ये सांगितले. मालक गायकवाड यांनी पोलीस स्टेशन गाठून याबाबत माहिती देऊन कायदेशीर फिर्याद दिली. धर्मेंद्र उर्फ संजीव राजीव यादव यास जीवे ठार मारणारा संदीप रामनरेश यादव याच्या विरुद्ध गुन्हा दाखल करण्यात आला आहे. घटनेचा तपास मोहोळ पोलीस करत आहेत.
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, डेलिहंट, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)
》 लॉजवर बीअर पाजून मुलीवर अत्याचार; फोटो व्हायरल करण्याची धमकी
सोलापूर : सतरा वर्षीय अल्पवयीन मुलीशी ओळख वाढवून तिच्याशी प्रेमाचे नाटक करत तिला लॉजवर नेऊन जबरदस्तीने बिअर पाजून एका तरुणाने अत्याचार केला. त्यानंतर अत्याचारावेळीचे व्हिडीओ व्हायरल करण्याची धमकी देत तिच्याकडून २ लाख रुपये घेतल्याप्रकरणी ओंकार बाळासाहेब मोरे (वय २३, रा. सोलापूर) याच्यावर बाललैंगिक अपराधापासून संरक्षण कायद्यांतर्गत गुन्हा दाखल झाला आहे. याबाबत पीडितेने फिर्याद दिली आहे.
पीडितेशी आरोपीची मागच्या वर्षी ओळख झाली होती. त्या ओळखून आरोपीने पीडितेसोबत प्रेमाचे नाटक करत तिला नोव्हेंबर २०२२ मध्ये प्रथम लॉजवर नेत तिला बीअर पाजून ती शुद्धीत नसताना तिच्यावर अत्याचार केला. त्यावेळीचे तिचे फोटो काढून व्हायरल करण्याची धमकी देत माझे कर्ज फेडण्यासाठी पैसे दे म्हणत धमकी दिली. तसेच पीडितेने पैसे दिल्यानंतरही आरोपीने तिच्याशी जबरदस्तीने अत्याचार केला. पीडितेने आपल्या आजीचे एटीएम कार्ड व पासवर्ड ही आरोपी ओंकार मोरे याला दिले.
आरोपी हा त्या एटीएम कार्डद्वारे पैसे काढून घेत होता. थोड्या दिवसांनी पीडितेने याबाबतची माहिती कुटुंबियांस कळवल्यानंतर ही घटना उघडकीस आली. दरम्यान, आरोपीने पीडितेकडून २ लाख रुपये घेत अत्याचारातील फोटो व्हायरल करण्याची धमकी देत वारंवार अत्याचार केला असल्याची फिर्याद दिली आहे.
