Tuesday, February 7, 2023
Surajya Digital
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर
  • ब्लॉग
  • अर्थाअर्थ
  • शिवार
  • Techनिक
No Result
View All Result
Surajya Digital
No Result
View All Result

पंढरपूर । राष्ट्रवादी काँग्रेसचा उपाध्यक्ष तडीपार तानाजी शिंदेला अटक

Pandharpur. NCP Vice President Tadipar Tanaji Shinde arrested

Surajya Digital by Surajya Digital
September 13, 2022
in Hot News, गुन्हेगारी, सोलापूर
0
पंढरपूर । राष्ट्रवादी काँग्रेसचा उपाध्यक्ष तडीपार तानाजी शिंदेला अटक
0
SHARES
229
VIEWS
Share on FacebookShare on Twitter

 

पंढरपूर – पंढरपूरसह सहा तालुक्यातून हद्दपार असतानाही राष्ट्रवादी कॉंग्रेस पक्षाचा तालुका उपाध्यक्ष तानाजी शिवाजी शिंदे हा तालुक्यात आढळून आल्यामुळे पोलिसांनी त्यास ताब्यात घेवून गुन्हा दाखल केला आहे. Pandharpur. NCP Vice President Tadipar Tanaji Shinde arrested

सदर कारवाई उपविभागीय पोलीस अधिकारी विक्रम कदम यांच्या पथकाने केली. बेकायदेशीर वाळू उपसा व इतर विविध गुन्हे दाखल असल्यामुळे तालुक्यातील आंबे येथील शिंदे टोळीतील अकरा जणांवर मागील आठवड्यात हद्दपारीची कारवाई करण्यात आली होती.

तानाजी शिंदे व त्याच्या साथीदारांना पंढरपूर, मंगळवेढा, सांगोला, माळशिरस, माढा व मोहोळ या तालुक्यातून सहा महिन्यांसाठी हद्दपार केले आहे. मात्र आज मंगळवारी (ता.13) तानाजी शिंदे हा अनवली चौकात असल्याची माहिती उपविभागीय पोलीस अधिकारी कदम यांना मिळाली. त्यानुसार त्यांनी पथक पाठविले असता शिंदे हा अनवली चौकातील चहाच्या टपरी जवळ आढळून आला.

तानाजी शिंदे याच्याकडे चौकशी केली असता तालुक्यात प्रवेश करण्यासाठी कोणतीही परवानगी नसल्याचे आढळून आले. हद्दपारी आदेशाचा भंग केल्या प्रकरणी तानाजी शिंदे याच्यावर गुन्हा दाखल करण्यात आला आहे.

 

□ चिठ्ठी लिहून प्रेमीयुगलांनी गळफास घेऊन केली आत्महत्या

सोलापूर : आमचं प्रेम समाजाला मान्य नाही अशी चिठ्ठी लिहून प्रेमीयुगलांनी गळफास घेऊन आत्महत्या केल्याची घटना उत्तर सोलापूर तालुक्यातील बीबीदारफळ या गावात काल सोमवारी मध्यरात्री १ वाजण्याच्या सुमारास घडली. वाजीद चांद इनामदार (वय २४) व प्रणाली भारत सुतार (वय १७) अशी दोघांची नावे आहेत.

 

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)

बीबीदारफळ येथील गणेश विद्यालयात मागील वर्षीच इयत्ता १२ वी परीक्षेत प्रथम क्रमांक मिळविलेल्या प्रणाली भारत सुतार व विवाहित असलेल्या वाजिद चाँद इनामदार यांनी राहत्या घरात एका दोरीने गळफास घेतला. या घटनेची माहिती आज मंगळवारी सकाळी ७ वाजता सोलापूर तालुका पोलीस ठाण्याला मिळाली. त्यानंतर पोलिसांनी घटनास्थळी धाव घेऊन दोन्ही मृतदेह खाली उतरविले.

त्यानंतर शवविच्छेदनासाठी सोलापुरातील शासकीय रुग्णालयात दाखल केले. दरम्यान,आत्महत्या करण्यापूर्वी दोघांनीही स्वतंत्र दोन चिठ्ठ्या लिहिल्या आहेत. त्या चिठ्ठ्या पोलिसांच्या हाती लागल्या असून आमचं प्रेम समाजाला मान्य नाही, आमच्या आत्महत्येला कोणासही जबाबदार धरू नये, असा मजकूर चिठ्ठीत लिहिल्याचे पोलिसांनी सांगितले.

