Sunday, February 5, 2023
Surajya Digital
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर
  • ब्लॉग
  • अर्थाअर्थ
  • शिवार
  • Techनिक
No Result
View All Result
Surajya Digital
No Result
View All Result

आरक्षण नसल्याने ओसीबींच्या ३१ जागा कमी होणार; चेतन नरोटे, तौफिक शेख खुल्याप्रवर्गातून लढणार

Lack of reservation will reduce 31 OCB seats; Chetan Narote, Tawfiq Sheikh will fight in the open category

Surajya Digital by Surajya Digital
May 9, 2022
in Hot News, राजकारण, सोलापूर
0
आरक्षण नसल्याने ओसीबींच्या ३१ जागा कमी होणार; चेतन नरोटे, तौफिक शेख खुल्याप्रवर्गातून लढणार
0
SHARES
300
VIEWS
Share on FacebookShare on Twitter

 

सोलापूर : महापालिका निवडणूक प्रक्रिया १० मार्च २०२२ रोजी असलेल्या टप्प्यापासून सुरू करावी, असा आदेश न्यायालयाने दिल्याने आणि ओबीसी आरक्षणाशिवाय निवडणूक होणार असल्याने खुल्या जागांची संख्या वाढणार आहे. तूर्तास तरी तीन सदस्यीय प्रभाग रचना कायम राहणार आहे. परिणामी मनपाच्या ११३ जागांपैकी ओसीबींच्या ३१ जागा वगळण्यात येणार आहे. त्यामुळे खुल्या जागा ९१ जागा होणार आहे ही स्थिती सध्या तरी प्रस्थापित व राजकीय वजनदार असलेल्या इच्छुकांसाठी सुखावणारीच आहे. Lack of reservation will reduce 31 OCB seats; Chetan Narote, Tawfiq Sheikh will fight in the open category

स्थानिक स्वराज्य संस्थांच्या निवडणुका या ओबीसी आरक्षणाशिवाय नको यासाठी, राजकीय पक्ष एकवटले होते. मात्र निवडणुकांवरून सत्ताधारी महाविकास आघाडी सरकारला भाजप घेरले होते. अशा परिस्थितीत ओबीसी आरक्षण मिळेपर्यंत निवडणुका पुढे ढकलण्यासाठी राज्य सरकारने नवीन विधेयकाद्वारे कायदा मंजूर केला आणि राज्य निवडणूक आयोगाचे अधिकार स्वतः कडे घेतले. तसेच निवडणूक आयोगाच्या आदेशाने यापूर्वी झालेली बहुसदस्यी प्रभाग रचना रद्द करण्यात आली होती.

दरम्यान, सरकारच्या उपरोक्त निर्णयाला सर्वोच्च न्यायालयात आव्हान देण्यात आले होते. या याचिकेच्या सुनावणीदरम्यान न्यायालयाने एक आदेश जारी केला होता. दोन आठवड्यात निवडणुकीचा कार्यक्रम जाहीर होणार असून त्यानंतरच पुढील चित्र स्पष्ट होणार आहे.

 

□ यन्नम, नरोटे, शेख, हुच्चे आता खुल्याप्रवर्गातून

माजी महापौर श्रीकांचना यन्नम, चेतन नरोटे, तौफीक शेख, अविनाश बोमड्याल, श्रीनिवास करली, मेनका राठोड, अश्विनी चव्हाण, विजयालक्ष्मी गड्डम, कुमुद अंकाराम, विठ्ठल पोसा, मनीषा हुच्चे, अमर पुदाले, रविशंकर कय्यावाले, जुगनुबाई आंबेवाले, गणेश पुजारी, अनिता कोंडी, शशिकला बत्तुल, सवित्रा गुर्रम, राधिका पोसा यांच्यासह अनेक ओबीसी नगरसेवक आहेत. यातील अनेकजण २०१७ मध्ये खुल्या प्रवर्गातून निवडून आले आहेत. श्रीकांचना यन्नम, चेतन नरोटे, तौफीक शेख, मनीषा हुच्चे यांच्यासह काही ओबीसी प्रवर्गातून निवडून आले होते, आता आरक्षण नसल्याने त्यांना खुल्या प्रवर्गातून उभे रहावे लागणार आहे.

