मुंबई : भाजपचे प्रदेशाध्यक्ष चंद्रकांत पाटील यांनी मोठे वक्तव्य केले आहे. ते म्हणाले की, उद्धव ठाकरे आजारपणामुळे मुख्यमंत्रीपद सोडू शकतात. ते त्यांची पत्नी रश्मी ठाकरे किंवा मुलगा आदित्य ठाकरे यांना मुख्यमंत्री बनवू शकतात. मुख्यमंत्री 45 दिवसांहून अधिक दिवसांपासून बेपत्ता आहेत. अशा स्थितीत त्यांनी आपल्या पदाचा कार्यभार दुसऱ्या कोणाकडे सोपवावा, असेही पाटील यांनी म्हटले आहे.
भाजपचे महाराष्ट्र अध्यक्ष चंद्रकांत पाटील यांनी मोठे विधान केले आहे. उद्धव ठाकरे यांनी आजारपणामुळे मुख्यमंत्रीपद सोडले तर ते पत्नी रश्मी किंवा मुलगा आदित्य ठाकरे यांना मुख्यमंत्री करू शकतात, असं त्यांनी विधान केले आहे. चंद्रकांत पाटील म्हणाले की, प्रकृती अस्वास्थ्यामुळे मुख्यमंत्री गेल्या काही दिवसांपासून कारभार सांभाळत नाही आहेत. अशा स्थितीत त्यांनी आपल्या पदाचा कार्यभार दुसऱ्या कोणाकडे सोपवावा.
प्रकृती अस्वास्थ्यामुळे उद्धव ठाकरे यांनी आपला कार्यभार दुस-याकडे द्यावा, असा आग्रह धरू नये, असे भाजप प्रदेशाध्यक्ष म्हणाले. ते म्हणाले की, मुख्यमंत्र्याशिवाय राज्य प्रशासन चालू शकत नाही, प्रत्येक कामासाठी मुख्यमंत्र्यांची गरज असते. अशा परिस्थितीत हे पदभार कोणी दुसऱ्याने घ्यावे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
पाटील म्हणाले की, आदित्य ठाकरे यांना मुख्यमंत्री करणे हाच उत्तम पर्याय आहे. राष्ट्रवादीवर विश्वास नसेल, तर आदित्य ठाकरे यांच्याकडे मुख्यमंत्रिपद द्यावे, असे आम्हाला वाटते. इकडे उद्धव ठाकरेंच्या जागी रश्मी ठाकरे किंवा आदित्य ठाकरे यांना मुख्यमंत्री करण्याच्या चंद्रकांत पाटील यांच्या वक्तव्यावर नाराजी व्यक्त होत आहे.
* रामदास आठवले यावर म्हणाले
राष्ट्रवादीच्या खासदार फौजिया खान यांनी चंद्रकांत पाटील यांनी त्यांच्या मर्यादेत राहावे, त्या म्हणाल्या की कोण मुख्यमंत्री होणार आणि कोण नाही हे ते कसे ठरवू शकतात.
तर चंद्रकांत पाटील यांच्या वक्तव्यावर केंद्रीय मंत्री रामदास आठवले यांनी हे प्रकरण पुढे नेत उद्धवजींची तब्येत ठीक नसेल आणि दुसऱ्या कोणाला मुख्यमंत्री करायचे असेल तर देवेंद्र फडणवीस यांना करा, असेही म्हटले आहे. भाजप आणि शिवसेनेचा अडीच वर्षांचा फॉर्म्युला येथे ते एकत्ररित्या येऊ शकतात.
* बहुतेक मुलावरही विश्वास नसावा
मुख्यमंत्री आजारी असल्याने गैरहजर असणे साहजिक आहे. मात्र, मुख्यमंत्री पदभार हा दुसऱ्याकडे द्यावा लागतो आणि त्यासाठी एक प्रक्रिया असते. अन्य दोन पक्षांवर अविश्वास असेल हे स्वाभाविक आहे, कारण पदभार घेतला तर सोडणार नाहीत.
पण त्यांच्या पक्षातील कोणावर विश्वास नसेल तर त्यांनी आदित्य ठाकरे यांच्याकडे पदभार दिला पाहिजे. मात्र, त्यांनी असंही केलेले नाही. त्यांचा बहुतेक मुलावरही विश्वास नसावा, असा टोला लगावला. गेल्या काही दिवसांपासून आजारी असलेले मुख्यमंत्री उद्धव ठाकरे हिवाळी अधिवेशनामध्ये उपस्थित राहणार का, याबाबत राजकीय वर्तुळातून तर्कवितर्क लढवले जात आहे.
दरम्यान, यासंदर्भात पर्यावरण आदित्य ठाकरे यांना विचारले असता त्यांनी मुख्यमंत्री उद्धव ठाकरे यांची प्रकृती उत्तम आहे. ते विधिमंडळाच्या अधिवेशनाला उपस्थित राहतील. मुख्यमंत्र्यांना योग्य वाटेल तेव्हा ते विधिमंडळाच्या कामकाजात सहभागी होतील, अशी माहिती त्यांनी दिली.
