पॉईंटमन मयुर शेळकेने वाचवला चिमुकल्याचा जीव, होतोय कौतुकाचा वर्षाव, पहा व्हिडिओ

मुंबई : एक मुलगा आपल्या आईसोबत प्लॅटफॉर्मवर चालत होता. पण चालत असताना त्या लहानग्याचा तोल गेला आणि तो मुलगा ट्रॅकवर पडला. त्या मुलाची अंध आई चाचपडत होती. त्याच वेळेला एक मेल-एक्सप्रेस त्या मुलाच्या दिशेने आली, त्यावेळी जीवाची पर्वा न करता मयुर शेळके याने रुळावर पडलेल्या साहिल शिरसाट या चिमुकल्याचा जीव वाचवला होता.

#WATCH | Maharashtra: Railway staff at Central Railway office clap for pointsman Mayur Shelkhe, who saved the life of a child who lost his balance while walking at platform 2 of Vangani railway station & fell on railway tracks, on 17th April. Shelkhe was also felicitated. (19.04) pic.twitter.com/6L8l3VmLlQ

— ANI (@ANI) April 20, 2021

या घटनेनंतर काही तासातच या घटनेचा व्हिडियो सोशल मीडियावर तुफान व्हायरल झाला. वांगणी रेल्वे स्थानकात झालेल्या या घटनेच्या व्हिडियोची दखल रेल्वे मंत्र्यांपासून मुख्यमंत्र्यांपर्यंत सर्वानी घेत मयूर शेळकेचे कौतुक केले तसेच त्याला रेल्वेकडून त्याला पन्नास हजार रुपयांचं विशेष बक्षीस जाहीर करण्यात आलं.

तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध

लवकरच ही रक्कम त्याला मिळणार आहे. मात्र त्यापूर्वीच त्याने बक्षिसाची अर्धी रक्कम अंध मातेला देण्याचा स्तुत्य निर्णय घेतला. याशिवाय जावा कंपनीनेही मयुर शेळकेला बाईक भेट देण्याची घोषणा केली आहे. तसे ती बाईक भेटही देण्यात आली. बक्षिसाची अर्धी रक्कम अंध मातेला देण्याचा स्तुत्य निर्णय घेतल्यामुळे पुन्हा एकदा मयूर शेळकेच्या या निर्णयाचे सोशल मीडियावर कौतुक होत आहे. शौर्य गाजवून मनं जिंकणारा मयुर आपल्या ठायी असलेल्या दातृत्व गुणाचंही दर्शन घडवत आहे.

रेल्वेने दिलेल्या बक्षिसाची अर्धी रक्कम मयुर देणार त्या अंध मातेला – रायगड वांगणी रेल्वे स्थानकात स्वत:च्या जीवाची बाजी लावत एका लहान मुलाचा जीव वाचवणाऱ्या जिगरबाज मयुर शेळकेचं सर्वत्र कौतुक होत आहे. मयुरला रेल्वेकडून या 50 हजार रुपयांचे बक्षीस देण्यात आले होते. या बक्षिसाची अर्धी रक्कम 25 हजार रुपये अंध माता संगीता शिरसाट यांना देण्याचा निर्णय घेतला आहे. त्यासाठी त्याच्या शौर्यासह माणुसकीचेही कौतुक होत आहे.

Mayur Shelke didn’t have a costume or cape, but he showed more courage than the bravest movie SuperHero. All of us at the Jawa family salute him. In difficult times, Mayur has shown us that we just have to look around us for everyday people who show us the way to a better world.. https://t.co/O66sPv0A3k

— anand mahindra (@anandmahindra) April 20, 2021

मयूर शेळके यांचा रेल्वे विभागाकडून सन्मान करण्यात आला आहे. तसेच, 50 हजार रुपयांचे बक्षीसही त्यांना रेल्वे मंत्रालयाने जाहीर केले आहे. मुख्यमंत्री उद्धव ठाकरे यांनीही मयूरच्या धाडसाचे कौतुक करत, आपण केलेलं काम अतुलनीय असल्याचं म्हटलंय. उद्योगपती आनंद महिंद्रा यांनीही ट्विट करुन मयूर शेळकेंचं कौतुक केलंय. तर, जावा मोटारसायकलचे डायरेक्टर अनुपम थरेजा यांनी मयूरला नवी कोरी जावा मोटारबाईक गिफ्ट देणार असल्याचं ट्विटरवरुन जाहीर केलंय.

I'll give half of the amount, given to me as token of appreciation, for that child's welfare & education. I came to know that his family isn't financially strong. So I decided this: Mayur Shelkhe, pointsman who saved a child who fell on tracks at Vangani railway station on 17.04 pic.twitter.com/IWdacY0DFf

— ANI (@ANI) April 22, 2021

महिंद्रा ग्रुपचे प्रमुख आनंद महिंद्र यांनीही मयूर शेळकेंच कौतुक केलंय. मयूर यांच्याजवळ खास ड्रेसकोट किंवा टोपी नाही, तरीही मयूर यांनी सुपरहिरोच्या तुलनेत अधिक धाडसी काम केलंय, असे आनंद महिंद्रा यांनी म्हटलंय.

वीज दरवाढीचा झटका, जास्त पैसे मोजावे लागणार https://t.co/Kqylq1VhLl

— Surajya Digital (@SurajyaDigital) April 22, 2021

* मयुरला मुंबईला येण्याचे निमंत्रण

पॉईंटमन मयूर शेळके याचा मुंबईच्या महापौर किशोरी पेडणेकर या लवकरच सत्कार करणार आहेत. मयूर शेळके याच्या या धाडसी कृतीबाबत महापौर पेडणेकर यांना माहिती मिळाली होती. त्यानुसार त्या त्याचे अभिनंदन करणार होत्या. मात्र त्याचा मोबाईल नंबर त्यांच्याजवळ नव्हता. परंतु सोमवारी रात्री १२ नंतर महापौरांना मयूरचा मोबाईल नंबर उपलब्ध झाला. त्यांनी तात्काळ मयूरला फोन करून त्याला आपली ओळख दिली व त्याचे अभिनंदन केले. त्यामुळे मयूरला एक सुखद धक्काचं बसला असावा.

रात्र जास्त झाल्याने महापौर व मयूर यांना अधिक संभाषण करता आले नाही. मात्र महापौरांकडे याबाबत विचारणा केली असता, आपण त्याच्या या जिगरबाज कृती बद्दल त्याचा सत्कार करणार असून त्याला मी मुंबईत महापौर बंगल्यावर येण्याबाबत निमंत्रण दिल्याचे महापौर किशोरी पेडणेकर यांनी माध्यमाशी बोलताना सांगितले.