Friday, January 27, 2023
Surajya Digital
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर
  • ब्लॉग
  • अर्थाअर्थ
  • शिवार
  • Techनिक
No Result
View All Result
Surajya Digital
No Result
View All Result

अकलूजमधील ‘सिंहां’च्या बारामतीच्या गडाला ढुसण्या

Akluj Pawar Mohite Patil to storm the Baramati stronghold of 'Singhs' in Akluj

Surajya Digital by Surajya Digital
September 27, 2022
in Hot News, राजकारण, सोलापूर
0
अकलूजमधील ‘सिंहां’च्या बारामतीच्या गडाला ढुसण्या
0
SHARES
134
VIEWS
Share on FacebookShare on Twitter

□ ‘टप्प्यात आले की करेक्ट कार्यक्रम’ करण्याचा मोहिते-पाटलांचा इरादा पक्का

□ भाजपची ताकद घेऊन बारामतीकरांच्या मजबूत गडाला धक्के देण्यासाठी फौज सज्ज

□ बारामतीकर काकांची चाणक्य नीती उलटून टाकणार त्यांच्याच प्रांतात

□ भाजपच्या ‘मिशन बारामती’ व्हिजनमध्ये अकलूजचे सिंह

Akluj Pawar Mohite Patil to storm the Baramati stronghold of ‘Singhs’ in Akluj

सोलापूर : ‘टप्प्यात आले की करेक्ट कार्यक्रम करायचा’ ही खुद्द बारामतीकर काका पुतण्याची राजकारणातील चाणक्य नीती. याच चाणक्य नीतीचा भाजपवाले त्यातही पर्यायाने अकलूजचे सिंह खुद्द बारामतीच्या प्रांतात करणार आहेत. भाजपच्यावतीने बारामतीच्या मुलुखात फुलवण्यासाठी मिशन बारामती’ हे व्हिजन राबवण्यात येणार आहे.

 

‘मिशन बारामती’ व्हिजन अंतर्गत भाजपची ताकद घेऊन बारामतीच्या मजबूत गडाला धक्के देण्यासाठी अकलूजच्या सिंहांची फौज सज्ज झालीय. यातून एका दगडात दोन पक्षी मारण्याचा अकलूजच्या सिंहांचा डाव आहे. शरद पवारांसारख्या राष्ट्रीय नेत्याच्या मुलुखात ‘कमळ’ फुलविताना ज्या पक्षात आपण आहोत, त्या पक्षाला मदत करायची, अन् दुसरीकडे ज्या बारामतीकर काका पुतण्याने मध्यंतरीच्या काळात आपणास किंमत मोजायला लावली, त्याच बारामतीकरांच्या मुलखात ‘कमळ’ फुलवण्याच्या आडून पवार परिवाराच्या पॉवरबाज गडाला धक्के देत, टप्प्यात आले म्हणून करेक्ट कार्यक्रम करायचे हेच सिंहांचे राजकारण अन् त्यांनी बारामतीकरांसाठी टाकलेल्या राजकारणाच्या सोंगट्या.

 

केंद्रीय अर्थमंत्री निर्मला सीतारामण ह्या बारामतीत आल्या होत्या. नेमक्या याच वेळी मोहिते-पाटील परिवाराचे प्रमुख आणि ज्येष्ठ नेते विजयसिंह मोहिते पाटील, आमदार रणजितसिंह मोहिते पाटील तसेच धैर्यशील मोहिते-पाटील हे अकलूजचे सिंह या कार्यक्रमासाठी आवर्जून उपस्थित होते. या सिंहांनी येथे खास करून उपस्थिती दाखवून बारामतीकर पवार काका – पुतण्याला जे काही दाखवून द्यायचे, ते दिले. जो काही मॅसेज जायला हवा होता, तो पवारांच्या परिवारात तडकावलादेखील.

 

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)

 

तसेच दिल्लीकर भाजपवाले खूष होतील हे देखील अकलूजकरांनी उपस्थिती दाखवून दिले. महाराष्ट्राच्या राजकारणातदेखील आम्ही ‘वजनदार’ आहोत, खुद्द पवारांच्या बारामती प्रांतात जाऊन आम्हीच त्यांच्या विरोधात डरकाळ्या फोडू शकतो, हे देखील दिल्लीसह राज्याच्या नेतृत्वाला मोहिते पाटील यांनी दाखवून दिले. येत्या काळात भाजपच्यावतीने बारामतीच्या प्रांतात मिशन भाजप हे व्हिजन राबवले जाणार आहे, त्यात देखील मुद्दामहून अकलूजच्या सिंहांचा सहभाग असणार आहे. अकलूजच्या सिंहांना डिवचण्याबरोबरच त्यांच्या नेतृत्वाच्या पाडावासाठी जे काही करता येईल, तितके सगळे सगळे बारामतीकर काका – पुतण्याने केले. याची ‘सल’ आजही सिंहांना चांगलीच बोचते आहे. अकलूजचे सिंह ही सल तशी आयुष्यात पर्यायाने जोपर्यंत राजकारणात आहेत, तोपर्यंत ते विसरू शकणार नाहीत.

