मुंबई : फिल्म दिग्दर्शक अनुराग कश्यप, विकास बहल आणि अभिनेत्री तापसी पन्नू यांच्या घरावर आज धाड टाकण्यात आली आहे. या सर्वांच्या मुंबईतल्या घरावर ही कारवाई करण्यात आली आहे. फँटम फिल्म्स संदर्भात चौकशी केली जात आहे. मोठ्या प्रमाणात यांच्याकडून आयकर चोरी करण्यात आली, अशी शंका अधिकाऱ्यांना आहे. दरम्यान या प्रकरणात आणखी काही कलाकारांचे नाव समोर येऊ शकते.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
प्राप्तिकर विभागाच्या रडारवर आता बॉलिवूडकर असल्याचं पाहायला मिळतं आहे. इन्कम टॅक्स विभागाने बॉलिवूडमधील काही महत्त्वाच्या कलाकार आणि दिग्दर्शकांवर धाड टाकल्याची माहिती समोर येते आहे. सूत्रांच्या माहितीनुसार तापसी पन्नू, अनुराग कश्यप, विकास बहल यांच्या विविध ठिकाणांवर प्राप्तिकर विभागाने छापा टाकला आहे. मुंबईतील विविध ठिकाणांवर इन्कम टॅक्स विभागाने धाड टाकल्याची माहिती समोर आली आहे. फँटम फिल्म्स संबंधित ही छापेमारी करण्यात आली आहे.
मुंबईसह पुण्यातही या कलाकारांची मालकीच्या असणाऱ्या ठिकाणांवर छापेमारी करण्यात आली आहे. एकूण 22 ठिकाणी प्राप्तिकर विभागाने छापा टाकला आहे.