विजेच्या तारांचा स्पर्श लागून बसला भीषण आग, सहाजणांचा मृत्यू

जयपूर : जालोर जिल्ह्याजवळ असलेल्या महेशपुरामध्ये बसला आग लाग लागून मोठी दुर्घटना झाली आहे. बसला वीजेचा तारांचा स्पर्श होऊन मोठी आग लागली. यावेळी लागलेल्या आगीत बसमधील सहा जणांचा मृत्यू झाला. तर २० से २५ जण जखमी झाली आहेत. हा अपघात काल शनिवारी रात्री उशिरा झाला.

प्रवाशांनी भरलेल्या दोन बस रस्ता चूकन एका गावात पोहोचल्या. रस्त्यावर विद्युत तार लोबंकळल्याली पाहून चालकाने बस जाग्यावर थांबवली. त्यानंतर कंडक्टरने बसच्या छतावर जाऊन एका काठीच्या सहाय्याने विजेची तार उचलून टाकण्याचा प्रयत्न केला. यावेळी, खांबावरील विद्युत तार कंडक्टरच्या गळ्यात पडली. ज्यामुळे कंडक्टर आणि बसमध्ये विद्यूत प्रवाह पोहोचला. यात कंडक्टर जागीच जळून खाक झाला. अपघाताच्या वेळी बसमध्ये उपस्थित असलेल्या इतर प्रवाशांनाही विद्युत धक्का लागला. त्यामुळे बसला आग लागली. या आगीत दोन बसपैकी एक बस जळून खाक झाली.

जैन यात्रेकरू असलेली बस रस्ता चुकून महेशपुरा गावात पोहोचली. या गावातून परत निघत असताना बसचा वीजेच्या तारांशी संपर्क आला. या बसला आग लागल्याची माहिती देताच स्थानिकांनी दिल्यानंतर १०८ रुग्णवाहिकेतून प्रवाशांना सरकारी रुग्णालयात दाखल करण्यात आले. तर स्थानिक सरकारी अधिकारीही घटनास्थळी पोहोचले आहेत.

तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध

पोलिसांच्या माहितीनुसार यात्रेकरू दोन बसमधून जात होता. वाहन चालक रस्ता चुकल्याने बस ही यात्रेकरूंना घेऊन महेशपुरा गावामध्ये पोहोचली.

मात्र, जेव्हा रस्ता चुकल्याचे चालकाला कळाले, तेव्हा त्याने वाहन मुख्य मार्गावर नेण्यास सुरुवात केली. तेव्हा बसच्या कंडक्टरने वीजेच्या तारा कमी उंचीवर असल्याचे पाहिले. काही कळायच्या आत बसमध्ये विद्युतप्रवाह उतरला आणि बसला आग लागली. या आगीतच सहा जणांचा मृत्यू झाला.

ही घटना समजताच पोलिस आणि प्रशासनाचे पथक घटनास्थळी दाखल झाले. या घटनेत मृत पावलेल्या प्रवाशांचे मृतदेह बसमधून बाहेर काढण्यात आले. पोलिस प्रशासनाने बस कंडक्टर आणि चालकाच्या मृत्यूची पुष्टी केली आहे. तसेच इतर जखमींना गावकऱ्यांच्या मदतीने रुग्णालयात दाखल करण्यात आले आहे.