 

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…

 

□ प्रतीक्षा प्रभाग रचनेवर शिक्कामोर्तब होण्याची

मनपा निवडणूक तीन सदस्यीय प्रभाग रचनेनुसार घ्यावी, असा निर्णय राज्य सरकारकडून घेण्यात आला होता. प्रभाग रचना करण्याचे काम निवडणूक आयोगाच्या आदेशाने केले होते. आयोगाच्या सूचनेनुसार त्यावर हरकती व सूचना मागवून सुनावणीचीही प्रक्रियाही पार पडली. प्रभाग रचनेचा अहवाल शासनाकडे सादर करण्यात आला. मात्र, अंतिम सुनावणीनंतरचा निकालच घोषित झाला नाही. अशातच नवे विधेयक मंजूर झाल्याने ही रचनाही रद्द करण्यात आली होती. त्यामुळे आता अंतिम प्रभाग रचनेवर केव्हा शिक्कामोर्तब होते, याकडे इच्छुकांचे लक्ष लागले आहे.

□ एक नजर आकडेवारीवर

मार्च २०२२ ची स्थिती कायम राहिल्यास तीन सदस्यीय प्रभाग रचना अंतिम होईल. यात एकूण सदस्य संख्या ११३ राहील. त्यानुसार एसटी ३, तर एससीसाठी १९ जागा तर ९१ जागा खुल्या प्रवर्गासाठी राहणार आहेत. ओबीसी आरक्षण असते तर ३१ जागा राखीव ठेवणे क्रमप्राप्त झाले असते. मात्र तसे झालेले नाही.

 

Tags: #Lack #reservation #solapur #reduce #OCB #seats #ChetanNarote #TawfiqSheikh #fight #open #category#सोलापूर #आरक्षण #ओसीबी #जागा #चेतननरोटे #तौफिकशेख #खुला #प्रवर्ग
Previous Post

Solapur – latur ‘जकाती’तून जुळलेल्या ऋणानुबंधाच्या ‘गाठी’ आजही घट्ट !

Next Post

Barshi political शरद पवारांच्या सभेत विश्वास बारबोलेंचा होणार राष्ट्रवादीत प्रवेश

Surajya Digital

Surajya Digital

Next Post
Barshi political  शरद पवारांच्या सभेत विश्वास बारबोलेंचा होणार राष्ट्रवादीत प्रवेश

Barshi political शरद पवारांच्या सभेत विश्वास बारबोलेंचा होणार राष्ट्रवादीत प्रवेश

वार्ता संग्रह

May 2022
M T W T F S S
 1
2345678
9101112131415
16171819202122
23242526272829
3031  
« Apr   Jun »

ट्विटर पेज

Currently Playing

About Us

SurajyaDigital
सुराज्य डिजिटल हा ब्रँड जगाच्या काना-कोपऱ्यातील सर्वंकष माहितीचा अचूक खजिना आपल्यापर्यंत पोहोंचविण्याचे काम करतोय. टाईम मीडिया हाऊसचा हा ब्रँड अल्पावधीतच मराठी वाचकांचा अत्यंत विश्वासार्ह ब्रँड बनला आहे.जगभरातील घटनांचा वेगवान आढावा घेत त्यावर भाष्य करण्याबरोबरच वाचकांच्या आवडीचे विषय, करमणूक यासारखे दृक्श्राव्य व्यासपीठ उपलब्ध करून देण्यासाठी सुराज्य डिजिटल कटीबद्ध आहे. अधिक माहितीसाठी संपर्क करा timemediahouse@gmail.com timemarathi@gmail.com
  • Home
  • About Us
  • Contact Us
  • Disclaimer
  • Privacy Policy

© 2021 Surajya Digital All Rights Reserved Website Design & Developed By Digi Buffalo 9028927697

No Result
View All Result
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर

© 2021 Surajya Digital All Rights Reserved Website Design & Developed By Digi Buffalo 9028927697