मुंबई : प्रसिद्ध बॉलिवूड अभिनेत्री यामी गौतम हिच्या अडचणी वाढल्या आहेत. यामीला ईडीने मोठा दणका दिला आहे. विदेशी चलन व्यवस्थापन अधिनियम कायद्याअंतर्गत हे समन्स बजावण्यात आले आहे. याच अंतर्गत तिची चौकशी केली जाणार आहे. यामीने काहीतरी आर्थिक गैरव्यवहार केल्याचा संशय ईडीला आहे. यावेळी जर ती चौकशीसाठी हजर राहिली नाही तर तिला अटकही केली जाऊ शकते अशी शक्यता वर्तवण्यात येत आहे.
सध्या सोशल मीडियावर वेगाने व्हायरल होणारी अभिनेत्री म्हणजे यामी गौतम. यामीने आताच काही दिवसांपूर्वी लग्न केले आहे. त्यामुळे सोशल मीडियावर तिच्या लग्नाच्या फोटोंचा धुमाकूळ चालला आहे. या बातम्यांमधून ती बाहेर पडते न पडते, तर ती पुन्हा एकदा चर्चेत आली आहे. आता यामी बाबत अशी बातमी समोर आली आहे की, ईडीने यामीला चौकशीसाठी बोलावले आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
या प्रकरणावर सूत्रांचे असे म्हणणे आहे की, विदेशी चलनाचे काही व्यवहार यामी गौतमच्या बँक खात्याशी जोडले आहे. त्यामुळे प्राथमिक चौकशीनंतर आता ईडीने यामीला ७ जुलैला चौकशीसाठी हजर राहण्यास सांगितले आहे. त्यावर साक्ष देण्यासाठी तिला बोलावले आहे.
यामीने मागील महिन्यात ‘उरी’ दिग्दर्शक आदित्य धरसोबत लग्न केले आहे. त्यामुळे ती खूपच चर्चेत आली होती. तिने कोणालाही पूर्व कल्पना न देता हे लग्न केले होते.
यामीच्या कामाबद्दल बोलायचे झाल्यास, ती अभिषेक बच्चन सोबत ‘दसवी’ या चित्रपटात दिसणार आहे. यामीने तिच्या करीअरची सुरुवात २०१२ साली रोमँटिक कॉमेडी चित्रपट ‘विकी डोनर’ मधून केली आहे. यानंतर तिने ‘उरी’, ‘काबिल’, ‘सनम रे’, ‘गिनी वेड्स सनी’, ‘बदलापूर’ आणि ‘बाला’ यासारख्या चित्रपटात काम केले आहे.
