जयंती, सण, उत्सव, निवडणूक पाहता तिघांना सोलापूर शहर – जिल्ह्यातून केले तडीपार

सोलापूर : विविध प्रकारचे गंभीर स्वरूपाचे गुन्हे दाखल असणाऱ्या तीन जणांविरुद्ध सोलापूर शहर जिल्ह्यातून दोन वर्षांकरिता तडीपारीची कारवाई करण्यात आली आहे. In view of birth anniversary, festival, festival, election, the three were sent from Solapur city – district

आगामी काळात विविध जाती धर्माचे सण उत्सव जयंती मिरवणुका व महापालिका निवडणुकीच्या दरम्यान सोलापूर शहरात कोणत्याही प्रकारचा अनुचित प्रकार घडू नये म्हणून तसेच कायदा व सुव्यवस्था अबाधित राहण्याच्या अनुषंगाने सोलापूर पोलीस आयुक्तालय अंतर्गत विजापूर नाका पोलीस स्टेशन व इतर पोलीस स्टेशनच्या हद्दीतील गुन्हे करणारे सराईत गुन्हेगार सचिन लक्ष्मण तळभंडारे (वय-४२,रा.भैरू वस्ती), तसेच त्यांच्या टोळीतील सदस्य श्रीकांत विकास तळभंडारे व संदीप विकास तळभंडारे यांना सोलापूर शहर जिल्हा तसेच उस्मानाबाद व पुणे जिल्ह्यातील इंदापूर तालुक्यातून दोन वर्षांकरिता तडीपार करण्यात आले आहे.

नागरिकांना शिवीगाळ करणे, दमदाटी करून मारहाण करणे, सार्वजनिक मालमत्तेचे नुकसान करणे, अतिक्रमण करणे,महिला स्लज्जा वाटेल असे कृत्य करणे, अवैध व्यवसाय करणे अशा गंभीर स्वरूपाचे गुन्हे तळभंडारे यांच्याविरुद्ध दाखल आहेत. त्यामुळे या तीन जणांना तडीपार करण्यात आल्याची माहिती विजापूर नाका पोलीस ठाण्याचे वरिष्ठ पोलीस निरीक्षक बाळकृष्ण हानपुडे-पाटील यांनी प्रसिद्धी पत्रकाद्वारे दिली.