Saturday, January 28, 2023
Surajya Digital
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर
  • ब्लॉग
  • अर्थाअर्थ
  • शिवार
  • Techनिक
No Result
View All Result
Surajya Digital
No Result
View All Result

राज्याला अखेर कारभारी मिळाले; पुरुषप्रधान मंत्रिमंडळ, महिलेला स्थान नाही

The kingdom finally got a steward; Male dominated cabinet, no place for women Shinde Fadnavis

Surajya Digital by Surajya Digital
August 9, 2022
in Hot News, महाराष्ट्र, राजकारण
0
राज्याला अखेर कारभारी मिळाले; पुरुषप्रधान मंत्रिमंडळ, महिलेला स्थान नाही
0
SHARES
196
VIEWS
Share on FacebookShare on Twitter

 

मुंबई : मुख्यमंत्री उपमुख्यमंत्र्यांनी शपथ घेऊनही 39 दिवस उलटून मंत्रिमंडळाचा पत्ता नव्हता. अखेर राज्याला आता कारभारी मिळाले आहेत. आजच्या मंत्रिमंडळ विस्तारात सर्व 18 आमदारांनी कॅबिनेट मंत्रिपदाची शपथ घेतली.विशेष म्हणजे या मंत्रिमंडळात एकाही महिला नेत्याचा समावेश नाही. ‘पुरुषप्रधान मंत्रिमंडळ’ असा उल्लेख शिंदे-फडणवीस सरकारच्या मंत्रिमंडळाचा उल्लेख केला जात आहे. The kingdom finally got a steward; Male dominated cabinet, no place for women Shinde Fadnavis

 

शिंदे-फडणवीसांनी शपथ घेऊन 39 दिवस उलटून गेले आहेत. या दिवसांमध्ये राज्यात पावसानं धुमाकूळ घातला. शेतकऱ्यांचं अतोनात नुकसान झालं. दोघांचंच मंत्रिमंडळ असल्यानं शिंदे आणि फडणवीसांनी काही ठिकाणी दौरे देखील केले. मात्र जिल्ह्यांना पालकमंत्री नसल्यानं आणि मंत्रिमंडळ नसल्यानं म्हणावं तसं लक्ष दिलं गेलं नाही, असं म्हणत विरोधकांसह सामान्य जनता देखील सरकारवर टीका करु लागली होती.

जवळपास 40 दिवसांपासून रखडलेला मंत्रिमंडळ विस्तार आज (9 ऑगस्ट) पार पडला. आज 11 वाजता राजभवनातील दरबार हॉलमध्ये एकूण 18 आमदारांनी मंत्रिपदाची शपथ घेतली. यामध्ये शिंदे गटाचे नऊ तर भाजपकडून नऊ जणांचा शपथविधी पार पडला. या सर्व आमदारांनी कॅबिनेट मंत्रिपदाची शपथ घेतली. मुख्यमंत्री शिंदे आणि उपमुख्यमंत्री फडणवीस यांच्यासह एकूण 18 जणांचे हे मंत्रिमंडळ असणार आहे.

 

 

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)

काय झाडी, काय डोंगर, काय हाटेल, एकदम ओक्केच… या डायलॉगमुळे शहाजी बापू प्रसिद्धीच्या झोतात आले होते. सह्याद्री अतिथीगृहावर जाताना शहाजी बापूंना मंत्रिपदाबाबत विचारण्यात आले. यावेळी त्यांनी आमदारांना गुवाहाटीची आठवण करून दिली.

एकनाथ शिंदे शिवसेनेच्या जुन्या नेत्यांना मंत्रिपदे देतायत, हे चांगले आहे. गुवाहाटीला जेव्हा आम्ही गेलो होतो, तेव्हा एकनाथ शिंदे जो निर्णय घेतील तो आम्हाला मान्य असेल असा शब्द त्यांना आम्ही सर्व आमदारांनी दिला होता. तसे अधिकार त्यांना दिले होते. यामुळे मंत्रिपद वाटपाचा अधिकारही त्यांना आहे. शिंदे जो निर्णय घेतील, ज्याला मंत्रिपद देतील ते आम्हाला मान्य असल्याचे शहाजी बापू पाटलांनी सांगितले.

शिंदे गटातून काही नावे ठरत नसल्याने सह्याद्री अतिथीगृहावर शिंदे समर्थक आमदारांची बैठक झाली. असे असताना अपक्ष आमदार बच्चू कडूंनी मंत्रिपद घेणारच असे वक्तव्य केल्याने मोठी खळबळ उडाली आहे.
मित्रपक्ष आणि अपक्षांशिवाय हे सरकार राहू शकत नाही, असा इशारा बच्चू कडू यांनी दिला आहे. ‘मुख्यमंत्री आणि उपमुख्यमंत्री यांना भेटणार, येत्या काळात आपण गरीब, दिव्यांगांच्या कल्याणासाठी प्रयत्नशील राहणार, त्यामुळे आपल्याला मंत्रीपद भेटेल असे बच्चू कडू यांनी म्हटले आहे. मात्र आतापर्यंत बच्चू कडू यांच्या नावाची चर्चा नसल्याने त्यांना या मंत्रीमंडळ विस्तारातून डच्चू दिला असल्याची माहिती आहे.