 

वास्तविक राष्ट्रवादीचा पर्यायाने पॉवरबाज पवारांचा बारामती हा गड अत्यंत भक्कम आहे, या गडाला अकलूजच्या सिंहांनी भाजपची ताकद पाठीशी घेऊन ढुसण्या द्यायला सुरुवात केली आहे. या ढुसण्यांची तीव्रता भविष्यात मोठी असेल. या ढुसण्यांनी पवारांचा मजबूत गड किती हालेल, परिणाम काय होईल, हे येणाऱ्या काळाला कळेल, पण बारामतीच्या भक्कम गडाला ढुसण्या देण्याची दाखवलेली तयारी आणि त्यादृष्टीने टाकलेली पावले इथेच अकलूजच्या सिंहांचे धाडस आणि विजय आहे, असे मानले जातेय.

 

□ पवार परिवारात उठली चुरचुर

 

बारामती हे आमचे साम्राज्य. इथे मर्जी चालेल, ती फक्त आमचीच. इथले राजे फक्त आम्हीच. इथले परमनंट लोकप्रतिनिधी आम्हीच. असे मानणाऱ्या शरद पवार आणि अजित पवारांच्या साम्राज्यात भाजपने चाल करणे हेच अत्यंत भयावह आणि तितकेच विशेषदेखील.

 

मुळात बारामतीच्या प्रांतात भाजपचे ‘कमळ’ फुलण्यासाठी व्हिजन राबवणार हेच पवार काका पुतण्यासाठी – अस्वस्थ करणार. चुळबुळ वाढवणार. पुन्हा त्यात अकलूजच्या मोहिते पाटलांनी यात हिरिरीने भाग घेणे हे तर बारामतीकर काका पुतण्याला अधिकच अस्वस्थ तसेच विचलित करणार. यातून बारामतीकर पवार परिवारात चुरचुर उठलीय. भाजप पर्यायाने अकलूजच्या सिंहाचे राजकीय अतिक्रमण परतवून लावण्यासाठी गड ‘जैसे थे’ अबाधित ठेवण्यासाठी पवार परिवार देखील सजग होणे क्रमप्राप्त आहे.

 

Tags: #Akluj #Pawar #MohitePatil #storm #Baramati #stronghold #Singhs #Akluj #political#अकलूज #सिंह #बारामती #गड #ढुसण्या #मोहितेपाटील #पवार #अकलूज
Previous Post

सोलापूर विद्यापीठाच्या अधिकार मंडळांसाठी गुरुवारी मतदान; 38 जागांसाठी 75 उमेदवार रिंगणात!

Next Post

सोलापूर जिल्ह्यातील दोन महिला सरपंच बेपत्ता; महिला आयोगाने घेतली दखल

Surajya Digital

Surajya Digital

Next Post
सोलापूर जिल्ह्यातील दोन महिला सरपंच बेपत्ता; महिला आयोगाने घेतली दखल

सोलापूर जिल्ह्यातील दोन महिला सरपंच बेपत्ता; महिला आयोगाने घेतली दखल

वार्ता संग्रह

September 2022
M T W T F S S
 1234
567891011
12131415161718
19202122232425
2627282930  
« Aug   Oct »

ट्विटर पेज

Currently Playing

About Us

SurajyaDigital
सुराज्य डिजिटल हा ब्रँड जगाच्या काना-कोपऱ्यातील सर्वंकष माहितीचा अचूक खजिना आपल्यापर्यंत पोहोंचविण्याचे काम करतोय. टाईम मीडिया हाऊसचा हा ब्रँड अल्पावधीतच मराठी वाचकांचा अत्यंत विश्वासार्ह ब्रँड बनला आहे.जगभरातील घटनांचा वेगवान आढावा घेत त्यावर भाष्य करण्याबरोबरच वाचकांच्या आवडीचे विषय, करमणूक यासारखे दृक्श्राव्य व्यासपीठ उपलब्ध करून देण्यासाठी सुराज्य डिजिटल कटीबद्ध आहे. अधिक माहितीसाठी संपर्क करा timemediahouse@gmail.com timemarathi@gmail.com
  • Home
  • About Us
  • Contact Us
  • Disclaimer
  • Privacy Policy

© 2021 Surajya Digital All Rights Reserved Website Design & Developed By Digi Buffalo 9028927697

No Result
View All Result
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर

© 2021 Surajya Digital All Rights Reserved Website Design & Developed By Digi Buffalo 9028927697