मुंबई : उपमुख्यमंत्री अजित पवार आणि त्यांचे सुपुत्र पार्थ पवार यांनी पंतप्रधान नरेंद्र मोदी यांना वाढदिवसाच्या शुभेच्छा दिल्या आहेत. ट्विटरच्या माध्यमातून अजित पवार आणि पार्थ पवारांनी मोदींना सदिच्छा दिल्या.
“आपले पंतप्रधान आदरणीय नरेंद्र मोदीजी यांना वाढदिवसाच्या हार्दिक शुभेच्छा! आपल्या राष्ट्राची सेवा करण्यासाठी त्यांना उत्तम आरोग्य आणि उच्च आकांक्षा लाभोत.” अशा शुभेच्छा पार्थ पवार यांनी दिल्या आहेत.
तुमच्या हक्काचे ‘सुराज्य डिजिटल’ फेसबुक पेज, ट्विटर, शेअरचॅट आणि ‘टेलिग्राम’वरही उपलब्ध
महाराष्ट्राला तसंच समस्त देशवासियांना न्याय देण्याचं काम आपल्याकडून सदैव होईल, अशी अपेक्षा अजित पवार यांनी वाढदिवसाच्या शुभेच्छा देताना व्यक्त केली आहे. पंतप्रधान म्हणून आपल्या नेतृत्वाखाली भारत देश पुन्हा एकदा कोरोनासह आर्थिक, सामाजिक संकटांवर यशस्वीपणे मात करुन विकासाच्या मार्गावर दमदारपणे वाटचाल करील. असा विश्वासही उपमुख्यमंत्री अजित पवार यांनी पंतप्रधानांना शुभेच्छा देतांना व्यक्त केला आहे.
महाराष्ट्रातील जनतेच्याही पंतप्रधान म्हणून आपल्याकडून मोठ्या अपेक्षा आहेत. या अपेक्षांची पूर्तता होईल. महाराष्ट्राला तसेच समस्त देशवासियांना न्याय देण्याचं काम आपल्याकडून होईल, अशी अपेक्षाही उपमुख्यमंत्र्यांनी त्यांच्या शुभेच्छा संदेशात व्यक्त केली आहे.
राष्ट्रवादीचे प्रवक्ते आणि अल्पसंख्याक विकास मंत्री नवाब मलिक यांनीही पंतप्रधानांना वाढदिवसाच्या शुभेच्छा दिल्या. खासदार सुप्रिया सुळे यांनीही शुभेच्छा दिल्या आहेत. काँग्रेस नेते राहुल गांधी यांनीही ट्विटरवरुन शुभेच्छा दिल्या आहेत.