 

भाजपकडून पहिली शपथ काँग्रेसमधून भाजपवासी झालेले राधाकृष्ण विखे पाटील यांनी घेतली. त्यानंतर सुधीर मुनगंटीवार, चंद्रकांत पाटील, विजयकुमार गावित, गिरीश महाजन, शिंदे गटातील आमदार गुलाबराव पाटील, दादा भुसे, संजय राठोड, सुरेश खाडे, संदीपान भुमरे, उदय सामंत, तानाजी सावंत, रवींद्र चव्हाण, अब्दुल सत्तार, दीपक केसरकर, अतुल सावे, शंभूराज देसाई, मंगलप्रभात लोढा या क्रमाने 18 आमदार शपथबद्ध झाले.

या शपथविधी सोहळ्याला राज्याचे विरोधी पक्षनेते अजित पवार, केंद्रीय रेल्वे राज्यमंत्री रावसाहेब दानवे, केंद्रीय मंत्री रामदास आठवले, केंद्राचे प्रतिनिधी म्हणून भाजपचे राष्ट्रीय महसचिव विनोद तावडे उपस्थित होते.

 

□ मुख्यमंत्री एकनाथ शिंदे यांच्या मंत्रिमंडळातील नुतन मंत्री :

 

– शिंदे गटातील मंत्री

 

गुलाबराव पाटील (कॅबिनेट)
दादा भुसे (कॅबिनेट)
संजय राठोड (कॅबिनेट)
संदीपान भुमरे (कॅबिनेट)
उदय सामंत (कॅबिनेट)
तानाजी सावंत (कॅबिनेट)
अब्दुल सत्तार (कॅबिनेट)
दीपक केसरकर (कॅबिनेट)
शंभूराज देसाई (कॅबिनेट)

– भाजपमधील मंत्री

राधाकृष्ण विखे पाटील (कॅबिनेट)
सुधीर मुनगंटीवार (कॅबिनेट)
चंद्रकांत पाटील (कॅबिनेट)
विजयकुमार गावित (कॅबिनेट)
गिरीश महाजन (कॅबिनेट)
सुरेश खाडे (कॅबिनेट)
रवींद्र चव्हाण (कॅबिनेट)
अतुल सावे (कॅबिनेट)
मंगलप्रभात लोढा (कॅबिनेट)

 

 

Tags: #kingdom #finally #got #steward #Male #dominated #cabinet #noplace #women #Shinde #Fadnavis#राज्य #महाराष्ट्र #अखेर #कारभारी #पुरुषप्रधान #मंत्रिमंडळ #महिला #स्थान #शिंदे #फडणवीस
Previous Post

प्रसिद्ध मराठी अभिनेते प्रदीप पटवर्धन यांचे निधन

Next Post

सोलापूर : तीन वर्षाच्या लेकीसह आईची गळफास घेऊन आत्महत्या, सुदैवाने मुलगा बचावला

Surajya Digital

Surajya Digital

Next Post
सोलापूर : तीन वर्षाच्या लेकीसह आईची गळफास घेऊन आत्महत्या, सुदैवाने मुलगा बचावला

सोलापूर : तीन वर्षाच्या लेकीसह आईची गळफास घेऊन आत्महत्या, सुदैवाने मुलगा बचावला

वार्ता संग्रह

August 2022
M T W T F S S
1234567
891011121314
15161718192021
22232425262728
293031  
« Jul   Sep »

ट्विटर पेज

Currently Playing

About Us

SurajyaDigital
सुराज्य डिजिटल हा ब्रँड जगाच्या काना-कोपऱ्यातील सर्वंकष माहितीचा अचूक खजिना आपल्यापर्यंत पोहोंचविण्याचे काम करतोय. टाईम मीडिया हाऊसचा हा ब्रँड अल्पावधीतच मराठी वाचकांचा अत्यंत विश्वासार्ह ब्रँड बनला आहे.जगभरातील घटनांचा वेगवान आढावा घेत त्यावर भाष्य करण्याबरोबरच वाचकांच्या आवडीचे विषय, करमणूक यासारखे दृक्श्राव्य व्यासपीठ उपलब्ध करून देण्यासाठी सुराज्य डिजिटल कटीबद्ध आहे. अधिक माहितीसाठी संपर्क करा timemediahouse@gmail.com timemarathi@gmail.com
  • Home
  • About Us
  • Contact Us
  • Disclaimer
  • Privacy Policy

© 2021 Surajya Digital All Rights Reserved Website Design & Developed By Digi Buffalo 9028927697

No Result
View All Result
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर

© 2021 Surajya Digital All Rights Reserved Website Design & Developed By Digi Buffalo 9028927697