□ रस्ता ओलांडताना एकाचा मृत्यू ; रिक्षाचालकावर गुन्हा

सोलापूर : रस्ता ओलांडताना रिक्षाने धडक दिल्याने एकाचा मृत्यू झाल्याप्रकरणी फौजदार चावडी पोलीस ठाण्यात रिक्षा चालकाविरुद्ध गुन्हा दाखल करण्यात आला आहे. ही घटना दि.४ एप्रिल रोजी सकाळी दहा वाजण्याच्या सुमारास बाळे ब्रिज जवळ घडली.

 

याप्रकरणी दयानंद बसवराज्य कलशेट्टी (वय-३२,रा. समता नगर,अक्कलकोट) यांनी फौजदार चावडी पोलीस ठाण्यात फिर्याद दाखल केली आहे. त्यांच्या फिर्यादीवरून रिक्षा क्रमांक एम.एच.१३.सीटी.१०५७ या क्रमांकाच्या चालका विरुद्ध गुन्हा दाखल झाला आहे.

फिर्यादी व मित्र तसेच फिर्यादीचा भाऊ शिवानंद बसवराज कलशेट्टी (वय-३५) असे तिघे मिळून गुलाब मिस्तरी यांच्याकडे ऑइल चेंज व सर्विसिंग करण्याकरिता दिलेला आयशर ट्रक आणण्यासाठी जात होते. त्यावेळी पायी रस्ता ओलांडत असताना वरील रिक्षा चालकाने निष्काळजीपणाने व भरधाव वेगाने रिक्षा चालवून फिर्यादी यांचा भाऊ शिवानंद याला धडक देऊन त्याच्या डोक्यात गंभीर दुखापत झाली.

मयत शिवानंद याला आश्विनी हॉस्पिटल येथे उपचारास दाखल केले असता,तो उपचारादरम्यान मयत झाला आहे. शिवानंद याच्या मृत्यूस कारणीभूत रिक्षाचालक हा ठरल्याचे फिर्यादीत म्हटले आहे. पुढील घटनेचा तपास पोसई भोईटे हे करीत आहेत.

Tags: #Pandharpur #NCP #VicePresident #Tadipar #TanajiShinde #arrested#पंढरपूर #राष्ट्रवादी #काँग्रेस #उपाध्यक्ष #तडीपार #तानाजीशिंदे #अटक
Previous Post

पालखी महामार्गाच्या मोबदल्यासाठी तुंगतमध्ये रास्ता रोको

Next Post

विद्यापीठाच्या सिनेट निवडणुकीतील 93 अर्ज मंजूर, 40 अर्ज नामंजूर

Surajya Digital

Surajya Digital

Next Post
विद्यापीठाच्या सिनेट निवडणुकीतील 93 अर्ज मंजूर, 40 अर्ज नामंजूर

विद्यापीठाच्या सिनेट निवडणुकीतील 93 अर्ज मंजूर, 40 अर्ज नामंजूर

वार्ता संग्रह

September 2022
M T W T F S S
 1234
567891011
12131415161718
19202122232425
2627282930  
« Aug   Oct »

ट्विटर पेज

Currently Playing

About Us

SurajyaDigital
सुराज्य डिजिटल हा ब्रँड जगाच्या काना-कोपऱ्यातील सर्वंकष माहितीचा अचूक खजिना आपल्यापर्यंत पोहोंचविण्याचे काम करतोय. टाईम मीडिया हाऊसचा हा ब्रँड अल्पावधीतच मराठी वाचकांचा अत्यंत विश्वासार्ह ब्रँड बनला आहे.जगभरातील घटनांचा वेगवान आढावा घेत त्यावर भाष्य करण्याबरोबरच वाचकांच्या आवडीचे विषय, करमणूक यासारखे दृक्श्राव्य व्यासपीठ उपलब्ध करून देण्यासाठी सुराज्य डिजिटल कटीबद्ध आहे. अधिक माहितीसाठी संपर्क करा timemediahouse@gmail.com timemarathi@gmail.com
  • Home
  • About Us
  • Contact Us
  • Disclaimer
  • Privacy Policy

© 2021 Surajya Digital All Rights Reserved Website Design & Developed By Digi Buffalo 9028927697

No Result
View All Result
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर

© 2021 Surajya Digital All Rights Reserved Website Design & Developed By Digi Buffalo 9028927697